Hvìlipìyà 2:8 - Mokpwe: Bakwery (New Testament)

⁸ È hvonda ema à mà hwɛ nàa e mòtò wa hwènàmà, à mà arzihwirzɛ mɔ̀ ŋmìti, ndèŋgànɛ̀lɛ̀ à mà emeyà o lì ŋwa. A ma emeyà o lì ŋwèeyà o mbàrza,

Hvìlipìyà 2:8 Mawu Ofanana

Matiyò 17:2

Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Matiyò 26:39

Yerzù à mà tòmba ŋmanà hvòkà teŋyi, rzìi à ahvimbɛ nà lùùŋgà ò rze, rzìi à kanɛ̀ nanù ema, “Ìi Tatà wà ami, è hwèlì tɛ ema è tànɛyi tɛ lì gbèyɛ̀nɛ, ò nò ulɛ̀ ò tenì yà mònò mòtàkà. Ndi tɔ̀ nanù gbeyà ndi mamɛ è ò lɔ̀ɔ̀nì ndi rzeketɛ nà òma imba nà àrzeyà.”

Matiyò 26:42

Yerzù a tìmba hvɛ ò lì kanɛ̀ rzìi a òhwa nanù ema, “Ìi Tatà wa ami, e hwèlì tɛ ema ò rza tanɛ lì nò wòwàna mònò muna mò mòtàkà ema na rzi mò hwanɛ inyɛ lì emeyà lì aŋgɔ̀ lì gbèyɛ̀nɛ.”

Lukàrzɛ̀ 9:29

Nà òmà a mà hwɛ lì kanɛ̀, wòrzò wa eni wò mà ayèŋgòwɛ̀. Mòŋgòmbè mò eni hvɛ mò mà ayèŋgòwɛ̀ mbɔmi yà ŋmàye mò rzɛ̀ŋgɛ-rzɛ̀ŋgɛ.

Yòwanìrzɛ̀ 10:18

Tɔ̀ mòtò a rza tànɛyi lì nò wòwàna lòŋgɛ la ami. Imba na lì wɔ̀lɛ̀nɛ̀ ndi ò hwèlìŋgànèlì hwe ami. Nà òhvi hvɛ lìkànèyà ò lì ŋgbà lòŋgɛ la ami ndèŋgàna ò lì li wòwa hvɛ. Èya ene ema Tatɛ̀ a nò òhwèlì ema na gbeeye.”

Yòwanìrzɛ̀ 14:31

Ndi e rze, e hwɛnì lì hwiya ema na lìŋgàni Tatɛ̀ wa ami, ɔ̀ndeŋgàtɛ̀ na hwɛnì ndi lì gbeyà mamɛ ya arzɛ e ma Tatɛ̀ wa ami à mà nò kànèyà ema na gbeye. “È je ja anjiye anù naŋgɛ.

Yòwanìrzɛ̀ 15:10

È ikayi tɛ imbenda ja ami, aŋga ndi na e lìŋgàna nanù mɛnɛ. Nànù ndi imba hvɛ na hweyàni imbenda ja ama Tatà wa ami ndèŋgàna a nò lìŋgàni nanù mɛnɛ.

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Hwègbèèlì 8:33

“Mɔ̀ à mà enyìrzɛ̀hwɛ, ndèŋgàna hwà mà mò hvɔ̀ɔ̀tɔnɔ e wònja ya eni. Njɛnɛ a tànɛyi ò lì òhwa lì hvòmɛ̀nɛ̀ e nyɔ̀ŋgɔ̀ni ya eni, na òma lòŋgɛ la eni lì ma ulɛhwɛyi ò rze ya mɔ̀nyɛ̀.”

Ròmànì 5:19

Nà òma Adàmu a rzi hweyàna Lohwɛ̀, e ma gbeyà tɔ̀ ima mòtò ò lì hwɛ mòtò wa wòhwe. Mòlandakò mɔ̀kɔ hvɛ mɛnɛ ema lì hweyànà là ehvòwa mòtò Yerzù Krirztò lì ma gbeye hwatò hwa arzɛ ò lì emeyàlɛ̀hwɛ̀ ò wòrzò wò ama Lohwɛ̀.

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 12:4

È njuma ema e ana o lì jànà wòhwè o lìrzùkù, e rzi uka lìmɛni ema hwa tànɛyi lì e oŋwa.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.