Hvìlipìyà 4:1 - Mokpwe: Bakwery (New Testament)

¹ O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Hvìlipìyà 4:1 Mawu Ofanana

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Yòwanìrzɛ̀ 8:31

Hwàŋga hwatò hwa Lohwà ema hwà mà lòkɛ̀ Yerzù mɔ̀ à mà hwa òhweyà nanù ema, “È alɛ̀mbɛnɛyi tɛ hwèyòkòlelì hwe ami, ò ma e hwèlì ndi Hwà-òkòwèlì hwa ami hwa jɔ̀kɛ̀.

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Hwègbèèlì 2:42

Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

1 Kɔ̀rintìyà 16:13

È aŋgòwà e tɛ̀mɛ̀ ehve-ehve o lì lòkɛ̀. È ètìrzɛ̀ mèèmà, e hwɛnɛ̀ hvɛ màyìmbì.

2 Kɔ̀rintìyà 1:14

Nà oma e ma màa lì rzɔ̀ŋgìtɛ̀nɛ̀, lòŋgo la hweyà lì jo hvomɛ̀nɛ̀, na lòkɛ̀yi ema, e o jo rzɔ̀ŋgìtɛ̀nɛ̀ kɔ̀yi-kɔ̀yi. Ène eyà e o gbeyà e hvonda ema Rzàŋgo Yerzù a o jɛ̀ɛ̀ e o òhwa ema e hwɛnì kumba na irzɔ na oma irzɔ hvɛ i hwɛnì kumba na inyɔ.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

Hvìlipìyà 2:26

A hwɛni e nyɔ̀ŋgi o lì e ɛnɛ inyɔ hwa arzɛ, ndèŋgànɛ̀lɛ̀ à mà kpa ŋmèma na oma mɔ̀ à mà hweye nanù ema inyɔ e ma hweyà nanù ema mɔ̀ à mà ɔ̀kirzɛ.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

1 Tɛ̀rzàlonìyà 3:13

I kànɛ ndi nanù, aŋga nanù Rzàŋgo Yerzù a e ètìrzɛ̀ mèèmà me anyu aŋga nanù e rza hwɛnɛ tɔ̀ lìtɔ̀tì tɔ̀ lɔ̀kɔ la mààtòo ma wòhwe o inyo ja anyu, na lì hwɛ wòtani o worzo wo ama Lohwà la arzu na Tàtɛ, e hvonda ema Rzàŋgo ya arzu Yerzù Krirztò a o jɛ̀ɛ̀ na hwatò wa eni hwa arzɛ.

2 Tɛ̀rzàlonìyà 2:15

Ò eŋgànɛlɛ rzɔ, ìi wònyàmòwe kòkò, è àyètìrzɛ̀nɛ̀ ò lì oŋgàma hwèyòkòlèlì ema irzɔ i lùù ndèŋgàna jè è okòlɛ. Irzɔ ì mà hwɛ lì è okòlɛ̀ ò hwèohwèlì hwe ŋmɛ̀ndì mò gbamù nà ò lì è tìleyà ò kààti.

2 Tìmotì 2:1

Ìi Tìmòtì kòkò, e ndèli ema Yerzù Krirztò a o ŋgbelì e hwɛ ndi nanù mɛnɛ o lì o ètìrzɛ̀.

Hibrù 10:23

Inyɛ̀ i lɛmbɛ lìhvìtà là arzu kɔ̀yi-kɔ̀yi, e rzi hwɛ lì nyiŋgirzɛhwɛ, èhwanja irzɔ i lòkɛ̀yi nanù ema Lohwɛ̀ ema a ohwi à mà a gbeyà mamɛ ema a ohwa nanù ema a gbeyà a e gbeyà.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

2 Pètrò 3:17

Ndi inyɔ, imbùnda ja ami e ma màa lì hwiya hwene hweyà. O eŋgànɛ̀lɛ̀ rzɔ, e hwɛ ndi o lì ijàneyà kɔ̀yi-kɔ̀yi, aŋga nanù hwatò ema hwa rza ika imbenda ja ama Lohwɛ̀, hwa rzi e gbèeyà e kpa na hwèyòkòlèlì hwe awu hwe wòhwe ema wɔ̀ hwa e okolɛ. Inyɔ e oŋgami tɛ hwèyòkòlèlì hwe awu hwe wòhwe nanù oma lìlòkɛ̀ la anyu lì rza tɛ̀mɛ̀.