Hvìlipìyà 2:2 - Mokpwe: Bakwery (New Testament)

² Mɔ̀nyɛ̀ŋgì mo ami mo o ondìrzɛ̀hwɛ, e hwèlì tɛ nanù ema e ohvi mɔ̀ŋgɛ̀lɛ mɔ̀kɔ, e awuŋmɛ̀lɛ̀nɛ tɛ mɔ̀kɔ na ɔnɛyi ndiŋgɛ, e ohvi tɛ ŋmèma mɔ̀kɔ ndèŋgànɛ̀lɛ̀ e hwɛ ndi nàa mòtò mɔ̀kɔ o tɔ̀ mamɛ ema e gbeyà.

Hvìlipìyà 2:2 Mawu Ofanana

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

Hwègbèèlì 1:14

Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.

Hwègbèèlì 2:1

Nà òma e ndèma ema e hwɛ̀lɛ̀hwɛ̀ Pɛ̀ntìkɔ̀rzì e ma uke, hwalòkelì hwa ama Rzàŋgò hwà mà arzàŋgànɛ ò èki yɔ̀kɔ.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 5:12

I àpɔ̀rzìtòlò i ma gbeyà hweyà hwe mànyakà na hwembànèlì hwe rzayì-rzayì ò tenì ya hwatò. Hwàlòkèlì hwa arzɛ hwà mà hwɛ ndi lì taneya nàa mòtò mɔ̀kɔ ò ihvònda ja arzɛ ò marzɛrzɛ ma ama Rzòlòmɔ̀nì ò e ndawò yà Lohwà.

Ròmànì 12:16

È awòhwànɛ̀ wàna hvɔ̀kɔ mɔ̀kɔ na ɔ̀nɛyi. È rzi ayèkirzɛ̀. È hwɛ mbunda na hwatò ema hwa rza òhvɛ hwetɛmelì ema hwe kàrzamì. Inyɛ̀ tɔ̀ mòtò a rzi ɔ̀ŋgɛ̀lɛ̀ nanù ema mɔ̀ à hwɛni lìhwiyè rzayi-rzayi.

1 Kɔ̀rintìyà 1:10

Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 7:7

Rzeketɛ hwejèelì hwe eni mɛnɛ ndi hwe ma jo lìŋgìrzɛ, ndi lì kɔ̀mɛ̀lɛ̀ la eni lì ma jo òkirzɛ mɔ̀nyɛ̀ŋgì. Mɔ̀ à mà jo òhweyà nɛ inyɔ e lìŋgàni o lì no ɛnɛ, à mà no òhweyà hvɛ nɛ o ma hweye wòhwe o mèèmà me aŋgɔ̀ na oma o rzi no òkirzɛ mɔ̀nyɛ̀ŋgì. A ma no òhweyà hvɛ nɛ inyɔ e hwɛni mèèmà o lì no ikana ekohva. Nà oma Tàyìtùrzì à mà jo òhweyà hwene hweyà hwe arzɛ, nà mà oka mɔ̀nyɛ̀ŋgì rzayi-rzayi.

Hvìlipìyà 1:4

Nà oka mɔ̀nyɛ̀ŋgì tɔ̀ ima hvonda ema nà è kanɛ̀lɛ̀lɛ̀ inyɔ hwa arzɛ.

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

Hvìlipìyà 2:20

O rza enje tɔ̀ mòtò tɔ̀ mɔ̀kɔ anu na imba nàa Tìmòtì, a e ohvanelì nyɔ̀ŋgi ya gbamù lì hvomɛ̀nɛ̀ hwèlìyelì hwe anyu.

Hvìlipìyà 4:2

Yùdìyà na Rzìntìkɛ̀ na e atɛkɛ nanù ema e ahweyànɛlɛ, ehwànja inyɔ hwahwàkɛ e hwèlì ndi indomɛ ja arzu ema i lòkɛ̀ Rzàŋgo Yerzù.

Kòlòrzìyà 2:5

Tɔ nɛ na rza enje na inyɔ o nyo, na hwèlì na inyɔ o èlìŋgɛ̀. Tɔ nɛ imba na rza enje na inyɔ na ohvi mɔ̀nyɛ̀ŋgì nanù ema lì lòkɛ̀ la anyu o ma Krirztò lì imbami nanù mɛnɛ.

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

2 Tìmotì 1:4

Nà ɔ̀ŋgɛ̀lɛ̀yi tɛ nà oma ò mà hwɛ rzɔ̀lùù nà lì eyà, nà hwɛni nyɔ̀ŋgi rzayi-rzayi ò lì ò ɛnɛ, aŋga nanù nà oka mɔ̀nyɛ̀ŋgì rzayi-rzayi.

Hvìlɛ̀mɔ̀nì 1:20

Ò èŋgànɛ̀lɛ̀ rzɔ, ŋmanyàŋgò wà ami kòkò, nà ò rzòrzòmeyà ndi nanù ema ò nò òŋgòwànè ò lìnà là ama Rzàŋgo. Ò nò lìŋgìrzɛ̀ ò lìnà là ama Krirztò.

2 Yòwanìrzɛ̀ 1:4

Nà ma oka mɔ̀nyɛ̀ŋgì rzayi, o lì hwiya nanù ema lòŋgo la aŋgɔ la hwàna hwa lìya lòŋgɛ ema lì kànɛyi na e jɔ̀kɛ̀, na oma Lohwɛ̀ Tatɛ̀ wa arzu à mà jo kànèyà nanù ema i gbeye.

3 Yòwanìrzɛ̀ 1:4

O rza enje tɔ̀ eyà ema e no òkirzɛ mɔ̀nyɛ̀ŋgì lì aka tɛ ema imba na hweyà nanù ema hwàànà hwa ami hwa lìya o jɔ̀kɛ̀ na oma Lohwɛ̀ a arza nanù ema hwa lìye.