Hwègbèèlì 10:3 - Mokpwe: Bakwery (New Testament)

³ Ò lìrzakò là ŋgɛ̀ŋgi iyàwò ŋmèrze mɔ̀kɔ, rzìi mɔ̀ à ɛnɛ jɛ̀nɛ̀nì. Ò iŋgi jɛ̀nɛ̀nì, mɔ̀ à mà ɛnɛ è aŋgèlì yà ama Lohwɛ̀. Èŋge aŋgèlì è mà hwɛlɛ nanù ema, “Ìi Kɔ̀nɛlìyurzi.”

Hwègbèèlì 10:3 Mawu Ofanana

Matiyò 27:46

Ò eyà yà ŋgɛŋgi iyàwò jà mòŋgò ŋmerze, Yerzù rzìi à tɛ̀ɛ nà lìlò lì karzami ama, “Èlòyi, Èlòyi làma Rzàbatani!” Jànda ja ene eyà i hwèlì ndì nanù ema, “Ìi Lohwà là ami, ìi Lohwà là ami, mamɛ ndeŋgatɛ ò nò kìnyɛ̀lɛ̀ e?”

Lukàrzɛ̀ 1:11

Nà òmà Rzàkàriyà a mà hwɛ ò lì rzɛlɛ̀ itùwà rzìi, è aŋgèlì yà ama e Rzàŋgò e mò wurzeyà, è mò tɛmeya ò èhvàrzù ya eni ya lìya la mòmɛ̀, ò tòŋgòŋgò yà ètàwò yà màkanɛ̀ ema a mà hwɛ lì rzɛlɛ itùwà.

Lukàrzɛ̀ 2:13

O wòtɛmɛ̀tɛmɛ̀, ò mà uhweyà mòndèŋge mò ndɛnɛ̀, mò aŋgèlì ò ŋmanyu ema mò ma wurza lì ùŋma èŋge aŋgèlì, rzìi hwa wòteya ò lì eka Lohwɛ̀ nanù ema,

Hwègbèèlì 10:17

Pètrò mɔ̀ à mà hwɛ ò lì lùteyà jànda jà ini jɛ̀nɛ̀nì ema mɔ̀ à ɛni. Tɛ òma ò ene hvònda hwatò ema Kɔ̀nɛlìyurzi mɔ̀ à mà òme, hwa mà awùlùwɛ èki ema è ndawò yà ama Rzimɔ̀ni è hwèlì. Ò eŋgànɛ̀lɛ̀ rzɔ wɔ̀ hwa mà tɛ̀mɛ̀ ò wòrzò wò lìyòhva là kɔtɔ̀.

Hwègbèèlì 10:19

Pètrò mɔ̀ à mà hwɛ ò lì kèka ò lì rzɔ̀ŋgìtɛ̀nɛ̀ mamɛ iŋgi jɛ̀nɛ̀nì ì hwèlì, ɔ̀ndi Èlìŋgɛ̀ yà wòtani è à mò òhweyà nanù ema, “Rzimɔ̀ni, ò hwèlì hwatò hwàyàwò anu ema hwa ò arza.

Hwègbèèlì 10:30

Kɔ̀nɛ̀lìyùrzì rzìi à tìmbìrzɛ̀lɛ̀lɛ̀ nanù ema, “Mèènyà mè iyàwò ema mè mà aka, nà mà hwɛ lì kanɛ̀ ò ndawò yà ami, ò lìni lìrzàkò là ŋgɛ̀ŋgi iyàwò jà ŋmèrze, lìwòkimɛnɛ mòtò ema à mà wɔtɔ̀ lìwɔtì là kɛ̀ŋgɛ̀ŋgɛ̀ rzìi à nò tɛ̀meyà ò wòrzò,

Hwègbèèlì 10:9

Ò wònɛ̀yi wùnyà, ò yɔ̀ndɔ̀ yà awu nà òma hwa mà kòmbɛnɛyi Jopà, Pètrò à mà agba ò ŋmanyu yà ndawò ò lì kanɛ̀. Ène hvònda è mà hwɛ ndi kɔ̀rzi yà ŋmèrze.

Hwègbèèlì 11:13

Kɔ̀nɛ̀lìyùrzì à mà jò òhweyà nɛ è aŋgèlì è mà mò wùrzeyà ò ndawò yà eni, rzìi è mò òhweyà nanù ema, ‘Oma mòtò mɔ̀kɔ ò mbòwà yà Jopà, ò mà mòtò mɔ̀kɔ ema lìinà là eni lì hwèlì ndi Rzìmɔ̀nì Pètrò.

Hwègbèèlì 27:23

Nà òhwa ndi nanù ehwànja ò tenì ya wònò wuu ema wò akayi nanù, aŋgèlì ya ama Lohwɛ̀, Lòohwà ema lì nò hwɛni, ndèŋgànà imba na gbèeyà e nò jèeyayi. Èŋge aŋgèlì e nò òhweyàyi nanù ema,

Hwègbèèlì 3:1

Wùnyà wɔ̀kɔ̀ Pètrò nà Yòwanìrzɛ̀ hwà mà hwɛ lì ɛ̀ndɛ ò Ndawò yà Lohwà ò e hvònda ya màkanɛ̀. Èŋge hvònda e ma hwɛ ndi ŋgɛ̀ŋgì iyàwò ja ŋmerze.

Hwègbèèlì 5:19

Ndi ò wòŋgò wuu mɛnɛ, e aŋgèlì ya ama e Rzàŋgò e ma hwa lìhvòweya mawòhvà mà e ndawò ya hwèwòwà rzi e hwa wurzirzɛ. È aŋgèlì e ma hwa òhweyà nanù ema,

Hwègbèèlì 9:10

Ò mà hwɛ mòlòkèlì mɔ̀kɔ ò mbòwà yà Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. Onò mòtò à mà ɛnɛ̀ jɛ̀nɛ̀nì. Ò iŋgi jɛ̀nɛ̀nì, è Rzàŋgò Yerzù è mà mò hwɛlɛ nanù ema, “Ìi Ànàniyarzì!” Ànàniyarzì rzìi alàhwɛ̀ nanù ema, “Ìi Rzàŋgò imba ònò.”

Hwègbèèlì 9:4

À mà kpa ò rze, rzìi à hweyà lìlò ema lì mò òhweyà nanù ema, “Rzàwòlò, ìi Rzàwòlò! Mamɛ ndèŋgàtɛ ò nò tàkìrzɛ̀ e?”

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

Hibrù 1:4

O èŋgànɛ̀lɛ̀ rzɔ̀ è Ŋmanà wà ama Lohwɛ̀ à akayi i aŋgèlì. Nyayi hvɔ̀kɔ hvɛ nà lìinà là eni là èluhwe ema Lohwɛ̀ a mo ŋgbelì lì ɔhvɛ lì akayi mìinà mà i aŋgèlì.