Hvìlipìyà 3:11 - Mokpwe: Bakwery (New Testament)

¹¹ Nà àhvìtɛ̀ nanù ema hwene hweyà hwe arzɛ hwe o gbèyɛ̀nɛ aŋga nanù Lohwɛ̀ a o no hvùmùlɛ o mburza ya e kpelì ya ami.

Hvìlipìyà 3:11 Mawu Ofanana

Lukàrzɛ̀ 14:14

O gbèyi tɛ nanù, aŋga ndi Lohwɛ̀ a ò nàmìrzɛ̀, èhwanja hwaŋga hwatò hwa rzà tanɛ ò lì ò lɛ̀ɛ̀. È hvònda hwatò hwa gbamù hwa ò hvùmùwɛ, Lohwɛ̀ a ò rzaweyà.”

Yòwanìrzɛ̀ 11:24

Mata rzìi a mò alàhwɛ̀ nanù ema, “A ò hvùmùwà hvɛ e hvònda hwanɛ̀yi hwa arzɛ hwa ò hvùmùwɛ̀ ò wùnyà wò lìrzukù.”

Hwègbèèlì 23:6

Nà òma Pàwolò à mà ayèmbɛ nanù ema lòŋgò la hwaŋga hwatò hwa eŋge ŋgindi hwà mà hwɛ ndi hwatò hwa ehvehva ya Rzàdùrzì ndèŋgànà hwànɛ̀yi hvɛ Ihvàlìrzàyì, mɔ̀ à mà kàrzɛ lìlò la eni rzi a òhweyà hwatò hwa lìkànèyà la mbòwa nanù ema, “Ìi wònyànyàŋgò wa ami hwa wònyà Yudà kòkò! Nà hwèlì ndi hvàlìrzàyì, ndèŋganɛlɛ na hwèlì ndi e ŋmanà wa mòtò ema a hwèlì ò ehvehva ya Hvàlìrzàyì. Nà hwèlì ndi ò hwèkàyìrzèlèlì anu ehwànja na lòkɛ̀yi nanù ema Lohwɛ̀ a ò hvùmùlɛ hwatò ema hwà mà ŋwɛɛ ò lòŋgɛ.”

Hwègbèèlì 26:7

Ène eyà ndi lìyòmɛ̀ la matumba nà mà hwàkɛ ma arzu ma mà àhvìtɛ̀ nanù ema mà luwa na òma hwa kànɛ Lohwɛ̀ ŋmerze na wuu. Ìi Kiŋgɛ kòkò, ndi lìni lì àhvìtɛ̀ lɔ̀ ndi lì gbèyi ema hwatò hwa wònyà Yudà hwa òhwa hweyà hwe wòhwe ò lì nò teŋgɛ̀nɛ̀.

Hwègbèèlì 27:12

Èŋge èki ema melì me ŋmànja me ma hwɛ e rzi hwɛ ndi èki ema hwatò hwà mà kànɛyi lì hwɛ e hvònda ema e mbɛ̀hvɛ̀nì e uŋgɛlɛ. O eŋgànɛ̀lɛ̀ rzɔ̀, hwatò ema hwà mà kòka hwà mà hwɛ ndi hwaŋga ema hwà mà lìŋgàna nanù ema hwa ɛ̀ndɛ̀nɛ̀ ndi yɔ̀ndɔ ò wòrzò ò lì keka lì uka ò e mbòwa ndɛnɛ ya Hvɔ̀nìrzì. Hvɔ̀nìrzì à mà hwɛ ndi èki ema hwà mà hwɛ lì rzɛ̀lɛ melì me ŋmànja ò erzòòkà ya Klɛ̀tì. Klɛ̀tì ema à mà hwɛ lì ɔ̀ŋgɔ e rzàawà ya lɛlu na e ya mbɛ̀ŋgɛ. Aŋga ndi hwà mà tànɛyi lì lìya ò e hvònda ya yùulùlì ndɛnɛ.

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

1 Kɔ̀rintìyà 15:23

Ndi tɔ̀ ima mòtò a hvùmùlɛ̀hwɛ ndi o e ya eni hvonda. Krirztò ema a hwèlì e wa worzò o lì hvùmùwà, e hvonda ema a o jɛ̀ɛ̀ hvɛ hwaŋga hwatò ema hwa hwèlì e hwa eni, wɔhvɛ hwa hvùmùwà.

1 Kɔ̀rintìyà 9:22

Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.

1 Kɔ̀rintìyà 9:27

Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

1 Tɛ̀rzàlonìyà 3:5

Litiŋga lìiŋgi ema lì ma gbeyà ɔndèŋgàtɛ̀ nà mà oma Tìmòtì. Nà oma na rzi tanɛ hvɛ lì alɛ̀mbɛ nà mà mo òma o lì jà lì arzirzɛ nɛ lìlòkɛ̀ la anyu lì hwèlì. Nà ma gbeyà ndi ene eyà nanù ehwànja, nà mà oka wɔ̀ŋgɔ̀ nanù ema, e mɔ̀ ema a gbèeyà hwatò hwa unda o tenì ya màkèkìrzɛ̀nɛ̀, a tanɛ lì e gbèeyà inyɔ e unda o tenì ya màkèkìrzɛ̀nɛ̀. Ndeŋgànɛ̀lɛ̀ o nanù ema èwòlò ya arzɛ ya ŋginyà ema irzɔ i ma gbèèyɛ̀, e tanɛ e ma timba ndi èwòlò ya ŋgundu.

2 Tɛ̀rzàlonìyà 2:3

È rzi keka lì emeyà nanù ema tɔ̀ mòtò a e lukɛlɛ na tɔ̀ ima hveyo. Èhwànja o Wùùnyà ema Rzàŋgo à ò jɛ̀ɛ̀, mɔ̀ à rza o jà natɛ̀ɛ e hvonda ema o ò hwɛ̀ɛ mbunàkɛ ndɛnɛ o rze ya mɔ̀nyɛ̀, ndèŋgànɛlɛ e mòtò ema a hwèlì e mòtò wà wòhwe a o ɛneya. Lohwɛ̀ mɔ̀ à mà màa lì tɛ̀yirzɛ nanù ema oŋgo mòtò a o ɛndɛ o ɛhvɔ̀ndi ya mùnya.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Hibrù 11:35

Lìlòkɛ̀ la lòŋgo la hwalanà lɔ ndi lì ma hwa gbeyà o lì ɛnɛ hwatò hwa awu ema hwà mà ŋwɛɛ o lì timba o lì hwɛ o lòŋgɛ. Ndi hwahvɛhvɛ hwatò hwà mà gbiyahwa natɛ̀ɛ hwa ŋwa. Wɔ̀ hwà mà rzɔ̀rzɔ̀ o lì rzɔ̀rzɔ̀ Lohwɛ̀ aŋga nanù hwa hwà hwɛmɛ. Wɔ̀ hwà mà gbeyà ndi nanù èhwanja hwà mà hwiya ema hwa hvùmù tɛ hwa o luwa lòŋgɛ la gbamù lì aka e lɔ ema lì hwèlì o rze.

Hwèwulùwèlì 20:5

Hwanɛ̀yi hwa arzɛ ema hwà mà ŋwa hwa rzi timbe o lòŋgɛ natɛ̀ɛ ikolì ja meya i ma aka. Hwehvùmuwelì hwe kpelì hwe worzò hwe ene.