Hvìlipìyà 3:7 - Mokpwe: Bakwery (New Testament)

⁷ Ndi o nàŋgɛ hweŋge hweyà ema imba nà mà ɛnɛ ndi nàa mɔ̀rzɛ̀ŋgì na hwe wowi ndi nàa eyoyo, ehwànja o hweyà ema Krirztò a no gbèeyà.

Hvìlipìyà 3:7 Mawu Ofanana

Matiyò 16:26

Ima mɔ̀rzɛ̀ŋgì ema mòtò à lùwà à yàlɛ̀ tɛ è rze yà arzɛ, rzìi à wɔ̀lɛ̀nɛ̀ lòŋgɛ là eni e? È rza tànɛ̀ lì hwɛ nanù! Mamɛ mòtò à tànɛyi lì ŋgbà ò lì tikòwàna lòŋgɛ là eni e?

Makòrzì 10:50

Oŋgò mòtò à mà ulɛ è kòti ya eni a e rzɔ̀njɛlɛ ɔnɛyi, rzìi a tɛ̀mɛ̀ nà màkpàrzi, a ɛ̀ndɛ lì ùŋma Yerzù.

Lukàrzɛ̀ 14:26

“Tɔ̀ ima mòtò ema à òhwi àma à àrza lì nò òŋgama, rzìi a lìŋgàna rzàŋgɛ nà nyàŋgɛ, jòjìyɛ̀ wa eni, nà hwàànà, nà wònyanyàŋgò wa eni, nà ìndòmɛ ja eni. Rzìi à lìŋgàna hvɛ lòŋgɛ la eni lì nò akà, à rza tanɛ̀yi lì hwɛ mòòkòwèlì wà amì.

Lukàrzɛ̀ 14:33

Nànù ndi e hwɛnì lì hwɛ nà tɔ̀ njɛnɛ hvɛ ema à rza àrzà lì ulɛ hwèèmà hwe arzɛ ò mèèmà mò eni. Èŋge tumba mòtò e rza kànɛyi lì hwɛ è mòòkòwèlì wà amì.

Lukàrzɛ̀ 16:8

Èŋge èhwàŋgì ya mòtò e mà hweye nanù, rzìi a eka òŋgò mògbèèlì wà èni wà wòhwe a òhwa nanù ema, ‘À gbeyànì lìhwiyè la gbamù.’” Yerzù rzìi a òhwa hvɛ nanù ema, “Nànù ndi hwatò ema hwa òŋgama hweyà hwe ène rze, hwa gbeyànà mahwiye ma awu, ò lì ɔ̀njɔ hwanɛ̀yi hwatò, ò lì gbeyà hweyà hwe awu lì akà è wɔ̀ ema hwa òŋgama ŋmàye mò ama Lohwɛ̀.”

Hwègbèèlì 27:38

Nà òma hwaŋga hwatò hwa melì me ŋmànja hwà mà kulɛ lì laa ò hweyàrzèlì hwe awu, hwà mà undirzɛ mùùnà ema mò ma hwɛ mbàrzi ò tenì ya ŋmànja, hwà mà gbeyà ndi nanù ò lì arza nanù ema mòrzimbɔ̀ mò melì me ŋmànja mò wàmeyà.

Hibrù 11:26

Mɔ̀ à mà lùtèyà ema o lì luwa ìrzɔnì o nyòla è Mɔ̀ ema à Ɔ̀kirzɛ̀hwɛ̀yi a hwèlì mòrzàhwelì ema mo akayi mònàmɛ̀ mo arzɛ ema mo hwèlì o tenì ya èkomè ya Ìjiptò. A ma gbeyà ndi nanù èhwanja à mà hwɛ lì ambɛlɛlɛ mòrzawèlì ema Lohwɛ̀ a mo ŋgba o e hvonda ema e o jɛ̀ɛ̀.