Hvìlipìyà 3:10 - Mokpwe: Bakwery (New Testament)

¹⁰ Nà arza lì hwiya Krirztò na o lì hwɛnɛ màyìmbi ema mɔ̀ à mà hwɛnɛ o hwehvùmuwelì hwe eni. Nà lìŋgàni nanù ema na luwe mètàkà ŋgànà hvɔ̀kɔ mɛnɛ na oma mɔ̀ hvɛ à mà me luwe. Ndeŋgànɛ̀lɛ̀ na lìŋgàni nanù ema na luwe mètàkà na oma mɔ̀ hvɛ à mà me luwe, natɛ̀ɛ hwa no oŋwe na oma hwà mà mo oŋwe mɔ̀ hvɛ.

Hvìlipìyà 3:10 Mawu Ofanana

Matiyò 20:23

Yerzù rzi à hwa òhweyà nanù ema, “Ò jɔ̀kɛ̀ e ò àjùlɛ̀, ndi imba na rza òhvi e wònja ò lì hvɔ̀rzɔ̀ e mòtò ema a ò lìyà ò lìya lì ami la mòmɛ̀ tɔ̀ ò e lɔ la ŋmalì. Hwenè hwèlìyelì hwe hwɛnɛhwi ndi na hwaŋga hwatò ema Tatɛ̀ wa ami à mà hwe rzèkeya.”

Yòwanìrzɛ̀ 10:18

Tɔ̀ mòtò a rza tànɛyi lì nò wòwàna lòŋgɛ la ami. Imba na lì wɔ̀lɛ̀nɛ̀ ndi ò hwèlìŋgànèlì hwe ami. Nà òhvi hvɛ lìkànèyà ò lì ŋgbà lòŋgɛ la ami ndèŋgàna ò lì li wòwa hvɛ. Èya ene ema Tatɛ̀ a nò òhwèlì ema na gbeeye.”

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

Ròmànì 8:29

Lohwɛ̀ mɔ̀ à màa lì tɛ̀yirzɛ nanù ema hwatò ema à mà lòme lì hvɔ̀rzɔ̀, ɛ̀ɛ̀mɛ̀ ya awu e ò hwɛ ndi nàa e ya ama è Ŋmanà wà eni aŋga nanù òŋgò Ŋmanà à ò hwɛ ndi è Ŋmanà wà wòrzò ò ìtììtènì ja ama wònyanyàŋgò wa eni.

Ròmànì 8:36

Nà òma è kààtì yà Lohwà è òhwi nanù ema, “Hwatò hwa hwèlì hwa jò òŋwa hvònda tɛ ò nyòla inyɔ. Hwa jò ɛnɛ ndi nàa mɛ̀lɛ̀ŋgù ema mè timbawi ò lì òŋwahwa.”

2 Kɔ̀rintìyà 1:10

Tɔ̀ nɛ i mà kombɛ̀nɛ̀ è kpelì, Lohwɛ̀ à mà jo rzùŋga. I hwèlì tɛ o ndùtù, à jò rzùŋga ndi nanù mɛnɛ. Lìhvìta là arzu lì hwèlì ndi ema Lohwɛ̀ à ò jò rzùŋga hvɛ i hvonda ja arzɛ, i hwèlì tɛ ò ndùtù.

2 Kɔ̀rintìyà 1:5

È hwìyè nanù ema nà omà Krirztò à mà luwe mètàkà, nanù ndi irzɔ hvɛ i taka o nyòla yà eni, o èŋgànɛ̀lɛ̀ nà oma i hwèlì nà Yerzù Krirztò, Lohwà à jo ètìrzɛ̀ mèèmà me arzu gbamù-gbamù.

2 Kɔ̀rintìyà 13:4

È hwèlì ndi e jɔ̀kɛ̀ nanù ema Krirztò nàa mòtò wa hwènàmà a rzi hwɛnɛ ŋginyà e hvonda ema hwà mà no wòmeyà o mbarza. Ndi tɔ̀ nanù a hwèlì lòŋgɛ o nàŋgɛ, ndi tɔ̀ na oma a hwèlì lòŋgɛ nanù, èhwanja Lohwɛ̀ à mà gbeyàna e ŋginyà ya eni o lì mo timbirzɛhwɛ o lòŋgɛ. Nà oma i hwèlì ndi mɔ̀kɔ na Krirztò, irzɔ hvɛ nàa hwatò hwa hwènàmà i rza imbami. Ndi irzɔ hvɛ jo ò hwɛ o lòŋgɛ na Krirztò o ŋginyà ya ama Lohwɛ̀, ndèŋgànɛlɛ jo ò e gbeyà hweyà hwe arzɛ ema i hwɛni lì e gbèeyà.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Gàletìyà 6:17

O lì umba ene kààtì, na e ohweyà nanù ema, tɔ̀ mòtò a rzi no tàkìrzɛ̀nɛ hwene hweyà, èhwanja na ohvi hwetɛndɛ anu nyo ya ami, ema hwe uŋmɛ̀lɛ̀ nanù ema imba na gbèeyà ndi Yerzù.

Ɛ̀hvìrzìyà 4:13

Ène e o hwɛ natɛ̀ɛ na e hvonda ema irzɔ hwa arzɛ jo ò hwɛ mòtò mɔ̀kɔ ndèŋgàna na oma i lòkɛ̀ è Ŋmanà wà munyanà wa ama Lohwɛ̀ jo ò mo hwiya. I hwèlì tɛ nanù, e jo gbeyà jo ò hwɛ hwatò ema hwà mà oŋwɛ o ma i ma hwɛ nàa Krirztò ema a mo òŋwɛ.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

Kòlòrzìyà 2:13

Ò mòlòmɛ̀ inyɔ è mà hwɛ ndi nàa ò à ɛnɛ ema è mà ŋwa, ehwànja è mà hwɛ lì unda è mbenda yà ama Lohwɛ̀. Ndèŋgàna ò eŋge hvonda, ema Krirztò à è ulɛ̀ ɛ̀ɛ̀mɛ̀ ya anyu yà wòhwe ò nyo. Ndi ò nàŋgɛ Lohwɛ̀ à mà è ŋgba lòŋgɛ lì hvènya nàa oma à mà jò hvùmùlɛ̀ nà Krirztò. À mà jò làkìrzɛ wòhwe wò arzu wò arzɛ.

Kòlòrzìyà 3:1

È hwèlì ndi nàŋgɛ nàa, Lohwɛ̀ à hvùmùlɛ̀ Krirztò, à mà è hvùmùlɛ̀ inyɔ hvɛ. Ò eŋgànɛlɛ rzɔ, è hwɛnɛ è nyɔ̀ŋgi yà hwèèmà hwe è ŋmanyu yà lohwà, èki ema Krirztò à hwèlì à kànèyà ò lìya là momɛ̀ yà ama Lohwɛ̀.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

2 Pètrò 1:13

Nà ɛnɛ nanù ema o naŋgɛ ema na hwèlì lòŋgɛ, o lɔ̀wu nanù ema na e ɔ̀ŋgɛ̀lɛ̀nɛ hwene hweyà ihvonda ja arzɛ aŋga nanù na e hwèmìrzɛ̀ màlùtèyà ma anyu.

1 Yòwanìrzɛ̀ 2:3

È hwèlì tɛ nanù ema irzɔ jè ika imbenda jà ama Lohwɛ̀, ò jɔ̀kɛ̀ ì mò hwi.

1 Yòwanìrzɛ̀ 2:5

Tɔ̀ njɛnɛ ema à gbeyà mamɛ ema eyà yà ama Lohwɛ̀ è ohwa, à uŋmɛ̀lɛ̀ nà è jɔ̀kɛ̀ nanù ema à mò lìŋgàni kɔ̀yi-kɔ̀yi. Nànù ndi irzɔ ì tànɛyi lì hwiya kɔ̀yi-kɔ̀yi nanù ema ì hwèlì nà Lohwɛ̀.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.