Hwègbèèlì 11:16 - Mokpwe: Bakwery (New Testament)

¹⁶ Àŋga ndi nà à ɔ̀ŋgɛ̀lɛ̀ hweyà ema Rzàŋgò mɔ̀ à mà òhwe nanù ema, ‘Yòwanìrzɛ̀ à mà lùhwìrzɛ̀ ndi nà malìhwa, ndi inyɔ è ò lùhwìrzɛ̀hwɛ̀ ndi nà Èlìŋgɛ̀ yà Wòtani.’

Hwègbèèlì 11:16 Mawu Ofanana

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 3:6

Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Makòrzì 1:8

Imba nà è lùhwìrzɛ̀ nà malìhwa, ndi mɔ̀ à ò è lùhwìrzɛ̀ ndi nà Èlìŋgɛ̀ yà Wòtani.”

Lukàrzɛ̀ 24:8

Aŋgà ndi hwaŋga hwalanà, hwa a ɔ̀ŋgɛ̀lɛ mamɛ a mà hwa òhweyà.

Lukàrzɛ̀ 3:16

Yòwanìrzɛ̀ rzìi à hwa alàhwɛ̀ hwa arzɛ nanù ema, “Nà è lùhwìrzɛ̀ naŋgɛ nà màlìhwa, ndi òŋgò ema à kàrzàmi lì nò aka à ò jà, ema nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni. Mɔ̀ à è ò lùhwìrzɛ̀ ndi nà Èlìŋgɛ̀ yà Wòtani nà mùnya.

Yòwanìrzɛ̀ 1:26

Yòwanìrzɛ̀ rzìi à hwa alàhwɛ̀ hvɛ nanù ema, “Nà lùhwìrzɛ̀ ndi nà malìhwa, ndi ò ìtììtènì jà anyu ò hwèlì mɔ̀kɔ ema inyɔ è rza hwiyɛ̀.

Yòwanìrzɛ̀ 1:33

Tɔ̀ nɛ nà rzi rzɔ̀ŋgìtɛ̀nɛ̀ nanù ema mɔ̀ òŋgò. Ndi nà òma Lohwɛ̀ à mà nò òme ò lì lùhwìrzɛ̀ hwatò nà màlìhwa, à mà nò òhweyà nanù ema, ‘È mɔ̀ ema ò ɛni èlìŋgɛ̀ è mò rzihwèlì lì mò tɛmeyà, mɔ̀ ndi à hwèlì è mɔ̀ ema à ò lùhwìrzɛ̀ hwatò nà èlìŋgɛ̀ yà wòtani.’

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 16:4

Nà e òhwèlì ndi ene eyà, aŋga nanù, e hvònda e jelì tɛ ema hwene hweyà hwe ò gbèyɛ̀nɛ òma ema ɔ̀ŋgɛ̀lɛ̀ ema nà mà e kòkòwɛlɛ. “Nà rzi lòme lì e òhweyà hwenè hweyà ò hwewòtelì, èhwanja, nà mà hwɛ na inyɔ.

Hwègbèèlì 1:5

Yòwanìrzɛ̀ à mà lùhwìrzɛ̀ ndi nà malìhwa ndi ò ŋgùrzu jà mèènyà ema mè ò jɛ̀ɛ̀ è lùhwìrzɛ̀hwɛ̀ ndi nà Èlìŋgɛ̀ yà Wòtani.”

Hwègbèèlì 20:35

O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”

1 Kɔ̀rintìyà 12:13

Nànù mɛnɛ hvɛ ndi e hwèlì na irzɔ hwa arzɛ e hwɛ ndi ŋga wònyà Yudà o tɔ̀ hwaŋga ema hwa rza enje wònyà Yudà tɔ̀ e hwɛ ndi ŋga hwàkòmì tɔ̀ e hwaà wònjà irzɔ hwa arzɛ i lùhwìrzɛ̀hwɛ̀ ndi na èlìŋgɛ̀ yà wòtani, o tenì ya èŋge nyo ya ahvɔ̀kɛ. Ndèŋgana Lohwɛ̀ à mà jo rzòòkɛ èŋge èlìŋgɛ̀ yà wòtani mɛnɛ o tenì ya mèèmà me arzu.

2 Pètrò 3:1

Imbùnda ja ami kòkò, ene kààtì ndi i ùkirzɛ̀ ihwàkɛ ema nà mà e tìleya. O tenì ya i kààtì ja ahwakɛ, nà mà e ɔ̀ŋgɛ̀lɛ̀nɛ hweyà ema e lomi lì hwiya, aŋga nanù e ɔ̀ŋgɛ̀lɛ̀ tɛ hweyà ema nà mà tìlɛ̀, hwe e oŋgowàna o lì hwɛnɛ màlùtèyà ma jɔ̀kɛ̀.