Hwègbèèlì 1:13 - Mokpwe: Bakwery (New Testament)

¹³ Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 1:13 Mawu Ofanana

Matiyò 9:9

Ò mburza hwene hweyà Yerzù à mà anjììyà ò eŋge èki, nà òma à mà hwɛ lì ɛndɛ, à mà ɛnɛ munyanà mɔ̀kɔ ema à mà hwɛ̀lɛ̀hwɛ̀ Matìyò. Matìyò à mà lìya ò lìyɛ̀hvɛ̀ là ama è mɔ̀kɔ̀tèlì wà è njàŋge yà lìkànèyà. Yerzù rzìi à mò òhweyà nanù ema, “Ò nò òŋgame” Matìyò rzìi à tɛ̀mɛ̀ ò ŋmanyu, à òŋgama Yerzù.

Makòrzì 14:15

À è uŋmɛ̀lɛ̀ ìlùkù ndɛnɛ ja ŋmanyu ya ndawò ema irzeyahwɛlɛ è gbeyà hwe lòŋgirzani aŋga.”

Makòrzì 14:33

À mà wòwa Pètrò, Jèmìrzì nà Yòwanìrzɛ̀ ò lì ɛ̀ndɛ lì kànɛ̀. À mà hwɛnɛ ndùtù nà mòtàkà ò ŋmèma mò eni.

Makòrzì 2:14

Nà òmà à mà hwɛ lì akà ò njìya, à mà ɛnɛ mòrzàŋgèlì mɔ̀kɔ wà è njàŋge yà lìkànèyà ema à mà hwɛ̀lɛ̀hwɛ̀ Lɛ̀hvì, è ŋmanà wà àma Alìhvɔ̀rzì. Lɛ̀hvì à mà lìya ò lìyɛhvɛ ema à mà hwɛ lì rzàŋgìrzɛ̀ è njàŋge yà lìkànèyà. Yerzù rziì à mò òhweyà nanù ema, “O nò òŋgame.” Lɛ̀hvì rziì a tɛ̀mɛ̀ a mò òŋgama.

Makòrzì 5:37

Yerzù a rzi arze ema tɔ̀ mòtò a mò nɔ̀ŋge, lì aka tɛ, Pètrò, Jèmìrzì, na Yòwanìrzɛ̀, Jèmìrzì ŋmanyàŋgò wa eni.

Makòrzì 9:2

O mburzà mèènyà mòtòhwa, Yerzù à mà ɛ̀ndɛ nà Pètrò, Jèmìrzì nà Yòwanìrzɛ̀ rzìi a hwa tìmba ò lì agba ò ŋmanyu yà hvàko ema è kàrzamì. Hwà mà hwɛ aŋga wɔ̀ hwìti. Yerzù à mà ayèŋgòwɛ̀ ò wòrzò wò awu.

Lukàrzɛ̀ 22:12

À è uŋmɛ̀lɛ̀ tùu ndɛnɛ̀ ema è ma màa lì rzeyàhwɛlɛ. Èŋge tùu è hwèlì ndi ò ŋmanyu yà è ndawò yà ndɛkì. È rzɛ̀ŋgɛ̀nɛ̀ hwèlèèlì hwe arzu aŋgà.”

Yòwanìrzɛ̀ 11:16

Tɔ̀marzì (ema à mà hwɛ̀lɛ̀hwɛ̀ hvɛ ema Mayirzɛ), rzìi a òhweyà wònyànyàŋgò hwa hwà-òkòwèlì nanù ema, “Inyɛ̀ irzɔ hvɛ jɛ̀ɛ̀ ɛ̀ndɛ aŋga na mɔ̀ àŋga nanù e hwèlì hvɛ tɛ ema kpelì irzɔ hvɛ i ŋwa na e Mòòkòlèlì.”

Yòwanìrzɛ̀ 14:22

Jùdàrzì rzìi (rzeketɛ Jùdàrzì Ìrzìkalìyɔ̀tɛ̀) a òhwa nanù ema, “Ndi, ìi Rzàŋgò, mamɛ ndeŋgatɛ ò jò àwuŋmɛ̀lɛ̀ ò wà witi ndi ò rza ò awuŋmɛ̀lɛ̀ e rze e?”

Yòwanìrzɛ̀ 18:17

Oŋgò ŋmanà wà ŋgɔndɔ rzi à ijòwa Pètrò nànù ema, “Rzekɛ ò wà hvɛ ò hwèlì ndi mòòkòwèlì mɔ̀kɔ wà ama òŋgò mòtò e?” Pètrò rzi à alàhwɛ̀ nanù ema, “Jàyɛ̀, nà rza enje.”

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Hwègbèèlì 12:17

Pètrò a hvɛ̀tɛ̀lɛ̀ lìya la eni lì hwa uŋmɛ̀lɛ̀ nanù ema hwa lìya ŋmɛ̀ɛ, rzìi a hwa òhweyà nɛ Rzàŋgò a mò timbi ò lì anjiya ò hwèwòwà. A hwa òhweyà nanù ema, “È òhweyà Jèmìrzì nà hwanɛ̀yi hwatò ema hwa lòkɛ̀ Krirztò mamɛ ema e ma gbèyɛ̀nɛ.” Rzìi à hwa hwɛmɛ, a ɛ̀ndɛ ò èhvɛhvɛ èki.

Hwègbèèlì 15:13

Lirzakò ema hwà mà kulɛ lì òhwa, Jèmìrzì rzìi a òhwa nanù ema, “Wònyànyàŋgò hwa ami e nò òkànèyà tɛ!

Hwègbèèlì 2:14

Pètrò rzìi a tɛ̀mɛ̀nɛ ò ŋmanyu ò ìtììtènì ja lìnɛyi lìyòmɛ̀ la àpɔ̀rzìtòlò na mɔ̀kɔ, à mà karzɛ lìlò la eni ò ŋmanyu, rzìi a òhweyà e ŋgìndì nanù ema, “Ìi wònyamòwè hwa wònyà Yudà, na inyɔ hwa arzɛ ema e lìya ò mbòwa ya Jèrurzalɛ̀mù, e kòŋgɛ matò, inyɛ na e telɛlɛ mamɛ e hwèlì jànda ja ene eyà.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 20:8

Hwà mà hvàalɛ̀ rzayi-rzayi ja hwètùlù ò tu ya e ŋmanyu ya e ndawò ya ndɛki ema irzɔ i ma arzaŋganɛ.

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Hwègbèèlì 4:19

Pètrò nà Yòwanìrzɛ̀ hwà mà hwa a alàhwɛ̀ nanù ema, “Inyɔ hwiti e òhwe mamɛ e hvòmɛ̀nɛ̀ ò wòrzò wò ama Lohwɛ̀, ò lì e hwèyàna ŋga lì hwèyàna Lohwɛ̀ e?

1 Kɔ̀rintìyà 15:7

O mburzà ya hvonda à mà wurzeya Jèmìrzì, rzìi a wurzeya hvɛ inɛyi àpɔ̀rzìtòlò ja arzɛ.

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.