Hwègbèèlì 10:7 - Mokpwe: Bakwery (New Testament)

⁷ Nà òma e aŋgèlì ema e ma hwɛ lì mò òhwirzɛnɛ e ma ɛndɛ, Kɔ̀nɛ̀lìyùrzì rzìi a hwɛlɛ hwàgbèèlì hwa eni hwahwàkɛ na ŋmanelì mɔ̀kɔ wa njuma ema mɔ̀ hvɛ à mà hwɛ lì òŋgama hweyà hwe ama Lohwɛ̀, ndèŋgànɛ̀lɛ̀ à mà hwɛ hvɛ ndi ŋmànèlì wa njuma ema à mà hwɛ lì ɔŋgeya Kɔ̀nɛ̀lìyùrzì.

Hwègbèèlì 10:7 Mawu Ofanana

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Lukàrzɛ̀ 2:25

O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.

Lukàrzɛ̀ 3:14

Lòŋgò la hwàànèlì hwa njùma hvɛ hwa mà mò ijòwa nanù ema, “Mamɛ irzɔ hvɛ ì gbeyà e?” Yòwanìrzɛ̀ à mà hwa alàhwɛ̀ nanù ema, “È rzì ɔ̀njɔnɔ hwatò màlì. È rzì òhwa ema hwatò hwa gbèyi hweyà ema hwa rzà gbèyɛ ndi e òke mɔ̀nyɛ̀ŋgì nà mamɛ ema e lùwa nàa etàŋgì ya anyu.”

Hwègbèèlì 10:6

A hwèlì ndi ŋmɛ̀nì ò ndawò ya ama e mòtò ema èwòlò ya eni e hwèlì ndi ò lì rzèeyà mèyòwò me nyàmà, lìinà la eni lì hwèlì ndi Rzìmɔ̀nì, a lìya ndi ò rzààwà ya ŋmanjà.”

Hwègbèèlì 10:8

Mɔ̀ à mà hwa òhweyà mamɛ̀ ema e ma gbèyɛ̀nɛ, rzìi a hwa òma ò mbòwa ya Jopà.

1 Tìmotì 6:2

Hwàŋga hwàkòmì ema hwa hwèlì o rze ya hwatò ema hwa lòkɛ̀yi Krirztò, hwa rzi keka lì lùtèyà nanù ema na oma irzàŋgo ja awu i hwèlì ndi hwatò ema hwa lòkɛ̀yi Krirztò. O eŋgànɛ̀lɛ̀ rzɔ hwa rza hwa ŋgba èluhwe. Hwa àŋgàmɛ̀nɛ̀yi lì hwa gbèeyà tɔ̀ lì aka nàa hwa gbèeyà hwatò ema hwa rza lòkɛ̀ Krirztò. Hwa àŋgàmɛ̀nɛ̀yi lì gbèeyà nanù èhwanja irzàŋgo ja awu ema wɔ̀ hwa gbèeyà, i hwèlì ndi hwàlòkèlì hwa ama Krirztò. Ndèŋgàna hwa hwèlì ndi hwatò ema hwàgbèèlì hwa awu hwa lìŋgàna. O òkolɛ hwatò hwene hweyà ndèŋgàna o ètìrzɛ̀ mèèmà me awu o lì hwe nɔ̀ŋgɔ.

Hvìlɛ̀mɔ̀nì 1:16

Ò nàŋgɛ à rza enje ndi mòkòmè, ndi à hwèlì ndi ŋmanyàŋgò wà arzu wà ama Krirztò. Nà mò lìŋgàni rzàyi-rzàyi, ndèŋgànɛlɛ ò wà hvɛ ò àŋgàmɛ̀nɛ̀yi lì mò lìŋgàna lì aka mamɛ ema imba nà mò lìŋgàni. Ò àŋgàmɛ̀nɛ̀yi lì mò lìŋgàna nàa è mògbèèlì wà aŋgɔ̀ ndèŋgànɛlɛ nàa ŋmànyɔ̀ŋgɔ̀ wà aŋgɔ̀ wà ama Krirztò.