Hwègbèèlì 13:5 - Mokpwe: Bakwery (New Testament)

⁵ Nà òma hwà mà ùke ò mbòwa ya Rzàlàmìrzì, hwà mà òhwa eyà ya Lohwà ò mandawò ma màkanɛ̀ ma wònyà Yudà. Hwà mà lɛmbɛ Yòwanìrzɛ̀ Màkòrzì ò lì hwa òŋgòwànà.

Hwègbèèlì 13:5 Mawu Ofanana

Matiyò 20:26

Ndi e rza hwɛni lì hwɛ nanù na inyɔ. Tɔ̀ ima mɔ̀ wa anyu ema a arza lì hwɛ e mòndɛnɛ wa anyu, a hwɛnì ndi lì hwɛ nàa e mòkutu wa anyu.

Hwègbèèlì 12:12

Nà òma Pètrò à mà àyɛ̀mbɛ̀ mamɛ ema e ma mò gbèyɛ̀nɛ, rzìi a ɛ̀ndɛ ò màandà mà ama Màlìyɛ̀, e nyàŋgò ya ama Yòwanìrzɛ̀ ema à mà hwɛ̀lɛ̀hwɛ̀ hvɛ Màkòrzì. Anù ndi rzayì-rzayì ja hwatò hwà mà arzàŋgànɛ ò màkanɛ̀.

Hwègbèèlì 12:25

Nà òma Bànàbàrzì na Rzàwòlò hwà mà kulɛ èwòlò ya awu ò Jèrurzalɛ̀mù, wɔ̀ hwà mà tìmba. Hwà mà tìmbana hvɛ Yòwanìrzɛ̀ ema lìnɛyi lìnà la eni hvɛ lì hwèlì ndi Màkòrzì.

Hwègbèèlì 13:14

Wɔ̀ hwà mà hwɛmɛ Pɛ̀ga rzìi hwa uka ò mbòwa ya Antìyɔ̀kì ò èkòmè ya Pìrzìdìyà. O Wùnyà wò lì arziyòlɛ, hwà mà kpèeyà ò ndawò ya màkànɛ̀, rzìi hwa lìya ò rze.

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 14:1

Nàa ɛ̀ɛ̀mɛ̀ ya awu Pàwolò na Bànàbàrzì hwà mà kpèeyà ò e ndawò ya màkanɛ̀ ya wònyà Yudà ò mbòwà ya Ikɔ̀nìyùmì. Hwà mà òhwa ŋmɛ̀ndì mò gbamù lì hvòmɛ̀nɛ̀ Yerzù aŋga nyayi ema rzayi-rzayi ja hwatò hwa wònyà Yudà na hwaŋga hwatò ema hwa rza enje wònyà Yudà hwà mà lòkɛ̀ Yerzù.

Hwègbèèlì 15:37

Bànàbàrzì à mà arza lì wòwa Yòwanìrzɛ̀ Màkòrzì na wɔ̀,

Hwègbèèlì 17:17

O eŋgànɛ̀lɛ̀ rzɔ à mà ɛndɛ ò tenì ya e ndawò ya màkànɛ ya wònyà Yudà rzìi a akòhwana hwatò hwa wònyà Yudà, na e wɔ ema hwa rza enje wònyà Yudà ema hwà mà hwɛ lì kànɛ Lohwɛ̀ mendeŋga. A ma hwɛ hvɛ ò lì ɛndɛ ò ewòka ya màlòkò wùnyà tɛ ò lì kòòwàna hwatò ema hwà mà hwɛ lì jà aŋga mendeŋga.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 19:22

O eŋgànɛ̀lɛ̀ rzɔ mɔ̀ à mà òma hwà-òŋgòwànèlì hwa eni hwahwàkɛ Tìmòtì na Ɛ̀ràrztùrzì, ò erzòòkà ya Màrzèdonìyà, ndi mɔ̀ à mà lìya ò erzòòkà ya Èrzìyà hvɛ ŋmanà hvòka hvònda.

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 19:8

Pàwolò à mà lìya aŋga ŋgbɛndɛ iyàwò. Hvònda tɛ à mà hwɛ lì kpèeyà ò ndawò ya màkànɛ ya wònyà Yudà rzìi hwa a kòòwà e rzi hwɛ mɔ̀ lì òka tɔ wɔ̀ŋgɔ̀. Wɔ̀ na mɔ̀ hwà mà hwɛ ò hvenda ndèŋgànɛ̀lɛ̀ mɔ̀ à mà hwɛ lì keka ò lì hwa telɛlɛ aŋga nanù hwa lòkɛ̀ nanù ema màmɛ ema a hwa òhweyà lì hvòmɛ̀nɛ̀ lìkànèyà la ama Lohwɛ̀ e hwèlì ndi e jɔ̀kɛ̀.

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

2 Tìmotì 4:11

Lukàrzɛ̀ mɛnɛ ndi à hwèlì na imba. O jà tɛ o jàne Màkòrzì, èhwanja à ò nò oŋgòwànà o èwòlò ema na hwɛni.