Hvìlipìyà 3:12 - Mokpwe: Bakwery (New Testament)

¹² Nà rza ohwa nanù ema nà mà màa lì gbeyà hwene hweyà hwe arzɛ, tɔ̀ nanù ema nà mà màa lì tɛmi ehve-ehve o hweyà hwe arzɛ. Ndi na hwèlì lì keka o lì hwɛ e nyayi ya mòtò ema Yerzù Krirztò à mà arza ema na hwɛ e hvonda ema à mà no hvɔ̀rzè.

Hvìlipìyà 3:12 Mawu Ofanana

Matiyò 5:48

È gbèèyè ndi hweyà hwe gbamù, nà òmà Tatɛ̀ wa anyu wa ŋmanyu yà lohwà mɔ̀hvɛ à hwe gbeyà.”

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Ròmànì 8:39

Ŋga iŋginyà ja ŋmanyu, ŋga è jà è rze yà mɔ̀nyɛ̀, ò rza enje tɔ̀ eyà ò ìtììtènì yà ewèkelì è arzɛ ema è tànɛyi lì wùùlɛ̀ è ndìŋgɛ ema Lohwɛ̀ à jò hwɛ̀nèlì lì akeyà nà Yerzù Krirztò, è Rzàŋgò ya arzu.

1 Kɔ̀rintìyà 13:10

Ndi eyà ema e ondi o ŋmanyu, e jelì tɛ, e yɔ ema e rza ondɛ e nyɔ̀ŋgɔ̀.

1 Kɔ̀rintìyà 13:12

Mamɛ ema jɛ̀ɛ̀ ɛnɛ̀ naŋgɛ̀ e hwèlì ndi nàa lìmbaki ndi o mburzà hvonda ja o ɛnɛ Lohwɛ̀ wòrzo na wòrzo. Tɔ̀ naŋgɛ nanù, imba na rza rzɔ̀ŋgìtɛ̀nɛ̀ Lohwɛ̀ kɔ̀yi-kɔ̀yi, Ndi o e hvonda ema e o jɛ̀ɛ̀, na o mo rzɔ̀ŋgìtɛ̀nɛ̀ na oma mɔhvɛ a no rzɔ̀ŋgìtɛ̀nɛ̀ kɔ̀yi-kɔ̀yi.

1 Kɔ̀rintìyà 9:24

È rza hwi nanù ema o lìhwaŋgi tɔ̀ ima mòtò a hwaŋga, ndi mòtò mɔ̀kɔ mɛnɛ ndi à rzuwa rzi a lùwa morzawelì e? O èŋgànɛ̀lɛ̀ e hwaŋge lìhwaŋgi e luwe morzawelì.

2 Kɔ̀rintìyà 13:9

Jo ò oka mɔ̀nyɛ̀ŋgì, je e ɛni tɛ na oma e gbeyà hweyà ema hwe gbeyà lì lòkɛ̀ la anyu lì andàmà, tɔ̀ e hwɛ ndi nanù ema irzɔ je ɛni nanù ema i rza imbami, èhwanja i rza ɛni tɔ̀ lìtiŋga o lì e kɔ̀kìrzɛ̀. I kanɛ̀ ndi nanù ema Lohwɛ̀ a e òŋgwànɛ̀ ɛ̀ɛ̀mɛ̀ ya anyu e hwɛ ndi e ya gbamù.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Gàletìyà 5:17

Èhwanja mamɛ ema e nyàmà ya nyo ya arzu yɔ ya arza, hwe hwèlì ndi o lì teŋgɛ̀nɛ̀ mamɛ Èlìŋgɛ̀ ya arza. Ndeŋgànɛ̀lɛ̀ mamɛ ema Èlìŋgɛ̀ ya arza e teŋgɛ̀nɛ mamɛ ema e nyàmà ya nyo e arza. Hwene hwe ahwakɛ hwe hwèlì ndi hwàkɔ̀yèlì, ene ŋgàna e hwèlì ndi nanù ema, e rza tànɛyi lì gbeyà mamɛ ema e hwɛni lì gbeyà.

Ɛ̀hvìrzìyà 1:4

Ndèŋgànà Lohwɛ̀ à è wèka è rze, à mà màà lì jò hvɔ̀rzɔ̀ ò lì hwɛ hwatò wà eni mòndèŋge nà Yerzù Krirztò. À gbèyi ndi nanù, aŋga nanù irzɔ ì hwɛ wòtani ema ì rza ohva màtònà ò worzò wò ama Lohwɛ̀. Nà oma Lohwɛ̀ à jò lìŋgàni,

Ɛ̀hvìrzìyà 4:12

Krirztò à mà gbeyà ndi nanù aŋga nanù hwanu hwatò hwa rzèkeya hwatò hwa ama Lohwɛ̀, o lì gbeyà èwòlò ya ama Lohwɛ̀. A ma gbeyà ndi nanù, aŋga nanù hwatò ema hwa lòkɛ̀yi ema hwa gbèyi ndi na e nyo ya ama Krirztò hwe imbame.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Hvìlipìyà 3:16

Tɔ̀ e hwɛ ndi mamɛ, i hwɛni lì oŋgama hweyà ema i ma màa lì hwiya.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

1 Tɛ̀rzàlonìyà 5:15

È ɛnɛ hvɛ nanù ema tɔ̀ mɔ̀kɔ wa anyu a rzi timbirzɛ wòhwe e hwèlì tɛ nanù ema mòtò a mo gbeyànì wòhwe. Ndi e keke o ihvonda ja arzɛ o lì ahwɛnɛnɛ ŋmèma mo gbamù mɔ̀kɔ na ɔ̀nɛyi na o hwahvɛhvɛ hwatò.

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

1 Tìmotì 6:19

Hwatò hwa gbèyi tɛ nanù, e gbeyà ndi o a ɛnɛ oma hwa uti ndi mònàmɛ̀ mo awu o ŋmanyu yà lohwà. Ène e hwɛ ndi nàa mɔ̀nɔ̀ŋgɔ̀ ema mo eti, o lì ètìrzɛ̀ kɔ̀yi-kɔ̀yi hweyà ema hwe o jɛ̀ɛ̀ o worzo. Àŋga nanù wɔ̀ hwa o luwa lòŋgɛ la jɔ̀kɛ̀ la kɔ̀yi-kɔ̀yi.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

Hibrù 12:23

Inyɔ̀hvɛ e ma jà ndi o la arzàŋganɛ la hwàànà hwa worzò hwa ama Lohwɛ̀, wɔ̀ ema mìinà ma awu ma tìlahwì o ŋmanyu yà lohwà. È ma jà o ma Lohwɛ̀ ema mɔ̀ ndi à hwèlì e mòkayìrzèlì wa hwatò hwa arzɛ. Inyɔ e ma jà o ìtììtènì ja hwèlìŋgɛ̀ hwe hwatò hwa ehve-ehve ema Lohwɛ̀ a emelì.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

Jèmìrzì 3:2

Irzɔ hwa arzɛ i yɔ̀ki lì gbeyà màtona o jòòhwì. È mòtò ema a rza gbeyà tɔ̀ lìtona a hwèlì ndi mòtò ema a tɛmi ehve-ehve a tànɛyi hvɛ lì kànèyà e nyo ya eni ya arzɛ aŋga nanù a rza gbeyà lìtona.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.