Hvìlipìyà 2:20 - Mokpwe: Bakwery (New Testament)

²⁰ O rza enje tɔ̀ mòtò tɔ̀ mɔ̀kɔ anu na imba nàa Tìmòtì, a e ohvanelì nyɔ̀ŋgi ya gbamù lì hvomɛ̀nɛ̀ hwèlìyelì hwe anyu.

Hvìlipìyà 2:20 Mawu Ofanana

Yòwanìrzɛ̀ 10:13

È mògbèèlì a hwaŋga e ya eni, èhwanja a akàhwì ndi ò lì gbeyà èwòlò, rzeketɛ ema a hwɛni hvònda ya mèŋge mɛ̀lɛ̀ŋgù.”

Yòwanìrzɛ̀ 12:6

À rzìi òhwe ndi ene eyà èhwanja à mà lutaneya mèlìrza me hwatò gbamù, ndi èhwanja à mà hwɛ ndi ŋmìhwɛ̀. Mɔ̀ ndi à mà òhva lìyamba la wòlì, à mà hwɛ lì a òŋgòwanɛ mɔ̀ ŋmìti na wòŋgò wòlì.

Ròmànì 15:5

Inyɛ̀ Lohwɛ̀ ema a jò ŋgbà la àjùlɛ̀ na lì kɔ̀mɛ̀lɛ̀, a e òŋgòwane ò lì ahweyànɛ mɔ̀kɔ na ɔ̀nɛyi, na òma e òŋgama Yerzù Krirztò.

1 Kɔ̀rintìyà 16:10

Tìmòtì a e jèlɛlɛ tɛ, e mo àŋgoweyà kɔ̀yi-kɔ̀yi èhwanja èwòlò ema a gbeyà Rzàŋgo yɔ ndi imba hvɛ na gbeyà.

Hvìlipìyà 2:2

Mɔ̀nyɛ̀ŋgì mo ami mo o ondìrzɛ̀hwɛ, e hwèlì tɛ nanù ema e ohvi mɔ̀ŋgɛ̀lɛ mɔ̀kɔ, e awuŋmɛ̀lɛ̀nɛ tɛ mɔ̀kɔ na ɔnɛyi ndiŋgɛ, e ohvi tɛ ŋmèma mɔ̀kɔ ndèŋgànɛ̀lɛ̀ e hwɛ ndi nàa mòtò mɔ̀kɔ o tɔ̀ mamɛ ema e gbeyà.

Hvìlipìyà 2:22

Ndi inyɔ hwiti hvɛ e hwi na oma Tìmòtì à mà awuŋmɛ̀lɛ̀ nanù ema a tànɛyi lì lòkɛ̀hwɛ, ehwànja irzɔ na mɔ̀ i gbeeyɛnɛ èwòlò ya lì ohwa ŋmɛ̀ndì mò gbamù nàa ŋmanà na rzàŋgɛ.

Kòlòrzìyà 4:11

Yerzù, ema hwa hwɛlɛ ema Jùrzìtùrzì, mɔ̀ hvɛ a e omelì ikɔ̀mi. Hwanu hwatò hwaayɛ mɛnɛ ndi hwa hwèlì hwatò hwa wònyà Yudà ema hwa lòkɛ̀ Krirztò. Irzɔ na wɔ ndi i gbeyà èwòlò ya lì ohwa ŋmɛ̀ndì mò gbamù lì hvomɛ̀nɛ̀ lìkànèyà la ama Lohwɛ̀. Wɔ hwà mà no ètìrzɛ̀ ŋmèma mo ami rzàyi-rzàyi.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

1 Tìmotì 4:6

O òkolɛ tɛ hwatò ema hwa lòkɛ̀ Yerzù hwene hweyà, e hwɛ ndi nanù ema o hwɛ ndi mògbèèlì hwa gbamù hwa ama Yerzù Krirztò. O ètìrzɛ̀hwɛ o èlìŋgɛ̀ èhwanja o ŋmɛ̀ndì ema o lòkɛ̀yi, ndeŋgànɛ̀lɛ̀ hvɛ hwèyòkòwèlì hwe ama Lohwɛ̀ ema o nɔ̀ŋgɔ.

2 Tìmotì 1:5

Nà ɔ̀ŋgɛ̀lɛ̀ nanù ema ò mà lòkɛ Yerzù Krirztò nà è jɔ̀kɛ̀. Liŋgi lì lòkɛ̀ mɛnɛ ndi è mbamba yà aŋgɔ̀ wà molanà Lɔ̀yìrzì nà nyɔ̀ŋgɛ wà aŋgɔ̀ Yùnìrzì wɔ̀ hvɛ hwa mà hwɛnɛ. Nà lòkɛ̀ nanù ema ò nàŋgɛ nanù, lìŋgi lìlòkɛ̀ mɛnɛ ndi wà hvɛ ò hwɛni.

2 Tìmotì 3:10

Ndi o wa Tìmòtì o nɔŋgi gbamù hwèyòkòlèlì ema nà mà okolɛ hwatò, ndèŋgàna o nɔŋgi ɛ̀ɛ̀mɛ̀ ya ami, ndèŋgàna o òŋgami mamɛ ema na arza lì gbeyà o lòŋgɛ la ami. O hwi oma na lòkɛ̀yì Lohwɛ̀, o hwi lì àjùlɛ̀ la ami ndèŋgàna o hwi e ndìŋgɛ ya ami ema na uŋmɛ̀lɛ̀ hwatò. O hwi nɛ imba na kaki ŋmèma o ene èwòlò ema na gbeyà.