Hwègbèèlì 1:2 - Mokpwe: Bakwery (New Testament)

² natɛ̀ɛ na e hvònda ema Lohwɛ̀ a mà mò gbeeyà ò lì ɛndɛ ò ŋmanyu yà lohwà. Ndèŋgàna a e ɛndɛ ò ŋmanyu yà lohwà, a mà gbeyàna e ŋginyà ya èlìŋgɛ̀ yà wòtani, ò lì òhweyà hwatò ema à mà hvɔ̀rzè nàa i àpɔ̀rzìtòlò ja eni hweyà ema hwà mà aŋgàmɛ̀nɛ̀yi lì gbeyà.

Hwègbèèlì 1:2 Mawu Ofanana

Matiyò 12:28

Ndi na òma na gbeyàna e ŋginyà ya èlìŋgɛ̀ ya ama Lohwɛ̀, ò lì hvaya hwèlìŋgɛ̀ hwe wòhwe ene ŋgàna e uŋmɛ̀lɛ̀ ndi nanù ema lìkànèyà là ama Lohwɛ̀ lì mà jà ò ìtììtènì ja anyu.

Matiyò 3:16

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiya ò tenì yà màlìhwa. Ò lìŋgi lìrzàkò mɛ̀nɛ̀ è ŋmanyu yà lohwà è mà lìhvòwèyà, Yerzù rzìi mɔ̀ à ɛnɛ Èlìŋgɛ̀ yà ama Lohwɛ̀ è uhwɛ̀lɛ̀lɛ̀yi ò ŋmanyu yà lohwà rzìi è rzìhwa nàa mbeŋga è mò tɛ̀mɛ̀ ò mòhvò.

Makòrzì 6:30

I àpɔ̀rzìtòlò ema Yerzù à mà òme, ima tìmba lì mò ùŋma rzìi hwa mò òhweyà hweyà hwe arzɛ e ma hwà mà gbeye, na hweyà hwe arzɛ e ma hwa mò òkòlɛ̀.

Lukàrzɛ̀ 24:51

Nà òmà a mà hwɛ lì hwa nàmìrzɛ̀, rzìi hwa lìiya aŋga, à kòhwà ò ŋmanyu yà Lohwà.

Lukàrzɛ̀ 9:51

Nàŋgɛ è hvònda ema Yerzù a mà hwɛnɛ lì ɛ̀ndɛ ò ŋmanyu yà lohwà è mà kòmbɛ̀nɛ̀. O èŋgànɛ̀lɛ̀ rzɔ à mà kàkɛ̀nɛ̀ nanù ema à hwɛnì lì ɛ̀ndɛ ò Jèrurzalɛ̀mù.

Yòwanìrzɛ̀ 1:16

Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

Yòwanìrzɛ̀ 13:1

O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 17:13

O naŋgɛ na e jèeyà. Nà òhwa ndi hwenè hweyà na òma e hwèlì nanù mɛnɛ ò rze aŋga nanù mɔ̀nyɛ̀ŋgì mò awù mo òndìrzɛ̀hwɛ̀yi, mòlemilemi na òma e mò ami mò òndirzɛhwɛyi.

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Yòwanìrzɛ̀ 6:62

Mamɛ e òhwa e ɛni tɛ è Ŋmanà wà è Mòtò wà Hwènàmà a kòòhwa tɛ lì timba ò èki ema à mà uwɛ̀lɛ̀lɛ̀yi!

Yòwanìrzɛ̀ 6:70

Yerzù rzìi a hwa alàhwɛ̀ nanù ema, “Rzeke nà mà è hvɔ̀rzɔ̀ inyɔ lìyòmɛ na hwahwàkɛ ndi mɔ̀kɔ hwa anyu a hwèlì ndi mòkarzɛ̀”

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 1:22

lìwòteyà e hvònda ema Yòwanìrzɛ̀ à mà hwɛ lì lùhwìrzɛ̀ hwatò lì uka e hvònda ema Lohwɛ̀ à mà gbeye Yerzù a ɛndɛ ò ŋmanyu ya Lohwà. Mɔ̀ hvɛ a hwɛni ndi lì hwɛ mòtò ema à mà tɛ̀mɛ̀ mbòŋgi ò hwèhvùmùwèlì hwe ama Yerzù.”

Hwègbèèlì 1:9

Ò mburza hvònda ema à mà òhwe nanù, rzìi Lohwɛ̀ à gbeyà à ɛndɛ ò ŋmanyu yà lohwà. Nà òma wɔ̀ hwa mà hwɛ lì mò ɔ̀ŋgɔ, lìmbaki rzi lì mò lìŋgà ò eŋgànɛ̀lɛ̀ hwa rzi mò ɛnɛ hvɛ.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Gàletìyà 1:1

Ìmba Pàwolò ema nà hwèlì àpɔ̀rzìtòlò ndi na tilì ene kààtì, rzeketɛ hwatò wà hwènàmà ndi hwa no hvɔ̀rzì o lì hwɛ àpɔ̀rzìtòlò. Ndèŋgana na rza gbeyàna ndi lìkànèyà la hwatò. Ndi na hvɔ̀rzɔ̀hwì ndi na Yerzù Krirztò nà Lohwɛ̀ Tatɛ̀ ema à mà hvùmùlɛ̀ Yerzù Krirztò o kpelì.

Ɛ̀hvìrzìyà 2:20

È hwèlì ndi nàa hwèèmà ema hwa gbeyàna o lì oŋgà e ndawò. I àpɔ̀rzìtòlò na hwà-òhwèlì hwa hwèlìŋgɛ̀ hwa gbèyi ndi nàa mɔ̀nɔ̀ŋgɔ̀ mo e ndawò. Yerzù Krirztò mɔ̀ ŋmìti ndi à hwèlì lìwondi la tina.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 2:11

Tɔ̀ njɛnɛ ema à ohvi mato inyɛ à hwèye eyà ema Èlìŋgɛ̀ è ohweyà ŋmèmba. Hwàto ema hwa akayi wòhwe hwa rza ò ŋwa è kpelì yà èlìŋgɛ̀.”

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Hwèwulùwèlì 2:29

Tɔ̀ njɛnɛ ema à hwɛnì matò inyɛ à okànèyà mamɛ ema Èlìŋgɛ̀ è ohweyà ŋmèmba.”

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 21:14

Èŋge ŋgawo ya eŋge mbowà ndɛɛndɛ e ma oŋgahwa ndi o ŋmanyu ya lìyome la mènɔ̀ŋgɔ̀ na mehwakɛ, mìinà mà lìyome la àpɔ̀rzìtòlò na mahwakɛ me ama e Ŋgumà ya Mɔ̀lɛ̀ŋgù me mà tìlahwa o ŋmanyu ya mene mènɔ̀ŋgɔ.

Hwèwulùwèlì 3:13

Tɔ̀ njɛnɛ ema a ohvi mato inyɛ a okànèyà mamɛ ema Èlìŋgɛ̀ e ohweyà ŋmèmba.”

Hwèwulùwèlì 3:16

Ò eŋgànɛlɛ rzɔ nà oma è hwèlì ndi rzii, inyɔ è rza rzimi ndèŋgànɛ̀lɛ̀ è rza tumbana, nà è ulɛ̀ ò tenì yà è wàna yà ami.

Hwèwulùwèlì 3:22

Tɔ̀ njɛnɛ ema à ohvi màto inyɛ a okànèyà mamɛ Èlìŋgɛ̀ e ohweyà ŋmèmba.”