Hwègbèèlì 13:41 - Mokpwe: Bakwery (New Testament)

⁴¹ ‘È ɔŋgɔ̀ tɛ inyɔ hwatò ema e kikòwa Lohwɛ̀! È ò tàmà, ndèŋgànà e ò ŋwa, èhwanja eyà ema na ò gbèyɛ mene mèenyà, e hwèlì ndi eyà ema inyɔ e rza ò lòkɛ̀, tɔ̀ e hwɛ ndi nanù ema mòtò a e telɛlɛyi e yɔ.’”

Hwègbèèlì 13:41 Mawu Ofanana

Lukàrzɛ̀ 16:14

Ihvàlìrzàyì ì mà hweye hwenè hwèyòhwèlì hwe àrzɛ hwe ama Yerzù, rzìi hwa arzɔmbìyɛ̀ èhwanja hwa mà lìŋgàna màlì, rzayì-rzayì.

Lukàrzɛ̀ 23:35

Nà òmà è ŋgìndì e mà tɛ̀mɛ̀ ò lì ɔŋgɔ̀ Yerzù, rzìi hwàtìmbèlì hwa lìmeya ndi lì kìkòwa Yerzù nanù ema, “À mà òŋgirzɛ hwànɛ̀yi, a àwòŋgìrzɛ̀ hvɛ mɔ̀ ŋmìti jò ɔ̀ŋgɔ, è hwèlì tɛ ema ò jɔ̀kɛ̀ mɔ̀ ndì Lohwɛ̀ a hvɔ̀rzì, ema a Ɔ̀kirzɛ̀hwɛ̀yi.”

Hwègbèèlì 13:47

Eyà ema Lohwɛ̀ a jò kànèlì nanù ema i gbeye, e hwèlì ndi nanù ema, ‘Nà ma ò gbeyà ndi nàa ŋmàye ò hwaŋga hwatò ema hwa rza enje wònyà Yudà, aŋga nanù, hwatò hwa arzɛ hwa e rze ya arzɛ hwa ò luwa lì òŋgìrzɛ̀ lì akeyà na ò wa.’”

Hwègbèèlì 22:21

Rzàŋgò Yerzù rzìi à nò òhweyà nanù ema, ‘Ɛ̀ndɛ, ehwànja nà hwɛni lì ò òma hvòò ò hwaŋga hwatò ema hwa rza enje wònyà Yudà.’”

Hwègbèèlì 3:23

Tɔ̀ njɛ̀nɛ ema a rza hweyàna òŋgò mòòhwèlì wà èlìŋgɛ̀, Lohwɛ̀ a mò ulɛ ò ìtììtènì ja hwatò hwa Lohwɛ̀ ndèŋgànɛ̀lɛ̀ a hvaŋgahwa.’

Hwègbèèlì 6:14

I ma mò hwèya a òhwa nanù ema ònò Yerzù wa Nàrzàrɛ̀tì a rzuulɛ ene Ndawò yà Lohwà a eŋgòwa hvɛ hwɛ̀ɛ̀mɛ̀ hwe arzu ema hwe jò ŋgbàahwì na Mòrzè.”

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.

1 Pètrò 4:17

È hvonda e ma uka ema hwèkàyìrzèlèlì hwe hwɛni lì wòteyà ema Lohwɛ̀ a hwɛni lì wòteyà lì kàyìrzɛ̀ hwatò. Mɔ̀ a o wòteyà ndi o lì kàyìrzɛ̀ hwatò hwa eni. È hwèlì tɛ nanù ema Lohwɛ̀ a tanɛ tɛ lì jo wotàneya irzɔ ema i hwèlì hwatò hwa ama Krirztò, mamɛ e o hwɛ e mbàko ya hwaŋga hwatò ema hwa rza lòkɛ̀ɛ Ŋmɛ̀ndì mò Gbamù ema mo uwɛ̀lɛ̀lɛ̀yì o ma Lohwɛ̀ e?