Hwègbèèlì 15:6 - Mokpwe: Bakwery (New Testament)

⁶ Ène eyà e ma gbeyà ema I àpɔ̀rzìtòlò na hwàtimbèlì hwa ŋmèmba hwà mà taneya ò lì chakumɛlɛ ene mbɔrzi.

Hwègbèèlì 15:6 Mawu Ofanana

Matiyò 18:20

O èŋgànɛ̀lɛ̀ rzɔ, tɔ̀ ima èki ema hwatò hwahwàkɛ tɔ̀ hwàyàwò hwa arzàŋgànɛ̀yi ò lìna la ami, imba hvɛ na hwèlì ò ìtììtènì ja awu.”

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:22

O èŋgànɛ̀lɛ̀ I àpɔ̀rzìtòlò na hwàtimbèlì hwa ŋmèmba na ŋmèmba mò arzɛ hwà mà kulɛ nanù ema, hwa hvɔ̀rzɔ̀ e hwa awu hwatò rzìi hwà hwa òma ò Antìyɔ̀kì mòndèŋge na Pàwolò na Bànàbàrzì. Wɔ̀ hwà mà hvɔ̀rzɔ̀ Jùdàrzì ema à mà hwɛ̀lɛ̀hwɛ̀ Bàrzabàrzì na Rzàyilàrzì, wunyanà ema hwà mà hwɛ hwàtimbèlì ò tenì ya hwàlòkèlì.

Hwègbèèlì 15:25

Irzɔ i ma lìya ò lì chakumɛlɛ hwenè hweyà, ò èŋgànɛ̀lɛ̀ irzɔ i ma kaka nanù ema, irzɔ je e hvɔ̀rzèyà ŋgurzu ja hwatò ema je e òmeya. Wɔ hwa ɛndɛ na Pàwolò na Bànàbàrzì ema irzɔ i lìŋgàni rzayi-rzayi.

Hwègbèèlì 15:4

Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 16:4

Nà òma Pàwolò na Tìmòtì hwà mà hwɛ lì akeyà ò mbòwà na mambòwa, ò lì òhweyà hwatò ema hwa lòkɛ̀ hweyà ema I àpɔ̀rzìtòlò na hwàtimbelì hwa ŋmèmba hwa e mbòwà ndɛɛndɛ ya Jèrurzalɛ̀mù hwà mà tɛ̀yirzɛ. Hwà mà hwa òhweyà ò lì òŋgama hweŋge hweyà.

Hwègbèèlì 21:18

O wònɛyi wùnyà Pàwolò à mà ɛndɛ na irzɔ ò lì ɛnɛ Jèmìrzì. Hwàtimbèlì hwa arzɛ hwà mitèlì, hwà mà ukeya aŋga.

Hwègbèèlì 6:2

Aŋga ndi lìyòmɛ̀ la hwà-òkòwèlì na hwàhwàkɛ̀ hwa a rzàŋga hwàlòkèlì hwa arzɛ rzìi hwa hwà òhweyà nanù ema, “O rza ò jò lɔɔnɔ nanù ema, irzɔ i kìnyɛ̀lɛ̀ lì ohwa eyà ya ama Lohwɛ̀ ò lì arza nanù ema jò ɔŋgeya hwèkawèlì hwe wòlì.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

Hibrù 13:7

È ɔ̀ŋgɛ̀lɛ̀ hwàtimbèlì hwa anyu hwa kòhwà ema hwa mà e ohweyà Eyà ya Lohwà è ɔ̀ŋgɛ̀lɛ̀ nà oma hwà mà lìya mòŋgɛ ma awu, e hwa nɔŋge matàŋgà mà awu ndeŋgànɛ̀lɛ̀ e lòkɛ̀ na oma wɔ̀ hvɛ hwà mà lòkɛ̀.