Hvìlipìyà 2:30 - Mokpwe: Bakwery (New Testament)

³⁰ È mo ŋgbe èluhwe ehwànja mɔ̀ à mà arza lì ŋwa, ndèŋgànɛ̀lɛ̀ a hvànji e kpelì, ehwànja a gbèeyà Krirztò. A ma gbeyà ndi nanù aŋga nanù a o no oŋgòhwànà o lì gbeyà èwòlò ema inyɔ hwiti e rzi tanɛ lì gbeyà.

Hvìlipìyà 2:30 Mawu Ofanana

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Ròmànì 16:4

Wɔ̀ hwà mà emeyà ò lì nò ŋwèeyà. Nà hwa èki. Rzeketɛ imba mbiti mɛnɛ ndi na hwa eka, ndi ŋmèmba mò arzɛ mò hwatò ema hwa rza enje wònyà Yudà, mɔ̀ hvɛ mò hwa eka.

1 Kɔ̀rintìyà 15:53

È nyo ema e rzɔ̀mbɔ̀ e o jà e nyo ema e rza rzɔ̀mbɔ̀ hvɛ, ndèŋgàna i nyo ema e o ŋwɛɛ, e o jà lì hwɛ e nyo ema e rza o ŋwaa hvɛ.

1 Kɔ̀rintìyà 16:10

Tìmòtì a e jèlɛlɛ tɛ, e mo àŋgoweyà kɔ̀yi-kɔ̀yi èhwanja èwòlò ema a gbeyà Rzàŋgo yɔ ndi imba hvɛ na gbeyà.

1 Kɔ̀rintìyà 16:17

Nà oki mɔ̀nyɛ̀ŋgì na hwèjèelì hwe ama Rztɛ̀hvànàrzì Hvɔ̀tùnàtùrzì na Akàyìkùrzì. Wɔ̀ hwa jèelì èhwanja wɔ̀ ndi hwa àŋgàmɛ̀nɛ̀ lì gbeyà èwòlò ema inyɔ e hwɛnì lì gbeyà.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 4:12

O èŋgànɛ̀lɛ̀ irzɔ i emelì o lì ŋwa aŋga nanù inyɔ, e luwa lòŋgɛ la gbìndèyà.

Hvìlipìyà 2:17

Nà o hwɛ ndi nàa mohvo mo mimba emà mà rzɔ̀lɛhwɛ o nyòla èwòlò ema inyɔ e gbeyà, nàa jàhwèyà o nyòla lìlòkɛ̀ ema inyɔ e hwɛni. Nà tànɛyi lì taka tɔ lì ŋwa ehwànja na ohwa ŋmɛ̀ndì mò gbamù ŋgànà hvɔ̀kɔ na oma inyɔ hvɛ e hwèlì e tàkàà ehwànja e mo lòkɛ̀. Ndi na hwèlì na lìŋgà na lì e okana inyɔ hwa arzɛ mɔ̀nyɛ̀ŋgi.

Hvìlipìyà 2:27

Nà e jɔ̀kɛ̀ a mà ɔ̀kirzɛ̀ natɛ̀ɛ à mà hvɛ lì ŋwa. Ndi Lohwɛ̀ à mà mo òkeya ììlì rzeketɛ mɔ̀ mɛnɛ, ndi na imba hvɛ. Lohwɛ̀ a rzi emeyà nanù ema a ŋwe aŋga nanù, imba hvɛ na rza o hwɛnɛ ndùtù.

Hvìlipìyà 4:10

Nà ohvi màlìŋgo rzayi-rzayi na oma imba na hwèlì e mòtò wa ama e Rzàŋgo. Èhwànja o lìrzùkù inyɔ e ma uŋmɛ̀lɛ̀ nanù ema e no ɔŋgeya. Nà hwi nanù ema e ohvi màlùtèyà ma lì no ɔŋgeya o ihvonda ja arzɛ, ndi e rzi hwɛnɛ tɔ̀ ehvolo ò lì gbeyà nanù.

Hvìlipìyà 4:18

O nàŋgɛ rzɔ, nà mà luwa hwèèmà hwe arzɛ ema e ma no òmeya ndeŋgànɛlɛ na hwe lu hvèyi lì aka tɔ̀ nanù. Èpàhvrɔ̀dìtùrzì à mà no jàneya hwèèmà ema e ma no òmeya. È gbèyi ndi nàa o a ɛnɛ oma inyɔ e ŋgbelì ndi Lohwɛ̀ màhwèyà emà mà ohvi erzunju ya gbamù. Lohwɛ̀ à mà luwa iŋgi jàhwèyà ndèŋgànɛ̀lɛ̀ i mo lìŋgirzɛ.

Hvìlɛ̀mɔ̀nì 1:13

Nà mà lìŋgàna nanù ema à hwɛ ndi nà imba, aŋga nanù à nò òŋgòwànà ò lì hwɛ ò èki yà aŋgɔ nàŋgɛ ema imba nà hwèlì anu hwèwòwà ò lìnà là ŋmɛ̀ndì mò gbamù.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.