Hwègbèèlì 10:4 - Mokpwe: Bakwery (New Testament)

⁴ Onò mòtò rzìi à inja eŋge aŋgèlì nà wɔ̀ŋgɔ̀ rzìi à è ijòwa nanù ema, “Ìi Rzàŋgò mamɛ e hwèlì e?” Èŋge aŋgèlì rzi e mò alàhwɛ̀ nanù ema, “Lohwɛ̀ à mà hweyà lìkànɛ la aŋgɔ̀, ndèŋgànɛ̀lɛ̀ à mà ɛnɛ ŋmèma mò aŋgɔ̀ mò gbamù. Ndeŋgànɛ̀lɛ̀ mɔ̀ à wòŋgirzɛnɛ ò lì alàhwɛ̀ lìkànɛ la aŋgɔ̀.

Hwègbèèlì 10:4 Mawu Ofanana

Matiyò 26:13

Nà è òhweyà nà è jɔ̀kɛ̀ nanù ema, tɔ̀ ima èki ema mònò Ŋmɛ̀ndì mò Gbamù mò òhwàhwa ò rze yà arzɛ, hwa ò òhwa enè eyà ema ònò mòlanà à gbèyi, ò lì mò ɔ̀ŋgɛ̀lɛ̀.”

Lukàrzɛ̀ 1:29

Mònò ŋmɛ̀ndì mò mà tàkirzɛ Màlìyɛ̀ rzayì-rzayì. Rzìi à atàkìrzɛ ò ŋmèma mò eni, ò lì hwiyà jànda ja inì ikɔ̀mi.

Lukàrzɛ̀ 24:5

Hwanù hwalanà hwa mà lɛ̀mbeya mòkambiya rzìi hwa rzùma màrzò ma awu ò rze. Hwàŋga hwatò hwa mà hwa ijòwa nanù ema, “Mamɛ ya àrzeyà è mɔ̀ ema a hwèlì lòŋgɛ ò tenì yà mèlìmà e?

Hwègbèèlì 10:31

òŋgò mòtò rzìi à òhwa nanù ema, ‘Kɔ̀nɛlìyùrzì, Lohwɛ̀ à mà hweyà lì kanɛ̀ là aŋgɔ̀. Ndeŋgànɛ̀lɛ̀ à mà ɔ̀ŋgɛ̀lɛ̀ hwèwòlò hwe aŋgɔ̀ hwe lì òŋgòwàna la mèlìrza me hwatò.

Hwègbèèlì 14:9

A ma hwɛ lì òkànèyà na òma Pàwolò à mà hwɛ lì òhwa ŋmɛ̀ndì mò gbamù. Pàwolò a mò rzòke mìirzɔ̀, rzìi a ɛnɛ nanù ema òŋgò mòtò a hwɛnì lìlòkɛ̀ nanù ema a ò wɔ̀wìrzɛ̀hwɛ.

Hwègbèèlì 22:10

Nà mà mò ijòwa nanù ema, ‘Ìi Rzàŋgò mamɛ nà aŋgàmɛ̀nɛ̀yi lì gbeyà e?’ Rzàŋgò rzìi è nò alàhwɛ̀ nanù ema, ‘Tɛ̀mɛ̀nɛ̀ ò ŋmanyu, ò ɛndɛ ò kpèeyà ò mbòwà ndɛ̀ɛ̀ndɛ̀ yà Dàmàrzkɔ̀rzì. Aŋga ndi ò òhwàhwɛ̀lɛ̀ hweyà hwe arzɛ ema Lohwɛ̀ à mà ò rzekeya nanù ema ò gbeye.’

Hwègbèèlì 3:4

Pètrò nà Yòwanìrzɛ̀ hwa mò rzɛ mìirzɔ̀, Pètrò rzìi a mò òhweyà nanù ema, “O jò ɔ̀ŋgɔ!”

Hvìlipìyà 4:18

O nàŋgɛ rzɔ, nà mà luwa hwèèmà hwe arzɛ ema e ma no òmeya ndeŋgànɛlɛ na hwe lu hvèyi lì aka tɔ̀ nanù. Èpàhvrɔ̀dìtùrzì à mà no jàneya hwèèmà ema e ma no òmeya. È gbèyi ndi nàa o a ɛnɛ oma inyɔ e ŋgbelì ndi Lohwɛ̀ màhwèyà emà mà ohvi erzunju ya gbamù. Lohwɛ̀ à mà luwa iŋgi jàhwèyà ndèŋgànɛ̀lɛ̀ i mo lìŋgirzɛ.

Hvìlipìyà 4:6

È rzi ahvàhvɛ lì hvomɛ̀nɛ̀ tɔ̀ eyà. Ndi tɔ nanù o tɔ ima eyà ema ye e ùŋmànɛ̀lɛ̀, e kànɛ Lohwɛ̀ nanù ema a e ŋgbe mamɛ ema e arza. Ndeŋgànɛlɛ e kànɛ tɛ e mo eke.

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

Hwèwulùwèlì 8:4

Yùutùtù e ma hwɛ lì wurza o itùwà ema e aŋgèlì e ma tɛ̀tɛ̀, e ma hwɛ lì agba o ŋmanyu na maŋga màkanɛ̀ ema eŋge aŋgèlì e ma hwɛ lì kànɛlɛlɛ hwatò hwa ama Lohwɛ̀. Èŋge aŋgèlì e ma tɛ̀mɛ̀ o worzo wo ama Lohwɛ̀.