Hvìlipìyà 4:7 - Mokpwe: Bakwery (New Testament)

⁷ È gbèyi tɛ nanù, Lohwɛ̀ a gbeyà e hwɛnɛ ɛ̀yɔ̀lɛ̀. Ène ɛ̀yɔ̀lɛ̀ e olo lì aka mamɛ hwatò hwa tanɛyi lì rzɔ̀ŋgìtɛ̀nɛ̀. Ène ɛ̀yɔ̀lɛ̀ ye e oŋgòhwànà aŋga nanù e rza oka wɔ̀ŋgɔ̀ na lì ohva màlùtèyà ema mà e tàkirzɛ, ehwànja e hwèlì ndi mòtò mɔ̀kɔ na Yerzù Krirztò.

Hvìlipìyà 4:7 Mawu Ofanana

Lukàrzɛ̀ 1:79

Mònò mòrzɔnji-rzɔnji mò igbèyi, mò ò uŋmɛ̀lɛ̀ hwaŋga hwatò ema hwa hwèlì ò jìtìtì, nà è wɔ̀ hvɛ ema hwa kòmbɛ̀nɛ̀ è kpelì, ŋmàye. Ndèŋgàna irzɔ jò ò lùwa lìhwiyè ema lì jò uŋmɛ̀lɛ̀ è njiya ema e jànà lòŋgɛ la ɛ̀yɔ̀lɛ̀.”

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

Ròmànì 8:6

Mòtò a ika tɛ ŋmèma mò eni ò hwema hwe e nyàmà nyò nanù òma a hwɛni lì ŋwa. Ndi mòtò a ika tɛ ŋmèma mò eni ò hweyà hwe Èlìŋgɛ̀ nanù òma Lohwɛ̀ a mò ŋgba lòŋgɛ la gbìndèyà na ɛ̀yɔ̀lɛ̀.

2 Kɔ̀rintìyà 10:5

I hwe gbeyàna hvɛ o lì wuulɛ tɔ̀ ima johwi ja lì ayèkirzɛ̀, ema hwa ohwa ema i gbeyà ema hwatò hwa rza hwiya Lohwɛ̀. I gbeyà hwatò ò lì tikowa màlùtèyà ma awu aŋga nanù màlùtèyà ma awu ma arzɛ ma o hwɛ ndi nàa Krirztò a arza ama mà hwɛ.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Ɛ̀hvìrzìyà 3:19

Nà kànɛ̀ hvɛ nanù ema tɔ̀ nɛ tɔ̀ mòtò tɔ̀ mɔ̀kɔ à rza tànɛyi lì hwiya kɔ̀yi-kɔ̀yi nɛ Krirztò ò jɔ̀kɛ̀ à è lìŋgàni inyɛ Lohwɛ̀ à è gbeye è rzɔ̀ŋgìtɛ̀nɛ̀. Nà kànɛ̀ nanù, aŋga nanù hwègbèèlì hwe anyu hwe hwɛ ndi nàa è hwe ama Lohwɛ̀.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Hvìlipìyà 1:2

Inyɛ̀ è ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ wà arzu, nà Yerzù Krirztò è Rzàŋgo yà arzu è hwɛ nà inyɔ.

Hvìlipìyà 4:19

O tenì ya mònàmɛ̀ mo eni mondɛnɛ, Lòohwà la ami a e ŋgba tɔ̀ mamɛ ema inyɔ e endelì, lì akeyà na Yerzù Krirztò.

Hvìlipìyà 4:21

È kɔmè tɔ̀ ima mòtò wà ama Lohwɛ̀ ema à lòkɛ̀yì Yerzù Krirztò. Wònyànyàŋgo hwa arzu hwa ama Krirztò ema hwa hwèlì anu nà imba hwa è omèlì ikɔ̀mì.

Hvìlipìyà 4:9

Tɔ̀ ima eyà ema nà mà e okolɛ ema e ma emeyà, na tɔ̀ ima eyà ema e ma no hweyàne, na tɔ̀ ima eyà ema e ɛni imba na gbeyà, inyɛ ye e gbeye. È gbèyi tɛ nanù, Lohwɛ̀, mɔ̀ ema a ŋgbàà ɛ̀yɔ̀lɛ̀ a e ŋgba ɛ̀yɔ̀lɛ̀.

Kòlòrzìyà 3:15

Krirztò à mà gbeyà inyɔ è à ohvanɛ ɛ̀yɔ̀lɛ̀ mɔ̀kɔ nà ɔ̀nɛyi. Ò eŋgànɛlɛ rzɔ eŋge ɛ̀yɔ̀lɛ̀ è hwɛni lì è timba ò hweyà hwe arzɛ ema è gbeyà. Inyɔ è àŋgàmɛ̀nɛ̀yi lì eka Lohwɛ̀ ò ihvonda jà arzɛ

2 Tɛ̀rzàlonìyà 3:16

Inyɛ̀ Rzàŋgo Yerzù mɔ̀ ŋmìti ema a jo ŋgbàà ɛ̀yɔ̀lɛ̀, a e ŋgbe ɛ̀yɔ̀lɛ̀ o ihvonda ja arzɛ na o injiya ja arzɛ. Ndèŋgànɛlɛ irzɔ i kànɛ nanù ema inyɛ mɔ̀ à hwɛ na inyɔ hwa arzɛ.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.

Hwèwulùwèlì 1:4

Imba Yòwanìrzɛ̀, nà tìlèlì mììtèlì lìrzàmba ema mè hwèlì ò erzòòkà yà Èrzìyà. Inyɛ̀ è ndèli nà ɛ̀yɔ̀lɛ̀ yà ama Lohwɛ̀, è hwɛ nà inyɔ. Lohwɛ̀ ema à hwèlì, ema à mà hwɛ, nà è mɔ̀ ema à ò hwɛ̀ɛ̀, ndèŋgànɛ̀lɛ̀ hwèlìŋgɛ̀ lìrzàmba hwa è omèlì è ndèli nà ɛ̀yɔ̀lɛ̀. Hweŋge hwèlìŋgɛ̀ hwe hwèlì ò worzo wò è konda yà lìkànèyà yà è ŋmanyu yà lohwà.

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”