Hvìlipìyà 3:13 - Mokpwe: Bakwery (New Testament)

¹³ Ìi wònyàmòwe kòkò, nà rza ohwa nanù ema nà mà kulɛ hweyà hwe arzɛ, ndi o hwèlì eyà yɔ̀kɔ ema na ika mɔ̀ŋgɛ̀lɛ̀ o lì gbeyà. Nà hvoŋgà hwèèmà ema hwe ma aka o mburza ndèŋgànɛ̀lɛ̀ o lì ana o lì luwa hwema ema hwe jà o worzo.

Hvìlipìyà 3:13 Mawu Ofanana

Lukàrzɛ̀ 10:42

Nà ò òhweyà ema eyà yɔ̀kɔ mɛnɛ yɔ ndi ya arzàhwa. Màlìyɛ̀ ndi à e hvɔ̀rzì, ema tɔ̀ mòtò à rza tanɛ lì mò wòwànà.”

Lukàrzɛ̀ 9:62

Yerzù à mà mò òhweyà nanù ema, “Tɔ̀ ima mòtò ema a wòtelì lì tiyà èki rzìi a hvɛ̀ŋgɛ ò mburzà, à rza tanɛ̀yi lì gbeyà èwòlò ò rze ya lìkànèyà là ama Lohwɛ̀.”

2 Kɔ̀rintìyà 5:16

Li wòteya nàŋgɛ, inyɛ i rza wowa hwatò na oma hwa ɛneya. Tɔ̀ nɛ o ma hwɛ lìrzako ema i ma hwɛ lì ɛnɛ Yerzù na mìirzɔ ma hwatò hwa hwènàmà i rza mo ɛnɛ nanù hvɛ.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

Hvìlipìyà 3:12

Nà rza ohwa nanù ema nà mà màa lì gbeyà hwene hweyà hwe arzɛ, tɔ̀ nanù ema nà mà màa lì tɛmi ehve-ehve o hweyà hwe arzɛ. Ndi na hwèlì lì keka o lì hwɛ e nyayi ya mòtò ema Yerzù Krirztò à mà arza ema na hwɛ e hvonda ema à mà no hvɔ̀rzè.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

Hibrù 6:1

O eŋgànɛ̀lɛ̀ rzɔ, inyɛ je ɛ̀ndɛ̀nɛ̀ lìlòkɛ̀ la arzu o worzo, nàa hwatò ema hwà mà màa lì hwiya eyà. I rza àŋgàmɛ̀nɛ̀ o lì wowa hvonda hvɛ o lì okowa hweyà ema hwà mà jo okolɛ̀ lì hvomɛ̀nɛ̀ Krirztò o hwèwòtelì. I ma màa lì okowa, ndèŋgànɛ̀lɛ̀ irzɔ i hwi nanù ema hwatò hwa àŋgàmɛ̀nɛ̀ lì àyèŋgowɛ̀ o lì hwɛmɛ lì gbeyà hweyà hwe wòhwe ema hwe jànà e kpelì. Ndeŋgànɛ̀lɛ̀ i ma màa lì hwiya nanù ema hwa àŋgàmɛ̀nɛ̀yi lì lòkɛ̀ Lohwɛ̀.

2 Pètrò 3:8

Imbùnda ja ami kòkò, e rzi hvoŋgà ene eyà ya awɔ̀kɛ, o rza enje tɔ hwètìkòwèlì o mirzɔ̀ ma ama e Rzàŋgo lì hvomɛ̀nɛ̀ wùnyà wɔ̀kɔ na ikolì ja meya. O mɔ̀ hwe ahwàkɛ, hwe hwèlì ndi nyayi hvɔ̀kɔ.