Hvìlipìyà 2:28 - Mokpwe: Bakwery (New Testament)

²⁸ Nà hwɛni nyɔ̀ŋgi ndɛnɛ o lì e omeya e mɔ̀ àŋga nanù inyɔ e mo ɛni hvɛ tɛ, e oka mɔ̀nyɛ̀ŋgì ndèŋgànɛ̀lɛ̀ imba hvɛ na rza o ohva metàkìrzɛ̀nɛ o lì e hvomɛ̀nɛ̀.

Hvìlipìyà 2:28 Mawu Ofanana

Yòwanìrzɛ̀ 16:22

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu.

Hwègbèèlì 20:38

Mamɛ ema e ma hwa lɛmbirzɛ ndùtù rzayi-rzayi, e ma hwɛ ndi e mbɔrzi ema Pàwolò à mà òhwe nanù ema, wɔ hwa rza ò mò ɛnɛ hvɛ. O eŋgànɛ̀lɛ̀ rzɔ hwà mà ɛndɛ ò lì mò lìyɛlɛ ò lì kpèeyà ò melì me ŋmànja.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

Hvìlipìyà 2:29

O eŋgànɛlɛ rzɔ, e mo kàrzɛ na màlìŋgo ehwànja e lòkɛ̀yì e Rzàŋgo na oma mɔ̀ ŋmìti a mo lòkɛ̀yi. È mo ŋgbe èluhwe na oma e ŋgbàà hwatò.

2 Tìmotì 1:4

Nà ɔ̀ŋgɛ̀lɛ̀yi tɛ nà oma ò mà hwɛ rzɔ̀lùù nà lì eyà, nà hwɛni nyɔ̀ŋgi rzayi-rzayi ò lì ò ɛnɛ, aŋga nanù nà oka mɔ̀nyɛ̀ŋgì rzayi-rzayi.