Hwègbèèlì 13:16 - Mokpwe: Bakwery (New Testament)

¹⁶ Pàwolò à mà tɛ̀mɛ̀ ò ŋmanyu, a rzekɛlɛ hwatò lìya ò lì hwɛmɛ mɔtɔwu mò awu, rzìi a wòteya lì òhwa eyà. A ma òhwa nanù ema, “Wònyàmòwe hwa Irzàyɛ̀lì na inyɔ hwatò ema e rza enje wònyà Yudà ema e gbèeyà Lohwɛ̀, e nò òkànèyà.

Hwègbèèlì 13:16 Mawu Ofanana

Matiyò 11:15

Tɔ̀ ima mòtò ema à òhvi matò, a hweye.

Lukàrzɛ̀ 1:22

È hvònda a mà wurze, à rzi tanɛ̀ lì hwa òhwìrzɛ̀nɛ̀, rzìi hwa ayèmbɛ nanù ema à enì ndi jɛ̀nɛ̀ni ò Ndawò yà Lohwà, nà òmà a rzi tanɛ lì òhwà, à mà hwa uŋmɛ̀lɛ̀ ndi hwèmɛ̀nɛ̀nì nà màà mà eni.

Lukàrzɛ̀ 1:50

Ììlì ja eni jò ò hwɛ ndi ò ŋmanyu yà nyɔ̀ŋgɔ̀nì hvɔ̀kɔ nà ènɛ̀yi nyɔ̀ŋgɔ̀nì, nà ò ŋmanyu yà tɔ̀ njɛnɛ ema à mò ŋgbelì èluhwe.

Lukàrzɛ̀ 23:40

Ɔnɛ̀yi mòtò wà wòhwe rzi à mò kànja nanù ema, “Ò rza òka Lohwɛ̀ wɔ̀ŋgɔ̀ e? Ì lu ndi kɔ̀kìrzɛ̀ hvɔ̀kɔ nà ò nò mòtò ema à rza gbèyɛ tɔ̀ eyà.

Hwègbèèlì 10:2

Kɔ̀nɛlìyurzi à mà hwɛ̀ ndi mòtò ema à mà hwɛ lì òŋgama hweyà hwe ama Lohwɛ̀. Mɔ̀ na lìtumba la eni la arzɛ hwà mà gbèeyà Lohwɛ̀. A ma òŋgòwàna mèlìrza me hwatò me wònyà Yudà. A ma kanɛ̀ hvɛ Lohwɛ̀ ihvònda ja arzɛ.

Hwègbèèlì 10:35

Ndi mɔ̀ à emeyà ò tɔ̀ ima èkòmè mòtò ema a mò ŋgba èluhwe rzìi a gbeyà hvɛ mamɛ ema e hvòmɛ̀nɛ̀yi.

Hwègbèèlì 12:17

Pètrò a hvɛ̀tɛ̀lɛ̀ lìya la eni lì hwa uŋmɛ̀lɛ̀ nanù ema hwa lìya ŋmɛ̀ɛ, rzìi a hwa òhweyà nɛ Rzàŋgò a mò timbi ò lì anjiya ò hwèwòwà. A hwa òhweyà nanù ema, “È òhweyà Jèmìrzì nà hwanɛ̀yi hwatò ema hwa lòkɛ̀ Krirztò mamɛ ema e ma gbèyɛ̀nɛ.” Rzìi à hwa hwɛmɛ, a ɛ̀ndɛ ò èhvɛhvɛ èki.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 19:33

Lòŋgò la hwatò hwà mà kulɛ ndi nanù ema, Alɛ̀rzàndrìyà ndi à mà hwɛnɛ e njɔ̀mì. Kanatɛ mɔndi hwatò hwa wònyà Yudà hwà mà òme ò lì hvuŋgana. Alɛ̀rzàndrìyà rzi a karzɛ lìya la eni ò ŋmanyu ò lì arza lì òhwa eyà ò lì arzùŋgɛ̀ ò marzò ma hwaŋga hwatò.

Hwègbèèlì 2:14

Pètrò rzìi a tɛ̀mɛ̀nɛ ò ŋmanyu ò ìtììtènì ja lìnɛyi lìyòmɛ̀ la àpɔ̀rzìtòlò na mɔ̀kɔ, à mà karzɛ lìlò la eni ò ŋmanyu, rzìi a òhweyà e ŋgìndì nanù ema, “Ìi wònyamòwè hwa wònyà Yudà, na inyɔ hwa arzɛ ema e lìya ò mbòwa ya Jèrurzalɛ̀mù, e kòŋgɛ matò, inyɛ na e telɛlɛ mamɛ e hwèlì jànda ja ene eyà.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Hwègbèèlì 21:40

Oŋgò mòkànèlì wa hwàanà njuma à mà mò ŋgbàà e wònja ò lì òhwa eyà. O eŋgànɛ̀lɛ̀ Pàwolò à mà tɛ̀mɛ̀ ò ŋmèna-ŋmèna mò eŋge ndawò ya ŋguhwa, rzìi a hvɛhvɛ lìya la eni ò e ŋgindi nanù ema hwa hwɛmɛ mɔ̀tɔ̀wù. Nà òma hwà mà lìya ŋmɛɛ Pàwolò rzìi a hwa òhwirzɛnɛ na e mbɔrzi ya Hibrù.

Hwègbèèlì 22:22

Hwàtò hwa mà òkànèyà Pàwolò natɛ̀ɛ è hvònda ema mɔ̀ à mà òhwe nanù ema Lohwɛ̀ à mà mò òma ò lì ɛndɛ ò hwatò ema hwa rza enje wònyà Yudà. Nà òma hwa mà hweye nanù, rzìi hwa wòteyà lì tɛ̀ɛ̀ ò ŋmanyu nà màlò mà kàrzàmi, lì òhwa nanù ema, “È mò ɛ̀ndɛ̀nɛ̀! È mò òŋwe! À rza kànɛ̀yì ò lì hwɛ lòŋgɛ!”

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”

Hwèwulùwèlì 2:11

Tɔ̀ njɛnɛ ema à ohvi mato inyɛ à hwèye eyà ema Èlìŋgɛ̀ è ohweyà ŋmèmba. Hwàto ema hwa akayi wòhwe hwa rza ò ŋwa è kpelì yà èlìŋgɛ̀.”

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Hwèwulùwèlì 2:29

Tɔ̀ njɛnɛ ema à hwɛnì matò inyɛ à okànèyà mamɛ ema Èlìŋgɛ̀ è ohweyà ŋmèmba.”

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”