Hvìlipìyà 2:26 - Mokpwe: Bakwery (New Testament)

²⁶ A hwɛni e nyɔ̀ŋgi o lì e ɛnɛ inyɔ hwa arzɛ, ndèŋgànɛ̀lɛ̀ à mà kpa ŋmèma na oma mɔ̀ à mà hweye nanù ema inyɔ e ma hweyà nanù ema mɔ̀ à mà ɔ̀kirzɛ.

Hvìlipìyà 2:26 Mawu Ofanana

Matiyò 11:28

“È je na imba, inyɔ hwatò hwa arzɛ ema e ma ɔ̀tɔ̀ ò lì hwanɛ̀ miyuna ema me lìti, na e ŋgbà lì arziyòlɛ.

Matiyò 26:37

Yerzù à mà wòwa Pètrò nà hwàànà hwa wunyanà hwa ama Rzɛ̀bɛ̀dì hwahwàkɛ. A ma ònda ndùtù na mòtaka ò ŋmèma.

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”

Ròmànì 1:11

Nà hwɛni nyɔ̀ŋgi rzayi-rzayi ò lì è ɛnɛ aŋga nanù nà uki tɛ, nà è embɛ nà jàhwèyà ema èlìŋgɛ̀ yà Lohwɛ̀ è mà nò ŋgbɛ.

Ròmànì 12:15

È òke mɔ̀nyɛ̀ŋgì na hwaŋga hwatò ema hwa hwèlì hwa òka mɔ̀nyɛ̀ŋgì. È ɛhwɛ na hwaŋga hwatò ema hwa ɛhwɛ.

Ròmànì 9:2

Nà òhvi ndùtù ya ŋginyà na mòtaka mò ŋginyà ò ŋmèma mò ami,

1 Kɔ̀rintìyà 12:26

Ènàmà yɔ̀kɔ ya nyo e tàkà tɛ hwenɛyi hwènàmà hwe arzɛ hvɛ hwe tàkà na yɔ, Ènàmà yɔ̀kɔ e ekàhwì tɛ hwe nɛyi hwe arzɛ hvɛ hwe hwɛ ndi o mɔ̀nyɛ̀ŋgì na yɔ.

2 Kɔ̀rintìyà 9:14

Hwa okelì o lì e ɛnɛ, ndèŋgànɛlɛ hvɛ hwa e kanɛ̀lɛ̀lɛ̀ èhwanja e ndèli ya ama Lohwɛ̀ e hwèlì na inyɔ. Èŋge ndèli e olo rzayi-rzayi.

Gàletìyà 6:2

È a oŋgowanɛ mɔ̀kɔ na ɔnɛ̀yi o lì anjiya o tenì ya ndùtù. È gbèyi tɛ nanù, o ma e ma ika imbenda ja ama Krirztò.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Hvìlipìyà 1:3

Nà èki Lohwɛ̀ ema imba nà gbèeyà, tɔ̀ ima hvonda nà è ɔ̀ŋgɛ̀lɛ̀ tɛ.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

Hvìlipìyà 2:25

Ndi nà mà kulɛ nanù ema o lɔ̀wu nanù ema imba na e omeya ŋmanyàŋgò wa arzu Èpàhvrɔ̀dìtùrzì. A mà gbeyà èwòlò ya ama Krirztò na imba, ndèŋgànɛ̀lɛ̀ à mà oŋgowàna o lì teŋgɛ̀nɛ̀ hwatò ema hwa anana ŋmɛ̀ndì mò gbamù. Ndeŋgànɛ̀lɛ̀ mɔ̀ ndi à hwèlì nàa e rzùwɛlɛ̀ ema inyɔ e ma òme o lì no oŋgowàna.

Hvìlipìyà 2:27

Nà e jɔ̀kɛ̀ a mà ɔ̀kirzɛ̀ natɛ̀ɛ à mà hvɛ lì ŋwa. Ndi Lohwɛ̀ à mà mo òkeya ììlì rzeketɛ mɔ̀ mɛnɛ, ndi na imba hvɛ. Lohwɛ̀ a rzi emeyà nanù ema a ŋwe aŋga nanù, imba hvɛ na rza o hwɛnɛ ndùtù.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

1 Pètrò 1:6

Ène eyà ye e jàneya màlìŋgo rzayi-rzayi, tɔ̀ nɛ o ŋmanà hvoka hvonda inyɔ e hwɛni lì luwa nyayi na nyayi ja màkèkìrzɛnɛ.