Hvìlipìyà 4:20 - Mokpwe: Bakwery (New Testament)

²⁰ Èluhwe è hwɛ nà Lòohwà là arzu, Tatɛ̀ hwa arzu natɛ̀ɛ nà ò gbìndèyà. Inyɛ̀ wò lìya nanù.

Hvìlipìyà 4:20 Mawu Ofanana

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Matiyò 6:9

O èŋgànɛ̀lɛ̀ rzɔ nanù ndi inyɔ è hwɛnì lì kanɛ̀, Lohwɛ̀, Tatɛ̀ wà arzu ema ò hwèlì ò ŋmanyu, èluhwe è hwɛ nà lìinà là aŋgɔ̀.

Ròmànì 11:36

Lohwɛ̀ ndi à wèkì hwèèmà hwe arzɛ. Mɔ̀ ndi à gbèyi ndèŋgànà hweŋge hwèèmà hwe arzɛ hwe hwèlì lòŋgɛ. Ndèŋgànɛ̀lɛ̀ mɔ̀ ndi à hwɛni hweŋge hwèèmà hwe arzɛ. Èluhwe è hwɛ nà Lohwɛ̀ ò gbìndèyà nà ò gbìndèyà. Inyɛ̀ wò lìya nanù.

Ròmànì 16:27

Lohwɛ̀ mɔ̀ ŋmìti mɛnɛ ndi à hwɛni lìhwiyè la arzɛ. Inyɛ̀ i mò ŋgbe èluhwe èhwanja eyà ema Yerzù Krirztò à mà gbeyɛ, ò gbìndèyà na ò gbìndèyà. Inyɛ̀ wò lìya nanù.

Ɛ̀hvìrzìyà 3:21

Inyɛ̀ èluhwe è hwɛ nà Lohwɛ̀, èhwanja ò hweyà hwe ndɛnɛ ema à hwèlì lì gbèeyà. Hwene hweyà hwe ɛnɛ̀hwɛ̀ ò lì arzàŋganɛ là hwatò hwa Lohwà ndèŋgana hwe ɛnɛ̀hwɛ̀ ò hweyà ema Krirztò à gbèeyà. Èluhwe è hwɛ nà mɔ̀ ò ì hvonda jà arzɛ, ò gbìndèyà nà ò gbìndèyà. Inyɛ̀ wò lìya nanù.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Hvìlipìyà 4:23

Inyɛ̀ è ndèli yà ama Rzàŋgo Yerzù Krirztò è hwɛ nà inyɔ hwa arzɛ. Inyɛ̀ wò lìya nanù.

1 Tìmotì 1:17

Ŋmàye nà èluhwe hwe hwɛ nà Lohwɛ̀ ò gbìndèyà nà ò gbìndèyà. Mɔ̀ ndi à hwèlì è kiŋgɛ ò gbìndèyà nà gbìndèyà. Mɔ̀ ndi à hwèlì è mɔ̀ ema hwatò hwa rza ɛni nà mììrzɔ̀ mà awu ndeŋgànɛ̀lɛ̀ à rza ŋwa. Mɔ̀ ŋmìti mɛ̀nɛ ndi à hwèlì Lohwɛ̀. Inyɛ̀ wò lìya nanù.

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.

Hwèwulùwèlì 1:6

À jò gbèyi ì hwèlì ndi nàa Ipilìrzi ema i gbèeyà Lohwɛ̀ è Tatɛ̀ yà eni ema è hwa kànèyà. Inyɛ̀ èluhwe nà lìkànèyà là eni lì hwɛ ò gbìndèyà nà ò gbìndèyà. Inyɛ̀ wò lìya nanù.

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.

Hwèwulùwèlì 14:7

Èŋge aŋgèlì è mà ohwa nà lìlo lì kàrzami nanù ema, “È ŋgbe Lohwɛ̀ èluhwe, ndèŋgànɛ̀lɛ̀ è hwɛ ndi ò lì mò eka, ehwànja è hvonda yà eni yà lì kàyìrzɛ hwatò è mà ɔlɛ̀. È mò kanɛ̀ mɔ̀ ema à wèki è ŋmanyu yà lohwà, è rze yà mɔ̀nyɛ̀, ŋmàànjà nà hwètùŋgu hwe malìhwa.”

Hwèwulùwèlì 5:12

Wɔ̀ hwa mà emba nà lìlo lì kàrzàmi, nanù ema, “È Ŋguma yà Mɔ̀lɛ̀ŋgù ema è mà oŋwàhwà, è kànɛyi ò lì lùwa màyimbi, erzàŋgo, lìhwiyè, ŋginyà, èluhwe, wonyàki nà jèka.”

Hwèwulùwèlì 7:12

Hwa mà hwɛ lì ohwa nanù ema, “Inyɛ̀ wò lìya nanù! Mònàmɛ̀, lì ekàhwà, lìhwiyè, jèka, èluhwe, màyìmbì nà ŋginyà inyɛ hwe hwɛ nà Lòohwà la arzu natɛ̀ɛ nà ò gbìndèyà! Inyɛ̀ wò lìya nanù.”