Hvìlipìyà 2:17 - Mokpwe: Bakwery (New Testament)

¹⁷ Nà o hwɛ ndi nàa mohvo mo mimba emà mà rzɔ̀lɛhwɛ o nyòla èwòlò ema inyɔ e gbeyà, nàa jàhwèyà o nyòla lìlòkɛ̀ ema inyɔ e hwɛni. Nà tànɛyi lì taka tɔ lì ŋwa ehwànja na ohwa ŋmɛ̀ndì mò gbamù ŋgànà hvɔ̀kɔ na oma inyɔ hvɛ e hwèlì e tàkàà ehwànja e mo lòkɛ̀. Ndi na hwèlì na lìŋgà na lì e okana inyɔ hwa arzɛ mɔ̀nyɛ̀ŋgi.

Hvìlipìyà 2:17 Mawu Ofanana

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 4:12

O èŋgànɛ̀lɛ̀ irzɔ i emelì o lì ŋwa aŋga nanù inyɔ, e luwa lòŋgɛ la gbìndèyà.

2 Kɔ̀rintìyà 6:10

I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

2 Kɔ̀rintìyà 7:4

Nà e hwɛnelì kumbà. Nà e kùmbelì e kòkò. È no ètìrzɛ̀ ŋmèma mo ami nyayi ema e no òkirzɛ mɔ̀nyɛ̀ŋgì rzayi-rzayi, tɔ̀ nɛ irzɔ i taka rzayi-rzayi.

Hvìlipìyà 1:20

Nà hwɛni e nyɔ̀ŋgi na màlìŋgo ma arzɛ, ndèŋgànɛ̀lɛ̀ na àhvìtɛ̀ nanù ema na rza o ohva irzɔ̀ni, ndi na o hwɛnɛ lì kɔ̀mɛ̀lɛhwɛ ihvonda ja arzɛ rzɛhvɔ̀ni o nàŋgɛ. Ène eyà e o gbèeyà nanù ema tɔ̀ mamɛ ema na gbeyà naŋgɛ, e o gbeyà èluhwe ya ama Krirztò e awuŋmɛ̀lɛ̀, tɔ̀ na hwɛ lòŋgɛ tɔ̀ na ŋwa.

Hvìlipìyà 2:18

O eŋgànɛlɛ inyɔ hvɛ e hwɛni lì lìŋgà na o lì no okànà mɔ̀nyɛ̀ŋgì.

Hvìlipìyà 2:30

È mo ŋgbe èluhwe ehwànja mɔ̀ à mà arza lì ŋwa, ndèŋgànɛ̀lɛ̀ a hvànji e kpelì, ehwànja a gbèeyà Krirztò. A ma gbeyà ndi nanù aŋga nanù a o no oŋgòhwànà o lì gbeyà èwòlò ema inyɔ hwiti e rzi tanɛ lì gbeyà.

Hvìlipìyà 4:18

O nàŋgɛ rzɔ, nà mà luwa hwèèmà hwe arzɛ ema e ma no òmeya ndeŋgànɛlɛ na hwe lu hvèyi lì aka tɔ̀ nanù. Èpàhvrɔ̀dìtùrzì à mà no jàneya hwèèmà ema e ma no òmeya. È gbèyi ndi nàa o a ɛnɛ oma inyɔ e ŋgbelì ndi Lohwɛ̀ màhwèyà emà mà ohvi erzunju ya gbamù. Lohwɛ̀ à mà luwa iŋgi jàhwèyà ndèŋgànɛ̀lɛ̀ i mo lìŋgirzɛ.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

1 Tɛ̀rzàlonìyà 2:8

Je e lìŋgàni rzàyi-rzàyi, rzeketɛ o lì e ohwa Ŋmɛ̀ndì mò Gbamù mo ama Lohwɛ̀ mɛnɛ, ndi o lì arza hvɛ hveyo ò lì e oŋgowàna ehwànja je e lìŋgàni rzayi-rzayi.

2 Tìmotì 4:6

O imba, lìrzako lì ma màa lì uka ema na hwɛni lì ŋgbàhwà nàa jàhwèyà, ndèŋgàna e hvonda e ma kombɛnɛ ema na hwɛni lì hwɛmɛ lìni lòŋgɛ.

1 Pètrò 2:5

Inyɔ e jèe e hwɛ ndi nàa màŋyàyi ema mà hwèlì lòŋgɛ ema Lohwɛ̀ a gbeyàna o lì oŋga e ndawò ya eni ya èlìŋgɛ̀. Ndeŋgànɛlɛ o tenì ya eŋge ndawò ɔndi inyɔ e o mo gbèeyà. È o hwɛ ndi pìlìrzì ja wòtani, ema e o mo ŋgbɛ màhwèyà ma wòtani ema mɔ̀ à o emeyà lì akeyà na Yerzù Krirztò.

1 Yòwanìrzɛ̀ 3:16

Nànù ndì ì hwìiyà mamɛ è ndìŋgɛ è hwèlì, è hwèlì ndi nanù ema Yerzù Krirztò mɔ̀ à mà ŋgba lòŋgɛ la eni o nyòla arzu. O èŋgànɛ̀lɛ̀ irzɔ hvɛ ja àŋgàmɛ̀nɛ̀yi lì ŋgba mòŋgɛ ma arzu o nyòla ya wònyànyàŋgo hwa arzu hwa Krirztò.