Hwègbèèlì 1:16 - Mokpwe: Bakwery (New Testament)

¹⁶ “Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Hwègbèèlì 1:16 Mawu Ofanana

Matiyò 26:14

Rzìi Jùdàrzì Ìrzìkalìyɔ̀tɛ̀ ema à mà hwɛ mɔ̀kɔ wa lìyòmɛ̀ la hwà-òkòwèlì na hwahwàkɛ hwa ama Yerzù, à mà ɛ̀ndɛ lì ùŋmanɛlɛ Ipìlìrzì ndɛnɛ,

Matiyò 26:47

Nà òma Yerzù à mà hwɛ lì òhwa, Jùdàrzì Ìrzìkalìyɔ̀tɛ̀ mɔ̀kɔ wa eni hwa Lìyòmɛ̀ là Hwà-òkòwèlì nà hwahwàkɛ, à mà jà nà è ŋgindi ndɛnɛ yà hwatò ema hwa mà òhva ì rzɔ̀lɔ̀, nà hweeye hwa mà òmahwa ndi nà Ipìlìrzì ndɛnɛ nà hwàmbaki hwa mbòwà.

Matiyò 26:54

Ndi na gbe tɛ nanù, nɛ rzɔ na hweyòhwèlì hwe e kààtì ya Lohwà ema e òhwa nanù ema ene e ò gbèyɛ̀nɛ e òndìrzɛ̀hwɛ e?”

Matiyò 26:56

Ndi hwenè hwe arzɛ hwe ma gbèyɛ̀nɛ ò lì òndìrzɛ̀ mamɛ ema hwà-òhwèlì hwa hwèlìŋgɛ hwà mà tile ò e kààtì ya Lohwà.” Rzìi Hwà-òkòwèlì hwa arzɛ hwà mà mò rzɔnjɛ̀lɛ̀ rzìi hwa hwàŋga.

Makòrzì 12:36

Dàhwitì mɔ̀ ŋmìti, Èlìŋgɛ̀ yà Wòtani e mà mò kpèeyà rzìi a òhwa nanù ema, ‘È Rzàŋgò Lohwɛ̀ à mà òhweyà e Rzàŋgò wa ami ama, Lìyà ò lìya la ami la mòme, natɛ̀ɛ na e hvònda ema na gbeyà ò laala hwakɔ̀èlì hwa aŋgɔ̀ na mataŋgà mà aŋgɔ̀.’

Makòrzì 14:43

Nà òmà Yerzù à mà hwɛ lì òhwa, Jùdàrzì rzìi à jà. Jùdàrzì ema à ma hwɛ mɔ̀kɔ wà lìyòmɛ̀ là hwà-òkòwèlì nà hwahwàkɛ hwa ama Yerzù. À mà jànà è ŋgìndì. Hwàŋga hwatò hwà mà akpatɛ nà irzɔ̀lɔ̀ rzìi hwa òhva hvɛ imbèhva. Ène ŋgìndì è mà òmahwa ndi nà Ipìlìrzì ndɛnɛ nà hwà-òkòlèlì hwa mbenda nà hwàmbaki hwa èkòmè yà Irzàyɛ̀lì.

Lukàrzɛ̀ 22:47

Nà òmà Yerzù à mà hwɛ lì òhwà, ŋgìndì ndɛnɛ̀ è mà jà. È mòtò ema à mà hwa tìmba à mà hwɛ ndi Jùdàrzì, mɔ̀kɔ hwà lìyòmɛ̀ la hwà-òkòwèlì wà eni nà hwàhwàkɛ̀. Jùdàrzì à mà ɛ̀ndeya Yerzù, rzìi à mò arzàŋgànɛ̀lɛ̀.

Yòwanìrzɛ̀ 10:35

È hwɛni lì hwiya nanù ema Eyà ya Lohwà e rza kpa. Lohwɛ̀ a kpɛ̀yi hwatò lìinà ema mɔ̀ à mà òmane Eyà ya Lohwà ama hwa hwèlì ndì mòohwà.

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Yòwanìrzɛ̀ 19:36

Hwenè hwèya hwà mà gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Tɔ̀ èerze ya eni yɔ̀kɔ e rza hwɛndɛhwɛ.”

Hwègbèèlì 1:20

Pètrò rzìi a tòmbana e mbɔrzi ya eni ò wòrzò, a òhwa nanù ema, “Ène eyà e gbèyɛ̀nɛ na òma e tìlahwì ò kààtì ya mɛ̀rzɔ̀kɔ̀ me ama Lohwɛ̀ nanù ema, ‘Inyɛ̀ e ndawò ya eni e timbe èkpàkpà, inyɛ tɔ̀ mòtò a rza òŋga ndawò aŋga.’ È tìlahwì hvɛ nanù ema, ‘Inyɛ̀ òhvɛhvɛ mòtò a wòwe ekì ya eni ya èwòlò.’

Hwègbèèlì 13:15

Wɔ̀ hwà mà hweyà na òma hwà mà làŋge hwèhvàrzù hwe e kààtì ya mbenda ya ama Mòrzè na e kààtì ya hwetilelì ya hwà-òhwèlì hwa hwèlìŋgɛ̀, ò mburza hwene hwèlàŋgèlì, hwatimbelì hwa e ndawò ya màkanɛ̀ yà wònyà Yudà hwà mà òmeya Pàwolò na Bànàbàrzì ŋmɛ̀ndì nanù ema, “Wònyàmòwe, e òhvi tɛ ŋmɛ̀ndì ò lì ètìrzɛ̀ hwatò, i rzòrzòmelì e jèe e jò òhweyà.”

Hwègbèèlì 13:38

O èŋgànɛ̀lɛ̀, wònyàmòwe imba na arza ema inyɔ e hwiye nanù ema, Yerzù ndi à gbèyi ndèŋgànà hwa e òhweyà nanù ema, Lohwɛ̀ a làkìrzɛ hwatò wòhwe wò awu.

Hwègbèèlì 15:13

Lirzakò ema hwà mà kulɛ lì òhwa, Jèmìrzì rzìi a òhwa nanù ema, “Wònyànyàŋgò hwa ami e nò òkànèyà tɛ!

Hwègbèèlì 15:7

O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Hwègbèèlì 22:1

“Hwa tatɛ̀ na wònyànyàŋgò hwa ami, e nò òkànèyà na òma na kàya mònò ŋmàŋgò ema na rza òhvɛ tɔ̀ njɔ̀mi ò màrzò ma anyu.”

Hwègbèèlì 23:1

Pàwolò à mà ɔ̀ŋgɔ hwatò hwa hwèlìyelì hwe lìkànèyà la mbòwa kòò rzìi a òhwa nanù ema, “Ìi wònyànyàŋgò hwa ami kòkò hwa wònyà Yudà! Nàtɛ̀ɛ na ò wònò wùnyà wò yawònò èlìŋgɛ̀ ya ami e hwèlì gbamù, ò lì hvòmɛ̀nɛ̀ lòŋgɛ la ami ò wòrzò wa ama Lohwɛ̀.”

Hwègbèèlì 23:6

Nà òma Pàwolò à mà ayèmbɛ nanù ema lòŋgò la hwaŋga hwatò hwa eŋge ŋgindi hwà mà hwɛ ndi hwatò hwa ehvehva ya Rzàdùrzì ndèŋgànà hwànɛ̀yi hvɛ Ihvàlìrzàyì, mɔ̀ à mà kàrzɛ lìlò la eni rzi a òhweyà hwatò hwa lìkànèyà la mbòwa nanù ema, “Ìi wònyànyàŋgò wa ami hwa wònyà Yudà kòkò! Nà hwèlì ndi hvàlìrzàyì, ndèŋganɛlɛ na hwèlì ndi e ŋmanà wa mòtò ema a hwèlì ò ehvehva ya Hvàlìrzàyì. Nà hwèlì ndi ò hwèkàyìrzèlèlì anu ehwànja na lòkɛ̀yi nanù ema Lohwɛ̀ a ò hvùmùlɛ hwatò ema hwà mà ŋwɛɛ ò lòŋgɛ.”

Hwègbèèlì 28:17

O mburzà ya mèenyà meyawò, Pàwolò à mà rzàŋga hwatimbelì hwa hwatò hwa wònyà Yudà ema hwà mà lìya ò èŋge mbòwà ndɛnɛ ya Ròmànì ò wòlìya. È hvònda ema hwà mà jèe, rzìi mɔ̀ à hwa òhweyà nanù ema, “Ìi wònyànyàŋgò wa ami hwa Irzàyɛ̀lì, imba na rzi gbeye hwatò hwa arzu tɔ̀ eyà yɔ̀kɔ ya wòhwe, ndèŋgàna na rzi gbeye tɔ̀ eyà yɔ̀kɔ ya wòhwe ò lì teŋgɛ̀nɛ̀ ɛ̀ɛ̀mɛ̀ ema imbamba ja arzu i ma jò lìiya. Ndi tɔ̀ nanù, hwatò hwa arzu hwà mà nò lɛmbɛ ò Jèrurzalɛ̀mù rzìi hwa nò akɛlɛ ò hwàtimbelì hwa Ròmànì. O eŋgànɛ̀lɛ̀, na hwèlì ndi ànu nàa mòtò wa hwèwòwà.

Hwègbèèlì 28:25

O èŋgànɛ̀lɛ̀ hwà mà wòteyà lì atɔ̀kìrzɛ̀nɛ na òma hwà mà hwɛ lì ɛndɛ. Hwa è hwiya lì anjiya, Pàwolò à mà hwa òhweyà nanù ema, “Èlìŋgɛ̀ yà Wòtani e ma hvòmɛ̀nɛ̀ na òma e mò òhweyà mòòhwèlì wà èlìŋgɛ̀ Àyìrzayà hweyà nanù ema a òhweyà imbamba ja anyu nanù ema,

Hwègbèèlì 7:2

Rzìtehvànɛ rzìi a alàhwɛ̀ wòlìya wò mbòwa nanù ema, “Wònyamòwè na hwa tààtɛ̀, e nò òkànèyà tɛ. Lòohwà la èluhwe lì ma wurzeya rzàŋgò wa arzu Abràhamù e hvònda ema à mà hwɛ ò erzòòkà ya Mèrzòpòtemìyà ndèŋgànà mɔ̀ à e ɛ̀ndɛ ò lì lìya ò e mbòwa ya Halànì.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.

2 Pètrò 2:21

È ma kanɛ̀ ndi o lì hwɛ gbamù nanù ema wɔ̀ hwa rzi lome lì hwiya e njiya ya jɔ̀kɛ̀, lì aka lì e hwiya rzìi hwa rzi ika e mbenda ja wòtani ja ama Lohwɛ̀. Wɔ̀ hwà mà rzàŋgohwa ndi eŋge mbenda.