Hwègbèèlì 12:7 - Mokpwe: Bakwery (New Testament)

⁷ O lìwòkimɛnɛ e aŋgèlì ya ama e Rzàŋgò e ma mò wurzeya rzìi ŋmàye mò ònda ò èŋge tùu ya hwèwòwà ema à mà hwɛ. Èŋge aŋgèlì rzìi e nyìŋgìrzɛ̀nɛ̀ Pètrò ò etulì ya eni, ò lì mò imòlɛ ò ijɔ. Rzìi e aŋgèlì e òhwa nanù ema, “Tɛmɛ̀ karzi.” Iŋgi ŋgɔ̀kɔ̀hwi rzìi i rzòlòhweya jò unda ò meyɔ mo eni.

Hwègbèèlì 12:7 Mawu Ofanana

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Lukàrzɛ̀ 2:9

Lìwòkìmɛnɛ, è aŋgèlì yà ama Rzàŋgò è hwa wurzeyà, rzìi ŋmɛ̀ɛ̀nɛ̀nì mò ama Rzàŋgò mo hwa lìŋgà. Hwa mà tumeya nà mòkambiya.

Lukàrzɛ̀ 24:4

Hwa mà wòteya lì lùteya mamɛ e ma gbèyɛnɛ nà mòŋgò ŋmìmbà. Lìwòkìmɛnɛ wùnyànà hwàhwàkɛ̀ ema hwà mà wɔtɔ̀ mbɔ̀mi ja ŋgɛ̀ŋgɛ̀lɛ-ŋgɛ̀ŋgɛ̀lɛ, hwa mà hwa wurzeya.

Hwègbèèlì 10:30

Kɔ̀nɛ̀lìyùrzì rzìi à tìmbìrzɛ̀lɛ̀lɛ̀ nanù ema, “Mèènyà mè iyàwò ema mè mà aka, nà mà hwɛ lì kanɛ̀ ò ndawò yà ami, ò lìni lìrzàkò là ŋgɛ̀ŋgi iyàwò jà ŋmèrze, lìwòkimɛnɛ mòtò ema à mà wɔtɔ̀ lìwɔtì là kɛ̀ŋgɛ̀ŋgɛ̀ rzìi à nò tɛ̀meyà ò wòrzò,

Hwègbèèlì 12:23

O lìwòkimɛnɛ, e aŋgèlì ya ama Rzàŋgò a mò ɛrzɛ na mòrziyò. Èhwanja mɔ̀ à rzìi ŋgbe Lohwɛ̀ èluhwe. O èŋgànɛ̀lɛ̀ melɔmbi me ma mò laa ò tenì natɛ̀ɛ a ŋwa.

Hwègbèèlì 12:6

Hɛ̀rɔ̀dì à mà arza lì jànà Pètrò elele ò marzò ma hwatò. O wòŋgò wuu mɛnɛ ema Hɛ̀rɔ̀dì à mà ika ò ŋmèma mò eni nanù ema a jàneyà hwatò Pètrò ò wònɛyi wùnyà, Pètrò à mà hwɛ ò ijɔ ò ìtììtènì ja hwàanà njuma hwahwakɛ. A ma kakahwa na ŋgɔ̀kɔ̀hwi ò hwèhvàrzù hwe eni hwe nyò hwe ahwakɛ, ndèŋgànɛ̀lɛ̀ hwahvɛhvɛ hwàanèlì hwa njuma hwà mà tɛ̀mɛ̀ ò lì ɔŋgeya hwèkpèèlì hwe e ndawò ya hwèwòwà.

Hwègbèèlì 12:8

È aŋgèlì rzi e mò òhweyà nanù ema, “Kaka e ŋgòlì ya aŋgɔ̀ gbamù, ò wɔte hvɛ hwetambi hwe aŋgɔ̀.” Pètrò à mà gbeyà mamɛ ya arzɛ ema à mà òhwahwɛlɛ ò lì gbeyà. È aŋgèlì rzìi e mò òhweyà nanù ema, “Wɔtɔ̀ e kòti ya aŋgɔ̀, ò nò òŋgame.”

Hwègbèèlì 16:26

O wòtɛmɛ̀tɛmɛ̀ mònyìŋgìrzɛ̀nɛ̀ mò ŋginyà mò ma wòteya, rzìi mò nyìŋgìrzɛ̀nɛ̀ mòŋgò mɔ̀nɔ̀ŋgɔ̀ mò arzɛ mò èŋge ndawò ya hwèwòwà. O lìwòkimɛnɛ mawòhvà mà arzɛ ma mà kùwa lì lìhvòweya, iŋgɔ̀kɔ̀hwi ema hwà mà kɔ̀wɔ̀nè hwatò hwa hwèwòwà ja arzɛ i ma kùwa lì tumeya.

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Hwègbèèlì 5:19

Ndi ò wòŋgò wuu mɛnɛ, e aŋgèlì ya ama e Rzàŋgò e ma hwa lìhvòweya mawòhvà mà e ndawò ya hwèwòwà rzi e hwa wurzirzɛ. È aŋgèlì e ma hwa òhweyà nanù ema,

Hwègbèèlì 9:3

Aŋga ndi Rzàwòlò à mà anjiye rzi a ɛndɛ. Nà òma mɔ̀ à mà kòmbɛ̀nɛ̀ è mbòwa yà Dàmàrzkɔ̀rzì, lìwòkimɛnɛ lìŋmɛti lì mà uwɛ̀lɛ̀lɛ̀yì ò ŋmanyu yà lohwà, rzìi lì mò hvàyeyà è nyò yà arzɛ.

Ɛ̀hvìrzìyà 5:14

Ŋmàye ndi mo wuluhwa hweyà hwe wòhwe. Ɔ̀ndeŋgàtɛ̀ e ohwahwi nanù ema, “O wa ema o nàŋgaa imòwa, hvùmùwà o kpelì. Ŋmàye mo ama Krirztò mo uŋmɛ̀lɛ̀ o nyo ya aŋgɔ̀.”

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

Hwèwulùwèlì 18:1

Ò mburza yà hwene hweyà, nà mà ɛnɛ è hvɛhvɛ aŋgèlì è mà uwɛ̀lɛ̀lɛ̀yi ò ŋmanyu yà lohwà lì rzihwa ò rze, è mà ohva wònja ndɛnɛ, ŋmàye mò eni mò mà hvààlɛ̀ è rze yà mɔ̀nyɛ̀ yà arzɛ.