Hwègbèèlì 1:14 - Mokpwe: Bakwery (New Testament)

¹⁴ Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.

Hwègbèèlì 1:14 Mawu Ofanana

Matiyò 12:46

Nà òma Yerzù à mà hwɛ lì òhwànà e ŋgìndì, nyàŋgɛ nà wònyanyàŋgò hwa eni hwa ma tɛ̀mɛ̀ ò èwòka lì arza lì mò òhwirzɛnɛ rzìi

Matiyò 21:22

È òhvi tɛ lì lòkɛ̀ nanù ema, tɔ̀ mamɛ ema e ijòwani Lohwɛ̀ ò màkanɛ̀ ye e lùwa. Nànù òma e ijòwi tɛ ye e luwa.”

Matiyò 27:55

Rzayi-rzayi ja hwalanà ema hwa mà wòteyà lì nɔ̀ŋgɔ nà ì òŋgòwànà Yerzù lì wòteyà ò Galìlì, hwa mà tɛ̀mɛ̀ hvòka, ò lì ɔ̀ŋgɔ mamɛ yà arzɛ ema è mà hwɛ lì gbèyɛ̀nɛ̀.

Makòrzì 15:40

Ò mà hwɛ hwalanà ema hwa mà tɛ̀mɛ̀ hvòka rzi hwa ɔ̀ŋgɔ mamɛ yà arzɛ ema è mà gbèyɛ̀nɛ̀. Hwanù hwalanà hwa mà hwɛ ndi Màlìyɛ̀ mà Màdàlènì, Rzàlòmɛ̀, Màlìyɛ̀ è nyàŋgò yà ama Jèmìrzì enɔ̀ŋgɔ̀ni yà ama Jòrzɛ̀hvù.

Makòrzì 16:1

Ò mburzà yà Wùnyà wò lì Arzìyòlɛ̀, Màlìyɛ̀ Màdàlènì, Màlìyɛ̀ è nyàŋgò yà ama Jèmìrzì nà Rzàlòmɛ̀ hwa mà ànda màwɔ̀ki mà hvɛ̀ɛ̀hvɛ̀ ò lì nyààlɛ̀ ŋmììmbà mò ama Yerzù.

Lukàrzɛ̀ 11:13

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”

Lukàrzɛ̀ 18:1

Yerzù rzìi a kpɛ̀ɛya hwà-òkòwèlì hwa eni ŋmàna àma hwa hwɛ ndi ò màkanɛ̀ ihvònda ja àrzɛ. Hwa rzì kèka lì tùulɛ̀ mèèmà.

Lukàrzɛ̀ 23:49

Hwàŋga hwa arzɛ ema hwà mà hwiya Yerzù, nà hwalanà ema hwa mà mò òŋgama, lì wòteyà ò Galìlì, hwa àrzɛ hwa mà tɛ̀mɛ̀ hvòò lì ɔŋgɔ̀ mamɛ ema è mà gbèyɛnɛ.

Lukàrzɛ̀ 23:55

Hwàŋga hwalanà ema hwa mà wòteya lì òŋgama Yerzù ema hwa mà uhwɛlɛlɛ ò Galìlì, hwa mà òŋgama Jòrzɛ̀hvù, ò lì ɔŋgɔ̀ è rzɔ̀ŋgɔ̀ ema hwa mà nàŋgɛlɛ Yerzù.

Lukàrzɛ̀ 24:10

Màlìyɛ̀ Màdalenà, Yòwanà, Màlìyɛ̀ ema à ma ŋya Jèmìrzì, nà hwanɛ̀yi hwalanà, wɔ̀ ndi hwà mà òhweyà I àpɔ̀rzìtòlò hwene hweyà.

Lukàrzɛ̀ 24:33

O wòtɛmɛ̀tɛmɛ̀ hwa mà tìmba ò Jèrurzalɛ̀mù. Aŋgà ndi hwà mà ùŋmanɛlɛ lìyòmɛ̀ la hwà-òkòwèlì nà mɔ̀kɔ la ama Yerzù hwa arzàŋgànɛ nà hwanɛ̀yi.

Lukàrzɛ̀ 24:53

Hwà-òkòwèlì hwa eni hwa mà hwɛ ò Ndawò yà Lohwà ihvònda jà arzɛ, ò lì ekà Lohwɛ̀.

Lukàrzɛ̀ 8:20

Mòtò mɔ̀kɔ rzìi a òhweyà Yerzù nanù ema, “È nyàŋgò, nà wònyanyàŋgò, hwa aŋgɔ̀ hwa tɛmì ò èwòkà. Hwa àrza lì ò ɛnɛ̀.”

Hwègbèèlì 2:1

Nà òma e ndèma ema e hwɛ̀lɛ̀hwɛ̀ Pɛ̀ntìkɔ̀rzì e ma uke, hwalòkelì hwa ama Rzàŋgò hwà mà arzàŋgànɛ ò èki yɔ̀kɔ.

Hwègbèèlì 2:42

Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 6:4

O eŋge hvònda irzɔ ja aŋgbɛ irzɔ hwiti hwa arzɛ ò lì kanɛ̀ na ò lì òhwa ŋmɛ̀ndì mò gbamù.”

Ròmànì 12:12

Inyɛ̀ tɔ̀ ima mòtò a hwɛnɛ mɔ̀nyɛ̀ŋgì na lìhvìtà ema a hwɛni. Inyɛ̀ tɔ̀ ima mòtò a àjùlɛ̀ ò tenì ya mètàkà. Tɔ̀ ima mòtò àjùlɛ̀ ò tenì ya màkanɛ̀.

1 Kɔ̀rintìyà 14:13

Ò èŋgànɛ̀lɛ̀, tɔ̀ ima mòtò ema a ohwa o ihvɛhvɛ mbɔrzi, a kanɛ̀ hvɛ nanù ema, Lohwɛ̀ a mo ŋgbe e ŋgilì yà lì tikòweyà mamɛ ya arzɛ ema a hwèlì a ohwa.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Kòlòrzìyà 4:2

È inyàmɛnɛ o màkanɛ̀. Ndèŋgànɛlɛ e kànɛ tɛ e rzɛŋgɛnɛ mèèmà me anyu o tɔ̀ mamɛ ema e arzana Lohwɛ̀, ndèŋgànɛlɛ e a mo eka.