Hvìlipìyà 4:21 - Mokpwe: Bakwery (New Testament)

²¹ È kɔmè tɔ̀ ima mòtò wà ama Lohwɛ̀ ema à lòkɛ̀yì Yerzù Krirztò. Wònyànyàŋgo hwa arzu hwa ama Krirztò ema hwa hwèlì anu nà imba hwa è omèlì ikɔ̀mì.

Hvìlipìyà 4:21 Mawu Ofanana

Matiyò 5:47

O kɔmɔ̀ tɛ hwatò hwà aŋgɔ̀ mɛnɛ, òma ò wà hvɛ ò mà gbèya ndi nà òma hwahvɛhvɛ hwatò hwa gbèya. Tɔ̀ hwaŋga hwatò ema hwa rza enje wònyà Yudà hwa gbeyà nanù mɛnɛ.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

Gàletìyà 1:2

Imba na hwàlòkèlì hwa arzɛ ema hwa hwèlì anu na imba je omelì ŋmèmba mo arzɛ ema mo hwèlì o Gàletìyà ikɔ̀mi.

Gàletìyà 2:3

Tɔ Tàyìtùrzì ema à mà hwɛ ndi mòtò wa èkòmè ya Grìki ema à mà hwɛ na imba, hwa rzi mo nyàkìrzɛ̀ nanù ema à hwɛni lì endàhwà,

Ɛ̀hvìrzìyà 1:1

Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Hvìlipìyà 4:7

È gbèyi tɛ nanù, Lohwɛ̀ a gbeyà e hwɛnɛ ɛ̀yɔ̀lɛ̀. Ène ɛ̀yɔ̀lɛ̀ e olo lì aka mamɛ hwatò hwa tanɛyi lì rzɔ̀ŋgìtɛ̀nɛ̀. Ène ɛ̀yɔ̀lɛ̀ ye e oŋgòhwànà aŋga nanù e rza oka wɔ̀ŋgɔ̀ na lì ohva màlùtèyà ema mà e tàkirzɛ, ehwànja e hwèlì ndi mòtò mɔ̀kɔ na Yerzù Krirztò.