Hwègbèèlì 16:4 - Mokpwe: Bakwery (New Testament)

⁴ Nà òma Pàwolò na Tìmòtì hwà mà hwɛ lì akeyà ò mbòwà na mambòwa, ò lì òhweyà hwatò ema hwa lòkɛ̀ hweyà ema I àpɔ̀rzìtòlò na hwàtimbelì hwa ŋmèmba hwa e mbòwà ndɛɛndɛ ya Jèrurzalɛ̀mù hwà mà tɛ̀yirzɛ. Hwà mà hwa òhweyà ò lì òŋgama hweŋge hweyà.

Hwègbèèlì 16:4 Mawu Ofanana

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:4

Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 15:6

Ène eyà e ma gbeyà ema I àpɔ̀rzìtòlò na hwàtimbèlì hwa ŋmèmba hwà mà taneya ò lì chakumɛlɛ ene mbɔrzi.