Hwègbèèlì 16:5 - Mokpwe: Bakwery (New Testament)

⁵ O èŋgànɛ̀lɛ̀ ŋmèmba mò arzɛ mò ma ètìrzɛ̀hwɛ ò lì lòkɛ̀. O èŋgànɛ̀lɛ̀ mɔ̀rzɔ̀ŋgi mò awu mò hwàlòkèlì mò ma ahwatɛ wùnyà tɛ.

Hwègbèèlì 16:5 Mawu Ofanana

Hwègbèèlì 11:21

È ŋginyà ya ama e Rzàŋgò e ma hwɛ na wɔ̀. Ndèŋgànà ŋgìndì ndɛnɛ ya hwatò e ma lòkɛ̀ rzi e timbeya Rzàŋgò.

Hwègbèèlì 12:24

Ndi tɔ̀ nanù, eyà ya Lohwà e ma hwɛ ndi lì nyàla lì ɛ̀ndɛ ò wòrzò.

Hwègbèèlì 15:41

Pàwolò à mà akànèyà Rzàyilarzì ò erzòòkà ya Rzìrìyà na Rzìlirzìyà, hwà mà hwɛ lì ɛndɛ na lì ètìrzɛ̀ ŋmèmba.

Hwègbèèlì 2:47

Hwa mà hwɛ lì eka Lohwɛ̀ nà ò lì òka là mɔ̀nyɛ̀ŋgì mò hwèhwɛ̀ɛlì hwe gbamù hwe hwatò hwa arzɛ. Ndèŋgana wùnyà tɛ Rzàŋgò à mà hwatɛ ò mòndèŋge mò awu hwaŋga ema hwa mà hwɛ lì rzùŋgàhwà.

Hwègbèèlì 4:4

Ndi tɔ̀ nɛ hwà mà ŋgbaŋgɛ Petrò na Yòwanìrzɛ̀, rzayì-rzayì ja hwatò ema hwà mà hweya ŋmɛ̀ndì mò awu hwà mà lòkɛ̀. Mɔ̀rzɔ̀ŋgi mò hwàlòkèlì mò ma uka hwekòlì hweta hwe hwatò.

Hwègbèèlì 5:14

Ndi tɔ̀ nanù rzayì-rzayì ja wunyanà na hwalana ema hwà mà lòkɛ̀ e Rzàŋgò Yerzù, hwà mà hwɛ lì kpèeyà ò ehvehva ya awu ndèŋgànɛ̀lɛ̀ mɔ̀rzɔ̀ŋgi mò hwatò ema mò ma lòkɛ̀ mò ma hwɛ lì ahwàtɛ.

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.

Hwègbèèlì 9:31

O èŋgànɛ̀lɛ̀ rzɔ, ò eŋge hvònda ya arzɛ hwatò ema hwà mà lòkɛ̀ Yerzù ò hwèrzòòkà hwe arzɛ hwe Yùdeyà, Galìlì na Rzàmàrìyà hwe ma luwa ɛ̀yɔ̀lɛ̀. Ndeŋgànɛ̀lɛ̀ hwà mà òhva wɔ̀ɔŋgɔ̀ wò ama Lohwɛ̀ na wɔ̀, ndèŋgànɛ̀lɛ̀ Èlìŋgɛ̀ yà Wòtani e ma gbeyà hwà mà imbama.

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Kòlòrzìyà 2:6

Kànàtɛ inyɔ e ma emeyà Yerzù Krirztò nàa e Rzàŋgo ya anyu, e hwɛ ndi o lì gbeyà hweyà na oma mɔ̀ à arza nanù ema e gbeye.

1 Tɛ̀rzàlonìyà 3:13

I kànɛ ndi nanù, aŋga nanù Rzàŋgo Yerzù a e ètìrzɛ̀ mèèmà me anyu aŋga nanù e rza hwɛnɛ tɔ̀ lìtɔ̀tì tɔ̀ lɔ̀kɔ la mààtòo ma wòhwe o inyo ja anyu, na lì hwɛ wòtani o worzo wo ama Lohwà la arzu na Tàtɛ, e hvonda ema Rzàŋgo ya arzu Yerzù Krirztò a o jɛ̀ɛ̀ na hwatò wa eni hwa arzɛ.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.