Hwègbèèlì 1:25 - Mokpwe: Bakwery (New Testament)

²⁵ ò lì hwɛ̀ɛ e àpɔ̀rzìtòlò ò lì timbana èki ya ama Jùdàrzì, mɔ̀ ema à mà màa lì ɛndɛ ò èki ema e mò lɔ̀ɔnì.”

Hwègbèèlì 1:25 Mawu Ofanana

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Yòwanìrzɛ̀ 13:27

Nà òma Jùdàrzì à mà wòwe èŋge èhvòòtò, mòkarzɛ̀ rzìi à mò kpèeyà. Yerzù rzìi à mò òhweyà nanù ema, “Mamɛ ema ò kimi ò lì gbeyà, ò è gbèye karzi-karzi.”

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Ròmànì 1:5

O lì akeyà nà lìinà là eni ɔ̀ndeŋgàtɛ̀ Lohwɛ̀ à nò ŋgbelì è ndèli yà eni ema nà hwɛ è àpɔ̀rzìtòlò, aŋga nanù hwatò ema hwa rza enje wònyà Yudà hwa ò lòkɛ̀ nà lì hweyàna Krirztò. Ène è gbeyà lìinà là eni lì hwɛnɛ èluhwe.

1 Kɔ̀rintìyà 9:2

Tɔ̀ è hwɛ ndi nanù ema lòŋgo la hwatò hwa rza emelì ema na hwèlì ndì àpɔ̀rzìtòlò, ndi o inyɔ na hwèlì ndi mɔ̀kɔ. Nà oma e hwèlì nà Rzàŋgo, inyɔ hwiti e hwèlì ndi nàa ɛ̀mɛ̀nɛ̀nì yà ami ema nà hwèlì ndi àpɔ̀rzìtòlò.

Gàletìyà 2:8

Lohwɛ̀ ema à mà hvɔ̀rzɔ̀ Pètrò o lì hwɛ e àpɔ̀rzìtòlò ya wònyà Yudà mɔ̀ mɛnɛ hvɛ ndi à mà no hvɔ̀rzɔ̀ o lì hwɛ e àpɔ̀rzìtòlò o hwaŋga hwatò ema hwa rza enje wònyà Yudà.