Hwègbèèlì 1:6 - Mokpwe: Bakwery (New Testament)

⁶ Wùnyà wɔ̀kɔ Yerzù nà I àpɔ̀rzìtòlò hwa mà arzàŋgànɛ ekì yɔ̀kɔ. Rzìi hwa ijòwa Yerzù nanù ema, “Ìi Rzàŋgò è hvònda ene ema o ò gbèèyɛ̀ hwatò hwa Irzàyɛ̀lì ò lì òhva è ŋginyà ò lì atimbanɛ wɔ̀ hwiti hvɛ e?”

Hwègbèèlì 1:6 Mawu Ofanana

Matiyò 17:11

Yerzù rzìi a hwa alàhwɛ̀ nanù ema, “Nà è jɔ̀kɛ̀, Èlàyijà ndì a hwɛni lì lòma lì jà, ò lì tɛ̀yirzɛ̀ hweyà hwè arzɛ gbamù.

Matiyò 20:21

Yerzù rzi a mò ijòwa nanù ema, “Mamɛ ò arza e?” Oŋgò mòlanà rzi a mò alàhwɛ̀ ama, “O nò kàkɛ̀nɛ̀ nanù ema e hvònda ema o ò hwɛ ò lìkànèyà lì aŋgɔ̀, hwanù hwàna hwa ami hwa wunyanà hwahwàkɛ hwa ò lìya, mɔ̀kɔ ò lìya la aŋgɔ̀ la mòme, ɔ̀nɛyi hvɛ ò lìya lì aŋgɔ̀ la ŋmalì.”

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

Makòrzì 9:12

Yerzù rzìi a hwa tìmbìrzɛ̀lɛ̀lɛ̀ nanù ema, “Nà è jɔ̀kɛ̀, Èlàyijà a hwɛnì lì lòma lì jà ò lì rzɛ̀ŋgɛ̀nɛ̀ hweyà hwe àrzɛ. Mamɛ ndèŋgàtɛ̀ e tìlahwì ò Kaàti ya ama Lohwɛ̀ nanù ema è Ŋmanà wà è Mòtò wà Hwènàmà à hwɛnì lì taka rzayì-rzayì, rzìi hwa mò ndinda e?

Lukàrzɛ̀ 17:20

Wùnya wɔ̀kɔ lòŋgò la Hvàlìrzàyì, hwa mà ijòwa Yerzù nanù ema, “Ima hvònda ema Lìkànèyà là ama Lohwɛ̀ lì jà e?” Yerzù à mà hwa alàhwɛ̀ nanù ema, “Lìkànèyà la ama Lohwɛ̀ lì rzà ɛnɛhwɛ nà mìirzɔ̀.

Lukàrzɛ̀ 19:11

Hwatò hwa mà hwɛ lì àneyà mamɛ Yerzù à mà hwɛ lì òhwà. Yerzù à mà hwɛ à mà kòmbɛ̀nɛ̀ è mbòwà yà Jèrurzalɛ̀mù. Hwa mà ɔ̀ŋgɛ̀lɛ̀ ema, Lìkànèyà là ama Lohwɛ̀ lì hwa rzìhweyà ò wòtɛmɛ̀tɛmɛ̀.

Lukàrzɛ̀ 22:29

Nà òmà Tatɛ̀ wà amì a nò ŋgbelì è wònjà yà lìkànèyà, nanù ndi ìmba hvɛ na è ŋgbà.

Yòwanìrzɛ̀ 21:21

È hvònda Pètrò à mà mò ɛnɛ rzìi à ijòwa Yerzù nanù ema, “Ìi Rzàŋgò, nɛ ònò mòtò mɔ̀ hvɛ e?”