Hwègbèèlì 16:1 - Mokpwe: Bakwery (New Testament)

¹ Hwa Pàwolò hwa mà ɛ̀ndɛ ò mbòwa ndɛnɛ yà Dɛ̀bì na Lìrzìtìrà. Mòtò mɔ̀kɔ à mà hwɛ aŋga ema à mà hwɛ̀lɛ̀hwɛ̀ Tìmòtì. Nyàŋgò wà eni à mà hwɛ ndi mòlanà wa wònyà Yudà ndèŋgànɛ̀lɛ̀ mɔ̀ hvɛ à mà lòkɛ̀ Yerzù, ndi e tatɛ̀ ya eni e ma hwɛ ndi mòtò wa Grìki.

Hwègbèèlì 16:1 Mawu Ofanana

Hwègbèèlì 14:1

Nàa ɛ̀ɛ̀mɛ̀ ya awu Pàwolò na Bànàbàrzì hwà mà kpèeyà ò e ndawò ya màkanɛ̀ ya wònyà Yudà ò mbòwà ya Ikɔ̀nìyùmì. Hwà mà òhwa ŋmɛ̀ndì mò gbamù lì hvòmɛ̀nɛ̀ Yerzù aŋga nyayi ema rzayi-rzayi ja hwatò hwa wònyà Yudà na hwaŋga hwatò ema hwa rza enje wònyà Yudà hwà mà lòkɛ̀ Yerzù.

Hwègbèèlì 14:21

Pàwolò na Bànàbàrzì hwà mà òhwa ŋmɛ̀ndì mò gbamù mò ama Lohwɛ̀ ò mbòwà ndɛ̀nɛ ya Dɛ̀bì, hwà mà gbeyà rzayi-rzayi ja hwatò ò lì hwɛ hwà-òkòwèlì hwa ama Yerzù. O mburza nanù, hwà mà tìmba ò imbowà ndɛnɛ ja Lìrzìtìrà, Ikɔ̀nìyùmì, na Antìyɔ̀kì ò erzòòkà ya Pìrzìdìyà.

Hwègbèèlì 14:6

Ndi e hvònda ema Pàwolò hwà mà ayembɛ nanù, hwà mà hwaŋga rzìi hwa ɛ̀ndɛ ò erzòòkà ya Lìkònìyà rzìi hwa kpèeyà ò imbowà ndɛ̀nɛ ja Lìrzìtìrà na Dɛ̀bì na ò hweŋge hweki ema hwe ma hwɛ ò tòŋgòŋgò.

Hwègbèèlì 17:14

O lìwòkimɛnɛ hwaŋga hwàlòkèlì hwà mà òma Pàwolò ò rzàawà ya ŋmànja, ndi Rzàyilarzi na Tìmòtì hwà mà lìiya ò Bèrìyà.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Hwègbèèlì 19:22

O eŋgànɛ̀lɛ̀ rzɔ mɔ̀ à mà òma hwà-òŋgòwànèlì hwa eni hwahwàkɛ Tìmòtì na Ɛ̀ràrztùrzì, ò erzòòkà ya Màrzèdonìyà, ndi mɔ̀ à mà lìya ò erzòòkà ya Èrzìyà hvɛ ŋmanà hvòka hvònda.

Ròmànì 16:21

Tìmòtì, ema irzɔ nà mɔ̀ i gbèèyɛ̀nɛ̀ èwòlò à è òmelì ikɔ̀mi. Lùrzìyùrzì, Jèrzɔ̀nì nà Rzòrzìpàtà, wònyanyàŋgò wà ami wà wònyà Yudà, wɔ̀ hvɛ hwa e òmelì ikɔ̀mi.

1 Kɔ̀rintìyà 16:10

Tìmòtì a e jèlɛlɛ tɛ, e mo àŋgoweyà kɔ̀yi-kɔ̀yi èhwanja èwòlò ema a gbeyà Rzàŋgo yɔ ndi imba hvɛ na gbeyà.

1 Kɔ̀rintìyà 4:17

Ène ŋgàna ndeŋgatɛ imba, na e omeya Tìmòtì. Mɔ̀ ema a hwèlì ndi nàa e ŋmanà wa ami, wa ndìŋgɛ ya màlìŋgò o lìnà la ama Rzàŋgo. Mɔ̀ a gbeyà ndi mamɛ ya arzɛ ema e hwɛnì lì gbeyàhwa. Mɔ̀ a e ɔ̀ŋgɛ̀lɛ̀nɛ hwɛ̀ɛndèli hwe ami, hwe lòŋgɛ là ami na Yerzù Krirztò. Èŋge tumba lòŋgɛ e ɛ̀ndɛ̀nèlì na mamɛ ema imba na okolɛ̀ o ndawò ja mitelì.

1 Kɔ̀rintìyà 7:14

Èhwànja e mòjòmɛ̀ ema a rza lòkɛ̀yi Krirztò a hwɛ wòtani lì akeyà na e jòjìyɛ̀ wà eni ema a lòkɛ̀yi Krirztò o lìhwà la awu. È jòjìyɛ̀ hvɛ ema a rza lòkɛ̀ Krirztò, yɔ hvɛ e hwɛ wòtani lì akeyà e mòjòmɛ̀ wà eni ema a lòkɛ̀yi Krirztò o lìhwa la awu. È rza enje tɛ nanù, hwàanà hwa awu hwa rza hwɛ wòrzaŋgi, ndi o naŋgɛ wɔ̀ hwa hwèlì, wòtani.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 1:19

È hwèlì ndi nanù èhwanja, Ŋmɛ̀ndì mò Gbamù lì hvomɛ̀nɛ̀ e ŋmana wa Lohwà Yerzù Krirztò, ema imba, Rzàyìlàrzì, na Tìmòtì, ima e ohweyà. Yerzù a rza ohwa ama a gbeyà eyà ema a rza o gbeyɛ. A gbeyà mamɛ ema a ohwi à mà a gbeyà.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Hvìlipìyà 2:19

Nà àhvìtɛ̀ nanù ema na e omeya Tìmòtì o lì ehvɛhvɛ ŋmanà mbɔ, e hwèlì tɛ nanù ema Rzàŋgo Yerzù a emelì tɛ, aŋga nanù ŋmɛ̀ndì ema imba na o luwɛ lì e hvomɛ̀nɛ̀, mo o no kɔ̀mɛlɛ.

Kòlòrzìyà 1:1

Imba Pàwolò, ema na hwèlì mɔ̀kɔ wa i àpɔ̀rzìtòlò ja ama Yerzù Krirztò na oma Lohwɛ̀ a kàkɛ̀nɛ, imba ndi na e tìleya ini itita. Tìmòtì ŋmànyàŋgo wa arzu wa ama Krirztò na imba je e omelì ikɔ̀mi.

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

1 Tɛ̀rzàlonìyà 3:6

Ndi o nàŋgɛ nanù Tìmòtì ema à mà jà lì ehvɛhvɛ à mà jo timbeya, mɔ̀ à jo jànelì ŋmɛ̀ndì mò gbamù nanù ema, inyɔ e lòkɛ̀ Krirztò nanù mɛnɛ ndèŋgànɛ̀lɛ̀ inyɔ e alìŋgànɛ mɔ̀kɔ na ɔ̀nɛyi nanù mɛnɛ. A ma jo òhweyà hvɛ nanù ema e jo ohvanì mɔ̀ŋgɛ̀lɛ̀ ma gbamù, ndèŋgànɛ̀lɛ̀ e okelì hvɛ o lì jo ɛnɛ nyayi hvɔ̀kɔ mɛnɛ na oma irzɔ hvɛ ja okeya o lì e ɛnɛ.

2 Tɛ̀rzàlonìyà 1:1

Imba Pàwolò mondeŋge na Rzàyilàrzì na Tìmòtì ndi na e tilelì ene kààti. Nà e tilelì ndi inyɔ hwatò ema e hwèlì o ŋmèmba mo e mbowà ndɛnɛ ya Tɛ̀rzàlonìya, inyɔ ema e hwèlì e hwa ama Lohwɛ̀ Tatɛ̀ wa arzu na e hwa ama Rzàŋgo Yerzù Krirztò.

1 Tìmotì 1:18

È ŋmanà wà ami, Tìmòtì kòkò hweyà ema nà ohweyà ema ò gbèye, hwe hwèlì ndi hweyà ema Lohwɛ̀ à mà òhweyà hwatò nanù ema e hwa òhweyà ema màmɛ è hwɛni lì gbèyɛ̀nɛ nà ò wà. Inyɛ̀ eŋge mbɔrzi è ò ètìrzɛ̀. Nà oma ò gbeyànà hwèyòkòlèlì hwè jɔ̀kɛ̀ inyɛ hwe ò gbèye ò hwɛ ndi nàa mòtò ema à ana gbamù.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

2 Tìmotì 1:2

Ìi Tìmòtì ò wà ndi nà tìlèlì ini ìtìtà ò hwèlì ndi è ŋmanà wà ami wà ndìŋgɛ yà màlìŋgo. Ndèli, ììlì nà ɛ̀yɔ̀lɛ̀ ema hwe uhwɛlɛ nà Lohwɛ̀ è Tatɛ̀ nà Yerzù Krirztò è Rzàŋgo yà arzu è hwɛ nà ò wà.

2 Tìmotì 1:5

Nà ɔ̀ŋgɛ̀lɛ̀ nanù ema ò mà lòkɛ Yerzù Krirztò nà è jɔ̀kɛ̀. Liŋgi lì lòkɛ̀ mɛnɛ ndi è mbamba yà aŋgɔ̀ wà molanà Lɔ̀yìrzì nà nyɔ̀ŋgɛ wà aŋgɔ̀ Yùnìrzì wɔ̀ hvɛ hwa mà hwɛnɛ. Nà lòkɛ̀ nanù ema ò nàŋgɛ nanù, lìŋgi lìlòkɛ̀ mɛnɛ ndi wà hvɛ ò hwɛni.

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hibrù 13:23

Nà arza ema e hwiye ema ŋmanyàŋgo wa arzu Tìmòtì, à mà ulɛ̀hwɛ o ndawò ya hwèwòwà. A no ùŋmànɛ̀lɛ̀ tɛ karzi-karzi je e jèeya.