Hwègbèèlì 13:8 - Mokpwe: Bakwery (New Testament)

⁸ Ndi e mòtò ema lìinà la eni ò mbɔrzi ya Grìki lì ma hwɛ ndi Èlìmàrzì, a rzì hwa ŋgbe eŋge hvòlò. Mɔ̀ à mà arza nanù ema e mòtìmbèlì wa eŋge mbòwa, a rzi lòkɛ̀ ŋmɛ̀ndì mò gbamù.

Hwègbèèlì 13:8 Mawu Ofanana

Yòwanìrzɛ̀ 1:41

Eyà yà wòrzò Àndèlè à mà gbèye ema hwɛ ndi ò lì ɛ̀ndɛ lì arza ŋmanyàŋgò wà eni Rzimɔ̀nì. Nà òma à mà mò ɛnɛ rzìi à mò òhweyà nanù ema, “Ì mà ɛnɛ è Mɔ̀ ema à Ɔ̀kirzɛ̀hwɛ̀yi” (Èŋge ŋgàna è hwèlì ndi Krirztò).

Hwègbèèlì 13:12

Nà òma e mòkànèlì à mà ɛnɛ mamɛ ya arzɛ ema e ma gbèyɛ̀nɛ, rzìi a lòkɛ̀ Yerzù. Mɔ̀ à mà tameya hwèyòkòlèlì hwe ama Pàwolò na Bànàbàrzì ema hwà mà hwɛ lì òkòlɛ lì hvòmɛ̀nɛ̀ e Rzàŋgò Yerzù.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 19:38

È hwèlì tɛ nanù ema Dɛ̀mɛ̀trìyùrzì na hwàgbèèlì hwa eni hwa hwɛni tɛ eyà ò lì teŋgɛ̀nɛ̀ mòtò, ikòti i lìhvòhwèlì ndèŋgànà hwàkànèlì hvɛ hwa hwèlì, wɔ̀ hwa tanɛyi lì rzɔ̀mɔ̀nɔ̀ òŋgò mòtò aŋga.

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.

Hwègbèèlì 8:9

Nàŋgɛ rzɔ ò mà hwɛ munyanà mɔ̀kɔ ò eŋge mbòwa, ema lìinà là eni lì mà hwɛ ndi Rzimɔ̀ni, à mà hwɛ lì gbeyà hweyà hwe mànyakà nà è ŋginyà yà eni yà mèrzòmba ò eŋge mbòwà ndɛ̀nɛ. Ndèŋgànɛ̀lɛ̀ mɔ̀ à mà tàmìrzɛ̀ hwatò hwa arzɛ hwa eŋge erzòòkà yà Rzàmàrìyà. À mà hwɛ lì ayèkìrzɛ̀ nanù ema tɔ̀ mòtò à rza mò uki.

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

2 Tìmotì 3:8

Nà oma Jànɛ̀rzi na Jàmbrɛ̀rzi hwà mà teŋgɛ̀nɛ Morzè o hvonda ema e ma aka, nanù hvɛ mɛnɛ ndi hwà-òkòlèlì hwa mòlàŋgà hwa teŋgɛ̀nɛyi hwèyòkòlèlì hwe jɔ̀kɛ̀. Hwa hwɛni ndi màlùtèyà ma wòhwe, Lohwɛ̀ à mà hwa kìnyɛ̀lɛ̀ èhwanja hwa rza ohvi tɔ̀ lìlòkɛ̀ tɔ̀ lɔ̀kɔ.