Hwègbèèlì 13:9 - Mokpwe: Bakwery (New Testament)

⁹ Rzàwòlò ema a hwɛ̀lɛ̀hwɛ̀ hvɛ Pàwolò rzìi, à ònda na Èlìŋgɛ̀ yà Wòtani, rzìi a ɔŋgɔ̀ eŋge ŋgaŋga ya mbòwa ò mirzɔ̀ kòò,

Hwègbèèlì 13:9 Mawu Ofanana

Matiyò 10:20

È mbɔrzi ema à ò òhwɛ e rza hwɛ e ya eni ndi e uhwɛ̀lɛ̀lɛ ndi ò èlìŋgɛ̀ ya ama e Tatɛ̀ wa eni ema a òhwa ò nyòla ya eni.

Makòrzì 3:5

À mà hwa ɔ̀ŋgɔ nà hwètàtò rzìi, e mò tàtìrzɛ̀ ò ŋmèma mò eni. Rzìi à òhweyà òŋgò mòtò nanù ema, “Ènyòwa mòŋgò mɔ̀ɔ̀ mò àŋgɔ.” Nà òmà a mà mò enyòwe, mò mà wɔ̀wɔ̀.

Makòrzì 8:25

Yerzù rzìi a hwàkɛ màà mà eni ò mirzɔ̀ ma ama òŋgò mòtò hvɛ̀. Òŋgò mòtò à mà wòwa hvònda ò lì ɔŋgɔ̀, rzìi mìirzɔ̀ ma eni ma lìhvòhweyà, a wòteya lì ɛnɛ.

Lukàrzɛ̀ 20:17

Yerzù à ma hwa ɔ̀ŋgɔ lòŋgòlòŋgò, rzìi a hwa ijòwa nanù ema, “Nɛ inyɔ e rzɔ̀ŋgìtɛ̀nɛ̀, eyà ya Lohwà na òma e tìlahwì nanù ema, ‘Lìŋyayì ema hwà-òŋgèlì hwa mà ndinde, lɔ ndi lì ma tìmbɛ̀ɛ lìŋyàyi la wòlìtò.’

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

Hwègbèèlì 4:8

Pètrò rzɔ, ema ama ònda na Èlìŋgɛ̀ yà Wòtani à mà hwa alàhwɛ̀ nanù ema, “Hwàkànèlì na hwàmbaki hwa arzu hwa e mbòwa,

Hwègbèèlì 7:55

Ndi kanatɛ Rzìtehvànɛ à mà ònde nà Èlìŋgɛ̀ yà Wòtani, à mà ɔŋgɔ̀ ò ŋmanyu yà lohwà, rzi à ɛnɛ ŋmàye mò òma Lohwɛ̀, nà Yerzù ema à tɛ̀mì ò ehvàrzu yà lìya là mòmɛ̀ là ama Lohwɛ̀.