Hvìlipìyà 4:6 - Mokpwe: Bakwery (New Testament)

⁶ È rzi ahvàhvɛ lì hvomɛ̀nɛ̀ tɔ̀ eyà. Ndi tɔ nanù o tɔ ima eyà ema ye e ùŋmànɛ̀lɛ̀, e kànɛ Lohwɛ̀ nanù ema a e ŋgbe mamɛ ema e arza. Ndeŋgànɛlɛ e kànɛ tɛ e mo eke.

Hvìlipìyà 4:6 Mawu Ofanana

Matiyò 10:19

Hwa è ɛndɛ̀nì tɛ ò hwèkàyìrzèlì tɔ̀ mɔ̀kɔ wa anyu a rzi atàkìrzɛ̀ ò mamɛ ema a hwɛ̀nì lì òhwa, tɔ̀ nɛ mɔ̀ à hwɛ̀nì lì è òhweyà. È hvònda è uki tɛ à ò hwɛ̀nɛ̀ eyà ya lì òhwa.

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Matiyò 6:34

O èŋgànɛ̀lɛ̀ rzɔ, e rza ahvahvɛ lì hvòmɛ̀nɛ̀ è ŋmɛ̀lɛ̀. È ŋmɛ̀lɛ̀ yɔ̀ yiti yò ò òhva è mà eni mètàkà ema mè ò mò tanɛ̀. Wùnyà tɛ wò hwɛnì è jà eni ndùtù.”

Matiyò 6:8

È rzìi hwɛ nà òma wɔ̀ hwa hwèlì, èhwanja Lohwɛ̀, Tatɛ̀ wà anyu à hwi mamɛ yà arzɛ ema inyɔ yà arza ndèŋgànà è mò ijòwa ò màkanɛ̀.

Lukàrzɛ̀ 10:41

Yerzù rzìi a mò alàhwɛ̀ nanù ema, “Ìì Màta, ìi Màta, mamɛ ò akayìrzɛ̀lɛ̀lɛ nà lì atàkìrzɛ̀ lì teŋgɛ̀nɛ̀ hweyà rzayì-rzayì e?

Lukàrzɛ̀ 12:22

Yerzù à mà òhweyà hwà-òkòwèlì hwa eni nanù ema, “O èŋgànɛ̀lɛ̀ rzɔ, nà è òhweyà nanù ema è rza atàkìrzɛ̀ mòŋgɛ ma anyu. O lì àrza mamɛ e hwɛnì lì làa, tɔ̀ mamɛ ema e hwɛnì lì wɔ̀tɔ̀.”

Lukàrzɛ̀ 12:29

“O èŋgànɛ̀lɛ̀, è rzì òka lì ikà mèèmà me anyu ò mamɛ ema e làa, tɔ̀ lì nyɔ. Hwenè hweyà hwe rzìi e tàkìrzɛ̀.

Lukàrzɛ̀ 18:1

Yerzù rzìi a kpɛ̀ɛya hwà-òkòwèlì hwa eni ŋmàna àma hwa hwɛ ndi ò màkanɛ̀ ihvònda ja àrzɛ. Hwa rzì kèka lì tùulɛ̀ mèèmà.

Lukàrzɛ̀ 18:7

Rzèke Lohwɛ̀ hvɛ à ò rzùulɛ̀ hwatò hwa eni ema a hvɔ̀rzì e? Hwàŋga hwatò ema hwa mò èyeyàa ŋmerze nà wuu, a ò lìya ema a rza hwa alàhwɛ̀ e?

1 Kɔ̀rintìyà 7:21

O ma hwɛ tɛ ndi mòkòmì e hvonda ema Lohwɛ̀ à mà o hvɔ̀rzè, ene eyà e rza o tàkirzɛ. Ndi e mòkànèlì wà aŋgɔ a o rzolohwi tɛ o emeyà.

1 Kɔ̀rintìyà 7:32

Nà o lìŋgànà ema tɔ̀ eyà tɔ̀ yɔ̀kɔ e rzi e tàkirzɛ̀ mèèmà me anyu. È mùnyanà ema a rzi hwàayi molànà, a ika ndi mèèmà mo eni mo arzɛ na èwòlò yà ama e Rzàŋgo, aŋga nanù a òkìrzɛ̀ Rzàŋgo mɔ̀nyɛ̀ŋgì.

2 Kɔ̀rintìyà 1:11

Lohwɛ̀ à jò rzùŋgà èhwanja è hwèlì è jò kànɛ̀lɛ̀lɛ̀. Rzayì-rzayì ja hwatò hwa jo kànɛlɛ̀lɛ̀ ndèŋgàna Lohwɛ̀ a jo nàmìrzɛ̀yi. Ène eyà e gbeyà rzayì-rzayì ja hwatò hwa eka Lohwà, èhwanja mɔ̀ à jo rzùŋgi.

Ɛ̀hvìrzìyà 5:20

È eke Lohwɛ̀ Tatɛ̀ yà arzu ò ihvonda ja arzɛ ò tɔ̀ mamɛ ema è hwɛni lì gbèyɛ̀nɛ. È mò eke ò lìinà là ama Rzàŋgo yà àrzu Yerzù Krirztò.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Kòlòrzìyà 3:15

Krirztò à mà gbeyà inyɔ è à ohvanɛ ɛ̀yɔ̀lɛ̀ mɔ̀kɔ nà ɔ̀nɛyi. Ò eŋgànɛlɛ rzɔ eŋge ɛ̀yɔ̀lɛ̀ è hwɛni lì è timba ò hweyà hwe arzɛ ema è gbeyà. Inyɔ è àŋgàmɛ̀nɛ̀yi lì eka Lohwɛ̀ ò ihvonda jà arzɛ

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.

Kòlòrzìyà 4:2

È inyàmɛnɛ o màkanɛ̀. Ndèŋgànɛlɛ e kànɛ tɛ e rzɛŋgɛnɛ mèèmà me anyu o tɔ̀ mamɛ ema e arzana Lohwɛ̀, ndèŋgànɛlɛ e a mo eka.

1 Tìmotì 2:1

Eyà ya worzo ema na e kòkòwɛ̀lɛ̀ e hwèlì ndi nanù ema e kànɛ̀lɛlɛ hwatò hwa arzɛ. È kànɛ̀lɛlɛ hwahvɛhvɛ hwatò. È kànɛ̀ nanù ema Lohwɛ̀ a e omeya mamɛ̀ ema e arza, ndèŋgana e a mo eka o gbaamù ema a e gbèeyà na hwahvɛhvɛ hwatò.

1 Tìmotì 5:5

Mokurze mo molanà ema mo hwèlì ŋmìti ndèŋgàna mo rza ohvɛ mòtò ema a mo ɔŋgeya, mo ika ndi ŋmèma mo eni na Lohwɛ̀. Mono mokurze mo molanà mo lìmeya ndi o lì kanɛ̀ ŋmerze na wuu o lì akowana ema Lohwɛ̀ a mo òŋgowane.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Pètrò 5:7

È mo hwɛmeya mètàkà me anyu me arzɛ o màà mà eni, ehwànja Lohwɛ̀ à mà wowa mètàkà me anyu nàa e ma eni.