Hwàŋga hwatò hwà mà òmeya Yerzù Hwà-òkòwèlì hwa awu, mòndeŋge na hwatò hwa èhvèhva yà ama Hɛ̀rɔ̀dì. Hwanu hwatò rzi hwa ijòwa Yerzù nanù ema, “Ìi Mòòkòlèlì, i hwi nanù ema ò òhwa e jɔ̀kɛ̀. Ndèŋgànà i hwi hvɛ nanù ema hwèyòkòlèlì hwe aŋgɔ̀ lì hvòmɛ̀nɛ̀ imbenda ja ama Lohwɛ̀ hwe hwèlì ndi jɔ̀kɛ̀. Màlùteyà ma hwatò na hwèhwɛ̀ɛlì hwe hwèhvòlò hwe awu hwe rza eŋgòwa hwèyòkòlèlì hwe aŋgɔ̀.
Hvìlipìyà 4:8 - Mokpwe: Bakwery (New Testament)8 Ìi wònyàmòwe kòkò, o lì kulɛ ene mbɔrzi, e lùteyà hwène hweyà o ihvonda ja arzɛ. È lùteyà tɔ̀ ima eyà ema e hwèlì e jɔ̀kɛ̀, tɔ̀ ima eyà ema e hwèlì ema e lɔ̀wu, tɔ̀ ima eyà ema e hvomɛ̀nɛ̀, tɔ̀ ima eyà ema e rza ohvɛ tɔ̀ lìtɔ̀tì la wòhwe, tɔ̀ ima eyà ema hwatò hwa àŋgàmɛ̀nɛ̀yi lì lìŋgàna na tɔ̀ ima eyà ema e ɛni nanù ema ye e lɔ̀ɔ̀ni. È ɔ̀ŋgɛ̀lɛ̀ hweyà ema hwe lɔ̀wu rzayi-rzayi ndèŋgànɛ̀lɛ̀ e hweyɔ ema hwatò hwa ohwa nanù ema hwe lɔ̀wu. Ini nyayi ja hweyà ndi e àŋgàmɛ̀nɛ̀yi lì ika o màlùtèyà ma anyu o ihvonda ja arzɛ. Onani mutuwo |
Hvìlipìyà 4:8
67 Mawu Ofanana
Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.
Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”
“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.
Jàyɛ̀, ò tɛ̀ɛ̀tɛ̀ɛ e wònja ya wònyà Yudà e hwèlì ndi òŋgò mòtò ema a hwèlì wònyà Yuda ò tenì ya ŋmèma, ene ŋgàna e hwèlì ndi nanù ema, mòtò ema à mà endàhwɛ̀ ò ŋmèma, ndèŋgàna ene èwòlò e gbeyàhwa ndi na Èlìŋgɛ̀ ya ama Lohwɛ̀, rzeketɛ e ya e mbenda ema e tìlahwì. Èŋge tumba mòtò e ekàhwà na Lohwɛ̀ rzeketɛ ò hwatò hwa hwènàmà.
O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.
I Kànɛlɛ Lohwɛ̀ nanù ema inyɔ e rzi gbeyà tɔ̀ lùurzè tɔ̀ lɔ̀kɔ. Irzɔ i rza kanɛ̀ ndi nanù aŋga nanù hwatò hwa ɛnɛ nanù ema irzɔ i hwèlì ndi àpɔ̀rzìtòlò ema i gbeyà èwòlò ya gbamù. Ndi tɔ̀ nanù irzɔ i kanɛ̀ ndi nanù ema inyɔ e hwɛni ndi lì gbeyà hweyà hwe hvomɛ̀nɛ̀, tɔ̀ nɛ lòŋgo la hwatò hwa o òhwa ndi nanù ema irzɔ i rza uŋmɛ̀lɛ̀ tɔ̀ yoma ema e uŋmɛ̀lɛ̀ nanù ema i hwèlì ndi i àpɔ̀rzìtòlò ema i gbèeyà hwèwòlò hwe awu gbamù.
O èŋgànɛ̀lɛ̀ rzɔ, inyɔ e akpatɛ o lì ohwa e jɔ̀kɛ̀ o ihvonda ja arzɛ. Inyɔ e gbèyi tɛ nanù, e o hwɛ ndi nàa mòtò ema a nyamì e ŋgolì o woluhwe wa eni, ema a wòŋgìrzɛ̀nɛ o lì gbèeyà eyà. Inyɔ e lìmeya ndi o lì gbeyà hweyà hwe jɔ̀kɛ̀ ehwànja o lì gbèeyà hweyà ema hwe hvomɛ̀nɛ̀yi e hwèlì ndi nàa mòtò ema a wɔ̀ti e mbɔ̀ti ya hwɛ̀ɛkɛ̀ o lì ahwàndɛ mɔ̀ ŋmìti o hvonda ya njuma.
O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.
Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.
Ndi tɔ̀ nanù e mòtimbèlì wa ŋmèmba a àŋgàmɛ̀nɛ̀yi ndi lì hwɛ mòtò ema a kàrzɛ hwatò ema hwa jà o lì mo hvɛhvɛ, ndèŋgànɛ̀lɛ̀ a hwèlì ndi mòtò ema a lìŋgàna hwema hwe gbamù. A àŋgàmɛ̀nɛ̀yi ndi lì hwɛ mòtò ema a hwi lì àwòhvɛ̀ la eni na hwahvɛhvɛ hwatò, mòtò ema hwègbèèlì wa eni hwe tɛnɛ̀nɛ̀, ema a hwèlì wòtani, ndèŋgànɛ̀lɛ̀ a hwèlì mòtò ema àkuwɛ̀ɛ mɔ̀ ŋmìti.
O òkolɛ hwàwululu hwa wùnyànà o lì hwiya nɛ hwa hwɛnɛ lìkànèyà mòŋgɛ ma awu, hwa gbeye hweyà nyayi ema hwatò wo o hwà ŋgbɛɛ èluhwe, ndèŋgànɛ̀lɛ̀ wɔ̀ hwa a gbeyà hweyà na gbaŋgo wo nɔ̀kɔ̀wu. Hwa àŋgàmɛ̀nɛ̀yi ndi lì ɛndɛ o worzo o lì lòkɛ̀ Krirztò, hwa àŋgàmɛ̀nɛ̀yi ndi lì ɛndɛ o worzo o lì hwɛneya hwahvɛhvɛ hwatò e ndìŋgɛ, ndèŋgànɛ̀lɛ̀ hwa àŋgàmɛ̀nɛ̀yi ndi lì ɛndɛ o worzo o lì luwa mètàkà ema hwa luwa o nyòla lìlòkɛ̀ la awu.
Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.
Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.
Zotsatsa