Hvìlipìyà 3:16 - Mokpwe: Bakwery (New Testament)

¹⁶ Tɔ̀ e hwɛ ndi mamɛ, i hwɛni lì oŋgama hweyà ema i ma màa lì hwiya.

Hvìlipìyà 3:16 Mawu Ofanana

Ròmànì 12:16

È awòhwànɛ̀ wàna hvɔ̀kɔ mɔ̀kɔ na ɔ̀nɛyi. È rzi ayèkirzɛ̀. È hwɛ mbunda na hwatò ema hwa rza òhvɛ hwetɛmelì ema hwe kàrzamì. Inyɛ̀ tɔ̀ mòtò a rzi ɔ̀ŋgɛ̀lɛ̀ nanù ema mɔ̀ à hwɛni lìhwiyè rzayi-rzayi.

Ròmànì 15:5

Inyɛ̀ Lohwɛ̀ ema a jò ŋgbà la àjùlɛ̀ na lì kɔ̀mɛ̀lɛ̀, a e òŋgòwane ò lì ahweyànɛ mɔ̀kɔ na ɔ̀nɛyi, na òma e òŋgama Yerzù Krirztò.

Gàletìyà 5:7

O hwewotelì inyɔ e ma hwɛ lì gbeyà hweyà gbamù. Njɛnɛ rzɔ a e tiko mèèmà nanù ema e rza oŋgama e jɔ̀kɛ̀ ema e hwèlì o tenì ya ŋmɛ̀ndì mò gbamù e?

Gàletìyà 6:16

Ò nàŋgɛ rzɔ, inyɛ ɛ̀yɔ̀lɛ̀ nà ììlì jà ama Lohwɛ̀ ì hwɛ nà hwaŋga hwatò hwa arzɛ ema hwa nɔ̀ŋgɔ hwène hwèyòkòlèlì. Hwàŋga hwatò ndi hwa hwèlì hwatò ema hwa hvɔ̀rzɔ̀hwì nà Lohwɛ̀.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 2:2

Mɔ̀nyɛ̀ŋgì mo ami mo o ondìrzɛ̀hwɛ, e hwèlì tɛ nanù ema e ohvi mɔ̀ŋgɛ̀lɛ mɔ̀kɔ, e awuŋmɛ̀lɛ̀nɛ tɛ mɔ̀kɔ na ɔnɛyi ndiŋgɛ, e ohvi tɛ ŋmèma mɔ̀kɔ ndèŋgànɛ̀lɛ̀ e hwɛ ndi nàa mòtò mɔ̀kɔ o tɔ̀ mamɛ ema e gbeyà.

Hvìlipìyà 4:2

Yùdìyà na Rzìntìkɛ̀ na e atɛkɛ nanù ema e ahweyànɛlɛ, ehwànja inyɔ hwahwàkɛ e hwèlì ndi indomɛ ja arzu ema i lòkɛ̀ Rzàŋgo Yerzù.

Kòlòrzìyà 2:6

Kànàtɛ inyɔ e ma emeyà Yerzù Krirztò nàa e Rzàŋgo ya anyu, e hwɛ ndi o lì gbeyà hweyà na oma mɔ̀ à arza nanù ema e gbeye.

Kòlòrzìyà 4:2

È inyàmɛnɛ o màkanɛ̀. Ndèŋgànɛlɛ e kànɛ tɛ e rzɛŋgɛnɛ mèèmà me anyu o tɔ̀ mamɛ ema e arzana Lohwɛ̀, ndèŋgànɛlɛ e a mo eka.

Hwèwulùwèlì 3:3

Ò eŋgànɛlɛ rzɔ, è ɔ̀ŋgɛ̀lɛ̀ hweyà ema inyɔ è mà okowe nà è hwèyɔ̀ ema è mà hwèye, è hwe ika ndèŋgànɛ̀lɛ̀ è ayèŋgowɛ̀ ò wòhwe wò anyu. Ndi inyɔ è rzi imowì tɛ, imba nà ò jà ndi nàa ŋmìhwɛ, ndeŋgànɛlɛ è rza ò hwiya è hvonda ema nà ò jɛ̀ɛ̀.