Hwègbèèlì 15:4 - Mokpwe: Bakwery (New Testament)

⁴ Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 15:4 Mawu Ofanana

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 14:27

Nà òma wɔ̀ hwà mà uke ò mbòwa ndɛnɛ ya Antìyɔ̀kì, wɔ̀ hwà mà rzaŋga hwatò hwa ŋmèmba èki yɔ̀kɔ rzìi hwà hwa òhweyà mamɛ ya arzɛ ema Lohwɛ̀ à mà gbèyɛ lì akeyà na wɔ̀. Wɔ hwà mà hwa òhweyà nɛ Lohwɛ̀ à mà lìhvòweya e njiya ò hwatò ema hwa rza enje wònyà Yudà, ò lì lòkɛ̀ Yerzù.

Hwègbèèlì 15:12

Èŋge ŋgindi ya arzɛ e ma hwɛ ndi lì òkànèyà ŋmɛ̀ɛ, na òma Bànàbàrzì na Pàwolò hwà mà hwɛ lì hwa òhweyà hwèèmbanelì na mànyàka ema Lohwɛ̀ à mà gbeye lì akeyà na wɔ ò ìtììtènì ja hwaŋga hwatò ema hwa rzi hwɛ wònyà Yudà.

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:22

O èŋgànɛ̀lɛ̀ I àpɔ̀rzìtòlò na hwàtimbèlì hwa ŋmèmba na ŋmèmba mò arzɛ hwà mà kulɛ nanù ema, hwa hvɔ̀rzɔ̀ e hwa awu hwatò rzìi hwà hwa òma ò Antìyɔ̀kì mòndèŋge na Pàwolò na Bànàbàrzì. Wɔ̀ hwà mà hvɔ̀rzɔ̀ Jùdàrzì ema à mà hwɛ̀lɛ̀hwɛ̀ Bàrzabàrzì na Rzàyilàrzì, wunyanà ema hwà mà hwɛ hwàtimbèlì ò tenì ya hwàlòkèlì.

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 15:6

Ène eyà e ma gbeyà ema I àpɔ̀rzìtòlò na hwàtimbèlì hwa ŋmèmba hwà mà taneya ò lì chakumɛlɛ ene mbɔrzi.

Hwègbèèlì 16:4

Nà òma Pàwolò na Tìmòtì hwà mà hwɛ lì akeyà ò mbòwà na mambòwa, ò lì òhweyà hwatò ema hwa lòkɛ̀ hweyà ema I àpɔ̀rzìtòlò na hwàtimbelì hwa ŋmèmba hwa e mbòwà ndɛɛndɛ ya Jèrurzalɛ̀mù hwà mà tɛ̀yirzɛ. Hwà mà hwa òhweyà ò lì òŋgama hweŋge hweyà.

Hwègbèèlì 18:27

Nà òma Apòlòrzì à mà arze lì ɛ̀ndɛ ò èkòmè ya Àkayiyà, hwàlòkèlì hwa e mbòwa ndɛnɛ ya Ɛ̀hvɛ̀rzɔ̀rzì hwà mà mò òŋgòwàna rzìi hwa tìleya hwàlòkèlì ò eŋge erzòòkà ò lì mò kàrzɛ. Nà òma mɔ̀ à mà uke aŋga, à mà òŋgòwàna hwaŋga hwatò ema hwà mà lòkɛ̀ lì akeyà na e ndèli ya ama Lohwɛ̀ ema hwà mà luwe.

Hwègbèèlì 21:17

È hvònda ema irzɔ i ma uke ò Jèrurzalɛ̀mù, hwàlòkèlì hwa ama Krirztò ema hwa hwèlì aŋga, hwà mà jò kàrzɛ na mɔ̀nyɛ̀ŋgi.

Hwègbèèlì 21:19

Pàwolò à mà hwa kɔ̀mɔ̀. O mburza ìikɔ̀mi ja eni rzìi a hwa telɛlɛ kɔ̀yi-kɔ̀yi hweyà ema Lohwɛ̀ à mà gbeye ò ìtììtènì ja hwatò ema hwa rza enje wònyà Yudà lì akeyà ò èwòlò ema mɔ̀ Pàwolò à mà gbeyɛ.

Ròmànì 15:18

Nà rza tànɛlì ò lì òhwa tɔ̀ ehvɛhvɛ eyà hvɛ lì aka tɛ ò lì òhwa lì hvòmɛ̀nɛ̀ èwòlò ema Krirztò a gbèyi ema na atànɛ̀yi ò lì gbeyà, ema e hwèlì ndi ò lì gbeyà nanù ema hwatò ema hwa rza enje wònyà Yudà hwa gbeye ndi na òma Lohwɛ̀ a arza nanù ema hwa gbeye. Hweya ema nà mà òhwɛ̀ɛ, na hweyà ema nà mà gbeyɛ hwe hwèlì ndi hweyà ema wɔ̀ hwa hwɛni lì òhwa na hweyà ema wɔ̀ hwa àŋgàmɛ̀nɛ̀ lì gbeyà.

Ròmànì 15:7

Imanɛlɛ mɔ̀kɔ na ɔ̀nɛyi, na òma Krirztò a e imanɛlɛ inyɔ, aŋga nanù hwatò hwa tanɛyi ò lì eka Lohwɛ̀.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

2 Kɔ̀rintìyà 5:19

Mamɛ ema imba na ohwa, e hwèlì ndi lì hvomɛ̀nɛ̀ e kpelì ema Krirztò à mà ŋwèeyà o mbarza. Lohwɛ̀ à mà gbeyà ema hwatò hwa uke o lì ahweyànɛ na mɔ̀. Lohwɛ̀ a rza kɔki wòhwe ema hwatò hwà mà gbeyɛ ndèŋgàna a jo ŋgbelì èwòlò, o lì ohweyà hwatò nanù ema hwa tànɛyi lì hwɛ o ɛ̀yɔ̀lɛ̀ na Lohwà.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

2 Yòwanìrzɛ̀ 1:10

Ò èŋgànɛ̀lɛ̀ rzɔ, tɔ̀ ima mòtò à è jɛ̀lɛ̀lɛ̀yi tɛ rzìi à è jàneyà hwèokòlelì ema hwe rza uwɛ̀lɛ̀lɛ̀yi ò mà Krirztò, è rzìi mò kpɛ̀lɛ̀ ò ndawò yà anyu tɔ̀ nà lì mò kàrzɛ nàa mɔ̀kɔ wà ŋmèmba.