Hwègbèèlì 13:51 - Mokpwe: Bakwery (New Testament)

⁵¹ I àpɔ̀rzìtòlò i ma hvàkùmɛ̀lɛ̀ irzɔ̀hwɛ̀ ema i ma hwɛ ò màtàŋgà ma awu, nàa embànèlì nanù ema wɔ̀ hwa òhvi e kɔ̀kìrzɛ̀. Nà òma hwà mà kùlɛ̀ lì gbeyà nanù, rzìi hwa ɛ̀ndɛ ò mbòwà ya Ikɔ̀nìyùmì.

Hwègbèèlì 13:51 Mawu Ofanana

Matiyò 10:14

Ndi è uki tɛ ò tɔ̀ ima ndawò tɔ̀ mbòwa rzìi hwa rza e kàrzɛ̀ tɔ̀ ò lì e òkànèyà, e hvùhvùhwè irzɔ̀hwɛ̀ ema i hwèlì ò màtàŋgà ma anyu e anjiiya tɛ aŋga ò lì uŋmɛ̀lɛ̀ nanù ema Lohwɛ̀ a rza hwa emelì.

Makòrzì 6:11

È ɛndì tɛ mbòwà ema e rza e kàrzɛ̀ na lì e òkànèyà è ànjiye aŋga, e hvùhvùhwè irzɔ̀hwɛ̀ ja anyu ja màtàŋgà nàa mbòŋgi lì uŋmɛ̀lɛ̀ nanù ema wòhwe wò awu wò hwa ɔ̀ŋgɔ ndi wɔ̀ ò hwètìmbèlì hwe anyu.”

Lukàrzɛ̀ 10:11

‘Tɔ̀ irzɔ̀hwɛ̀ ja anyu ema jò ò hwèlì ò rze yà màtàŋgà ma arzu, ì ma è hvùhvùhweyà è jɔ. Ndi e hwiyè ema lìkànèyà là ama Lohwɛ̀ lì ma è kòmbɛ̀nɛ̀.’

Lukàrzɛ̀ 9:5

È hwèlì hvɛ tɛ ema hwa rzà è kàrzɛ̀ tɛ, tɔ̀ ima mbòwà è uki e anjìyè aŋga e hvùhvùhwè irzɔ̀hwɛ̀ ema jè hwèlì ò màtàŋgà ma anyu, ò lì uŋmɛ̀lɛ̀ nanù ema, wòhwe wò awu wò hwèlì nà wɔ̀.”

Hwègbèèlì 14:1

Nàa ɛ̀ɛ̀mɛ̀ ya awu Pàwolò na Bànàbàrzì hwà mà kpèeyà ò e ndawò ya màkanɛ̀ ya wònyà Yudà ò mbòwà ya Ikɔ̀nìyùmì. Hwà mà òhwa ŋmɛ̀ndì mò gbamù lì hvòmɛ̀nɛ̀ Yerzù aŋga nyayi ema rzayi-rzayi ja hwatò hwa wònyà Yudà na hwaŋga hwatò ema hwa rza enje wònyà Yudà hwà mà lòkɛ̀ Yerzù.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 14:21

Pàwolò na Bànàbàrzì hwà mà òhwa ŋmɛ̀ndì mò gbamù mò ama Lohwɛ̀ ò mbòwà ndɛ̀nɛ ya Dɛ̀bì, hwà mà gbeyà rzayi-rzayi ja hwatò ò lì hwɛ hwà-òkòwèlì hwa ama Yerzù. O mburza nanù, hwà mà tìmba ò imbowà ndɛnɛ ja Lìrzìtìrà, Ikɔ̀nìyùmì, na Antìyɔ̀kì ò erzòòkà ya Pìrzìdìyà.

Hwègbèèlì 16:2

Hwàlòkèlì hwa imbowà ndɛnɛ ja Lìrzìtìrà na Ikɔ̀nìyùmì hwà mà òhwa gbamù lì hvòmɛ̀nɛ̀ Tìmòtì.

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.