Hwègbèèlì 15:2 - Mokpwe: Bakwery (New Testament)

² Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:2 Mawu Ofanana

Hwègbèèlì 10:23

Pètrò à mà kpɛlɛ hwaŋga hwatò ò ndawò. A hwa talɛlɛ mànɔ̀ŋgɔ̀ ema hwà mà akɛlɛlɛ wuu. O wònɛyi wùnyà, mɔ̀ à mà wòŋgirzɛnɛ rzìi a ɛndɛ na wɔ̀. Lòŋgò la hwàlòkèlì hwa e mbòwa ya Jopà hwà mà ɛndɛ na mɔ̀.

Hwègbèèlì 11:12

Èlìŋgɛ̀ yà wòtani è mà nò òhweyà ò lì ɛ̀ndɛ nà wɔ̀ è rzi hwɛ lì à kìkìyɛ̀. Mònò mòtòhwa mò hwàlòkèlì ema mò mà uwɛ̀lɛ̀lɛ̀yi ò mbòwà yà Jopà mò mà nò nɔŋgɔ ò lì ɛndɛ ò mbòwa yà Kàyìrzèrìyà ndèŋgànɛ̀lɛ̀ irzɔ hwa arzɛ, i mà kpèeyà ò tenì yà è ndawò yà ama Kɔ̀nɛ̀lìyùrzì.

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 15:25

Irzɔ i ma lìya ò lì chakumɛlɛ hwenè hweyà, ò èŋgànɛ̀lɛ̀ irzɔ i ma kaka nanù ema, irzɔ je e hvɔ̀rzèyà ŋgurzu ja hwatò ema je e òmeya. Wɔ hwa ɛndɛ na Pàwolò na Bànàbàrzì ema irzɔ i lìŋgàni rzayi-rzayi.

Hwègbèèlì 15:27

O èŋgànɛ̀lɛ̀ irzɔ je e òmeya Jùdàrzì na Rzàyìlàrzì wɔ hwa e òhweyà eŋge eyà mɛnɛ ema irzɔ i ma e tìleya.

Hwègbèèlì 15:4

Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 16:4

Nà òma Pàwolò na Tìmòtì hwà mà hwɛ lì akeyà ò mbòwà na mambòwa, ò lì òhweyà hwatò ema hwa lòkɛ̀ hweyà ema I àpɔ̀rzìtòlò na hwàtimbelì hwa ŋmèmba hwa e mbòwà ndɛɛndɛ ya Jèrurzalɛ̀mù hwà mà tɛ̀yirzɛ. Hwà mà hwa òhweyà ò lì òŋgama hweŋge hweyà.

Hwègbèèlì 21:18

O wònɛyi wùnyà Pàwolò à mà ɛndɛ na irzɔ ò lì ɛnɛ Jèmìrzì. Hwàtimbèlì hwa arzɛ hwà mitèlì, hwà mà ukeya aŋga.

1 Kɔ̀rintìyà 1:1

Ìmba Pàwolò ndi nà e omelì inì ìtìta ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò ŋmèmba na ŋmanyàŋgò wa àrzu, Rzɔ̀rztenìrzì.

2 Kɔ̀rintìyà 11:5

Nà rza lòkɛ̀ nanù ema hwanu hwatò ema hwa a hwɛlɛ wo hwiti nanù ema hwa hwèlì ndi àpɔ̀rzìtòlò ndɛnɛ hwa na akayi o èwòlò ema wɔ hwa gbeyà na a mɛnɛnɛyi tɛ na wɔ̀.

Gàletìyà 2:5

Ndi èhwanja ì ma arza lì e kombɛlɛlɛ è jɔ̀kɛ̀ ema è hwèlì ò Ŋmɛ̀ndì mò Gbamù, ì rzi hwa ŋgbe tɔ̀ hvonda tɔ̀ hvɔ̀kɔ.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.