Hwègbèèlì 12:6 - Mokpwe: Bakwery (New Testament)

⁶ Hɛ̀rɔ̀dì à mà arza lì jànà Pètrò elele ò marzò ma hwatò. O wòŋgò wuu mɛnɛ ema Hɛ̀rɔ̀dì à mà ika ò ŋmèma mò eni nanù ema a jàneyà hwatò Pètrò ò wònɛyi wùnyà, Pètrò à mà hwɛ ò ijɔ ò ìtììtènì ja hwàanà njuma hwahwakɛ. A ma kakahwa na ŋgɔ̀kɔ̀hwi ò hwèhvàrzù hwe eni hwe nyò hwe ahwakɛ, ndèŋgànɛ̀lɛ̀ hwahvɛhvɛ hwàanèlì hwa njuma hwà mà tɛ̀mɛ̀ ò lì ɔŋgeya hwèkpèèlì hwe e ndawò ya hwèwòwà.

Hwègbèèlì 12:6 Mawu Ofanana

Matiyò 28:4

Hwàŋga hwàànèlì wa njuma ema hwà mà hwɛ lì ɔŋgeya eŋge rzɔ̀ŋgɔ̀ hwà mà òhva wɔ̀ŋgɔ̀. Wòŋgò wɔ̀ŋgɔ̀ wò ma hwa tumìrzɛ̀ mòkambiya rzìi hwa kpa ò rze hwa embama na hwèembè.

Hwègbèèlì 12:5

O èŋgànɛ̀lɛ̀ Pètrò à mà aŋgɛhwɛ ò hwèwòwà, ndi ŋmèmba mò hwatò hwa Krirztò mò ma hwɛ lì mò kanɛ̀lɛ̀lɛ̀.

Hwègbèèlì 21:33

È mòkànèlì wa hwàanà njuma rzìi a ɛndɛ lì ùŋmànɛ̀lɛ̀ Pàwolò rzi a mò ŋgbaŋgɛ, rzìi a akɛlɛ lìlò nanù ema hwa mò kàkane ŋgɔ̀kɔ̀hwì ihwakɛ. Rzìi à ijòwa nanù ema, “Njɛnɛ ònò e? Mamɛ mɔ̀ à gbèyi e?”

Hwègbèèlì 28:20

Lìtiŋga lɔ̀ lìŋgi ema lì gbèyi imba na e hwɛlɛ nanù ema jò òhwe. Ò jɔ̀kɛ̀-jɔ̀kɛ̀ na arza nanù ema e hwiye nanù ema e hwèlì tɛ nanù ema iŋgɔ̀kɔ̀hwi i nò hwèlì tɛ ò màà ma ami, nanù òma i hwèlì ndi ò lì hvòmɛ̀nɛ̀ e mòtò ema hwatò hwa Irzàyɛ̀lì hwa ikayi màhvìtà mà awu nanù ema mɔ̀ à hwɛni lì jà.”

Hwègbèèlì 5:23

“Nà òma irzɔ jò uki ò hwèwòwà, jò ùŋmanɛlɛ e ndawò ya hwèwòwà e umbahwi kilìkòtò. Hwà-ɔ̀ŋgèlì hwa arzɛ ema hwà mà hwɛ lì tɛ̀mɛ̀ ò mawòhvà mà arzɛ ò lì ɔŋgeya hwèwòwà, hwà mà tɛ̀mɛ̀ ò mawòhvà mà arzɛ. Ndi na òma irzɔ i lìhvò mawòhva, i rza ùŋmanɛlɛ tɔ̀ mòtò ò tenì.”

Ɛ̀hvìrzìyà 6:20

Yerzù Krirztò a no hvɔ̀rzɔ̀ o lì hwɛ e rzuwɛlɛ ya eni o lì ohwa mono Ŋmɛ̀ndì mò Gbamù. Litiŋga lìiŋgi ɔ̀ndeŋgàtɛ̀ na gbèyi ndi naŋgɛ nàa e mòtò wa hwèwòwà. O èŋgànɛ̀lɛ̀ inyɔ e no kànɛ̀lɛlɛ nanù ema Lohwɛ̀ a na ètìrzɛ̀ ŋmèma mo ami, o lì ohwa mono ŋmɛ̀ndì mò gbamù e rzi hwɛ lì oka tɔ̀ wɔ̀ŋgɔ̀.

2 Tìmotì 1:16

Nà kanɛ̀ nanù ema Lohwɛ̀ à ùŋmɛ̀lɛ̀ ììlì jà eni ò lìtumba là ama Ònɛ̀rzìhvɔ̀rùrzì, èhwanja à mà hwɛ lì nò ŋgba etèmbè ihvonda jà arzɛ. Mɔ̀ à rzi nò òkanè tɔ̀ ìrzɔnì nanù ema nà hwèlì ò hwèwòwà,

Hibrù 13:6

O èŋgànɛ̀lɛ̀ jo ohwa nà èkɔ̀ɔnjì nanù ema, “Lohwɛ̀ ndi à hwèlì e mòoŋgòwànèlì wa ami, nà rza oka wɔ̀ŋgɔ̀, mamɛ̀ mòtò wa hwènàmà a tanɛ̀yi lì no gbeyà e?”