Hvìlipìyà 4:9 - Mokpwe: Bakwery (New Testament)

⁹ Tɔ̀ ima eyà ema nà mà e okolɛ ema e ma emeyà, na tɔ̀ ima eyà ema e ma no hweyàne, na tɔ̀ ima eyà ema e ɛni imba na gbeyà, inyɛ ye e gbeye. È gbèyi tɛ nanù, Lohwɛ̀, mɔ̀ ema a ŋgbàà ɛ̀yɔ̀lɛ̀ a e ŋgba ɛ̀yɔ̀lɛ̀.

Hvìlipìyà 4:9 Mawu Ofanana

Matiyò 1:23

“È òkànèyà mɔ̀ɔ̀mbɔ̀ mò ŋgɔ̀ndɔ̀ ema mò rzi hwi munyanà mò lìta lèmì, mò ŋya ŋmanà wà mùnyanà, hwa ò mò hwɛlɛ ndi Èmànùwɛ̀lì.” Jàànda jà lini lìinà lì hwèlì ndi nanù ema, “Lohwɛ̀ à hwèlì nà irzɔ̀.”

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Lukàrzɛ̀ 6:46

“Mamɛ ndeŋgàtɛ è nò hwɛlɛ nanù ema, ‘Ìi Rzàŋgò, Ìi Rzàŋgò,’ ndi e rza gbeyà mamɛ ìmba na òhwa e?

Lukàrzɛ̀ 8:21

Yerzù rzìi a hwa tìmbirzɛlɛlɛ nanù ema, “È nyàŋgò wa ami, nà wònyanyàŋgò hwa ami hwa hwèlì ndi, è wɔ̀ ema hwa òkànèyà Eyà ya Lohwà, rzìi hwa gbeyà mamɛ e òhwì.”

Yòwanìrzɛ̀ 13:17

Nàŋgɛ ema è hwi hwenè hweyà, è hwe gbèyi tɛ è nàmìrzɛ̀hwɛ.

Yòwanìrzɛ̀ 15:14

È hwèlì ndi imbunda ja ami e gbèyi tɛ mamɛ ya arzɛ na arza ema e gbeye.

Yòwanìrzɛ̀ 2:5

Yerzù nyàŋgɛ rzìi a òhweyà hwàgbèèlì hwa eŋge ndèma nanù ema, “È gbeye tɔ̀ mamɛ ema a e òhweyà ò lì gbeyà.”

Hwègbèèlì 9:6

Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”

Ròmànì 15:33

Inyɛ̀ Lòohwà la arzu la ɛ̀yɔ̀lɛ̀ lì hwɛ na inyɔ hwa arzɛ. Inyɛ̀ wò lìya nanù.

Ròmànì 16:20

Lohwɛ̀ la ɛ̀yɔ̀lɛ̀ ŋmanà mbɔ à hwɛni lì rzììkà Mòkarzɛ̀ ò rze yà matàŋga mà anyu. Inyɛ̀ è ndèli yà ama è Rzàŋgò hwa arzu Yerzù Krirztò è hwɛ nà inyɔ hwa arzɛ.

1 Kɔ̀rintìyà 10:31

Ène ŋgàna e hwèlì ndi nanù ema, tɔ̀ mamɛ ema o làa tɔ̀ o nyɔ̀, tɔ̀ mamɛ ema o gbeyà, o hwe gbeyàne nà èluhwe ya ama Lohwɛ̀.

1 Kɔ̀rintìyà 14:33

Èhwanja Lohwɛ̀ a rza enje Lohwà la lùwànje, a hwèlì ndi Lohwà la ɛ̀yɔ̀lɛ̀. Nànù ndi e hwɛnì lì hwɛ o hwèlìyelì hwe hwatò hwa ama Lohwà.

1 Kɔ̀rintìyà 4:16

O èŋgànɛ̀lɛ̀ rzɔ na e kɔ̀mɛ̀lɛ̀ nanù ema e gbeye hweyà ema imba na gbeyà.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Hvìlipìyà 3:17

Ìi wònyàmòwe kòkò, inyɛ e late e oŋgame màtaŋgà mà ami nanù mɛnɛ, ndèŋgànɛ̀lɛ̀ inyɔ e injàneyà hwatò ema hwa gbeyà na oma inyɔ e ma ɛnɛ na oma irzɔ i gbeyà.

Hvìlipìyà 4:7

È gbèyi tɛ nanù, Lohwɛ̀ a gbeyà e hwɛnɛ ɛ̀yɔ̀lɛ̀. Ène ɛ̀yɔ̀lɛ̀ e olo lì aka mamɛ hwatò hwa tanɛyi lì rzɔ̀ŋgìtɛ̀nɛ̀. Ène ɛ̀yɔ̀lɛ̀ ye e oŋgòhwànà aŋga nanù e rza oka wɔ̀ŋgɔ̀ na lì ohva màlùtèyà ema mà e tàkirzɛ, ehwànja e hwèlì ndi mòtò mɔ̀kɔ na Yerzù Krirztò.

1 Tɛ̀rzàlonìyà 1:6

Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

1 Tɛ̀rzàlonìyà 2:14

Ìi wònyàmòwe kòkò, nyayi ya eyà yɔ̀kɔ mɛnɛ ema e ma e gbèyɛ̀nɛ o mèemba me hwatò hwa ama Lohwɛ̀ ema hwa lòkɛ̀ Yerzù Krirztò ema hwa hwèlì o Jùdeyà, yɔ ndi e ma e gbèyɛ̀nɛ inyɔ hvɛ. Inyɔ e ma tàkìrzɛ̀hwɛ o màà mà hwanu hwatò na oma wɔ̀ hvɛ hwà mà take o màà mà hwatò hwa Irzàyɛ̀lì.

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

2 Tɛ̀rzàlonìyà 3:4

I ma ika mèèmà me arzu nanù ema Rzàŋgo à è gbèeyà o lì gbeyà tɔ̀ ima eyà ema je e ohwèlì nanù ema e gbeye, ndèŋgànɛlɛ e hwɛ ndi o lì e gbeyà.

2 Tìmotì 4:22

Rzàŋgo à hwɛ nà ò wà. È ndèli ya ama Lohwɛ̀ e hwɛ nà ò wà.

Jèmìrzì 1:22

È gbeye ndi na oma eyà ya Lohwà e ohwa. È rza a ɔnjɛ inyɔ hwiti o lì okànèyà eyà ya Lohwà mɛnɛ.

2 Pètrò 1:10

O eŋgànɛ̀lɛ̀ rzɔ wònyànyàŋgo hwa ami kòkò, e keke o lì uŋmɛ̀lɛ̀ nanù ema Lohwɛ̀ ndi à e hwɛlɛ ndeŋgànɛlɛ mɔ̀ ndi à e hvɔ̀rzì o lì hwɛ hwatò hwa eni. Nà ohwa ndi nanù ehwànja e gbèyi tɛ nanù, e rza unda o tenì ya wòhwe.

1 Yòwanìrzɛ̀ 3:22

I luwàna Lohwɛ̀ tɔ̀ mamɛ ema i mo arzanì, ehwànja irzɔ jo òŋgama imbenda ja eni, na lì gbeyà hvɛ mamɛ ema e mo lìŋgìrzɛ.