Hvìlipìyà 2:14 - Mokpwe: Bakwery (New Testament)

¹⁴ È gbeye hweyà hwe arzɛ e rzi hwɛ lì àyiŋgòwɛ̀ tɔ̀ o lì kɔɔ hvènda.

Hvìlipìyà 2:14 Mawu Ofanana

Matiyò 20:11

Nà òma hwaŋga ema hwà mà akɛlɛ lì akahwa ò èwòlò hwà mà luwe mòrzawèlì mò awu, hwa wòteyà lì arzarzòwɛ.

Makòrzì 14:5

Ò mà lìni lìyɔ̀ki lì àhwirzɛ̀hwɛ̀ wòlì rzayì-rzayì rzìi wòŋgò wòlì wò ŋgbààhwà mèlìrza mè hwatò.” Hwa mà kànja òŋgò mòlanà karzò-karzò.

Makòrzì 9:14

È hvònda hwa mà jèe lì ùŋmanɛ̀lɛ hwanɛ̀yi hwà-òkòwèlì rzìi hwa tàneyà ŋgìndì ndɛ̀nɛ̀ è hwa tòŋgì. Hwà-òkòlèlì hwa mbenda hwa mà hwɛ ò hvènda nà wɔ̀.

Lukàrzɛ̀ 5:30

Ìhvalìrzàyì nà hwà-òkòlèlì hwà awu hwa mbenda, hwa a tɔ̀kirzɛnɛ, rzi hwa wòteya lì ijòwa hwà-òkòwèlì hwà mà Yerzù nanù ema, “Mamɛ ndeŋgàtɛ inyɔ è làa, nà lì nyɔ nà hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa wòhwe e?”

Hwègbèèlì 15:2

Ène eyà e ma jàneyà Pàwolò na Bànàbàrzì hvenda ndɛnɛ natɛ̀ɛ wɔ hwà mà imanɛlɛ nanù ema Pàwolò, Bànàbàrzì na hwahvɛhvɛ hwatò hwa ɛndɛ ò Jèrurzalɛ̀mù, ò lì ɛndɛ lì ɛnɛ i àpɔ̀rzìtòlò na hwàtimbèlì hwa ŋmèmba lì hvòmɛ̀nɛ̀ ene eyà.

Hwègbèèlì 15:39

Ène ŋgàna e ma hwa jàneyà mbùnakɛ̀ ya ŋginyà ema e ma hwa kakòhwà. Bànàbàrzì rzi a wòwa Yòwanìrzɛ̀ Màkòrzì na mɔ̀, rzìi hwa ɛ̀ndɛ yɔ̀ndɔ̀ ya malìhwa ò lì aka yùulu rzìi hwa uka ò èkòmè ya Rzàyiprɔ̀rzì.

Hwègbèèlì 15:7

O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

Hwègbèèlì 6:1

O mburzà hvònda, na òma Mɔ̀rzɔ̀ŋgi mò hwàlòkèlì mò ma hwɛ lì òŋga, ò ma hwɛ lì arzarzòwɛ ò ìtììtènì ja wònyà Yudà ema hwà mà hwɛ lì òhwa e mbɔrzi ya Grìki na hwaŋga ema hwà mà òhwa e mbɔrzi ya e mbòwa. Hwàŋga ema hwà mà hwɛ lì òhwa e mbɔrzi ya Grìki, hwà mà hwɛ lì òhwa nanù ema, mekurze me awu me hwalana, me ndindahwa ò lì kàyi la wùnyà tɛ la wòlì.

Ròmànì 12:18

È keke e gbèye nanù ema e hwɛ ò ɛ̀yɔ̀lɛ̀ na hwatò hwa arzɛ.

Ròmànì 14:1

È emeyà hwatò hwa arzɛ ema lìlòkɛ̀ la awu lì ɔtɔ̀wù, e rzi keka lì tɔ̀wɔ na wɔ̀ lì hvòmɛ̀nɛ̀ hweŋge hweyà hwe arzɛ ema hwa lutelì nanù ema hwa àŋgàmɛ̀nɛ̀ lì gbeyà na hweŋge ema hwa rza àŋgàmɛ̀nɛ̀ ò lì gbeyà.

Ròmànì 16:17

Ìi wònyamòwè kòkò, nà è kòkòwɛ̀lɛ̀ nanù ema, è aŋgòhweya hwaŋga hwatò ema hwa jànà yùnànelì ò ìtììtènì ja anyu nà lì eŋgìrzɛ̀ hvɛ hwahvɛhvɛ hwatò. Wɔ̀ hwa teŋgɛ̀nɛ̀yi hwèyòkòlèlì ema è ma luwɛ. È rzi keka lì hwa òŋgama.

1 Kɔ̀rintìyà 10:10

Ì rzi keka lì àyiŋgòwɛ̀ nà omà lòŋgò la awu hwà mà gbèye rzìi Lohwɛ̀ a oma è aŋgèlì ya kpelì e ja lì kùwà lì hwa oŋwa.

2 Kɔ̀rintìyà 12:20

Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

Gàletìyà 5:15

Ndi e rza ahweyànɛlɛ tɛ rzi e anana mɔ̀kɔ na ɔ̀nɛyi o a ɛnɛ oma e hwèlì ndi nyàmà ja wàŋga e aŋgowe. È rza aŋgo tɛ nanù oma e hwɛni lì àwòŋwànɛ̀yì mɔ̀kɔ na ɔ̀nɛyi.

Gàletìyà 5:26

I rza hwɛni lì a ekirzɛ, i rza hwɛni lì ahvikowanɛ, tɔ̀ lì a ahwɛnɛnɛ inona.

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

1 Tɛ̀rzàlonìyà 5:13

È hwa wòŋgohwàne na èluhwe ndɛnɛ ndèŋgànɛ̀lɛ̀ e hwa uŋmɛ̀lɛ̀ e ndìŋgɛ o nyòla èwòlò ema hwa e gbèeyà. È lìya na ɛ̀yɔ̀lɛ̀ mɔ̀kɔ na ɔ̀nɛyi.

1 Tɛ̀rzàlonìyà 5:15

È ɛnɛ hvɛ nanù ema tɔ̀ mɔ̀kɔ wa anyu a rzi timbirzɛ wòhwe e hwèlì tɛ nanù ema mòtò a mo gbeyànì wòhwe. Ndi e keke o ihvonda ja arzɛ o lì ahwɛnɛnɛ ŋmèma mo gbamù mɔ̀kɔ na ɔ̀nɛyi na o hwahvɛhvɛ hwatò.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

Jèmìrzì 1:20

Hwetato hwe mòtò hwe mo gbeyà a rza gbeyà hweyà ema Lohwɛ̀ a arza nanù ema a gbeye.

Jèmìrzì 3:14

Ndi e ohvi tɛ inona ja wòhwe o tenì ya mèèmà me anyu, ndèŋgànɛlɛ e lùteyà ndi o inyɔ hwiti, e rzi gbeyàna lìhwiyè ema e hwɛni o lì gbeyà wòhwe o lì teŋgɛ̀nɛ̀ hwèyòkòlèlì hwe jɔ̀kɛ̀ o lì àyekìrzɛ.

Jèmìrzì 5:9

Ìi wònyamòwè kòkò, e rza arzàrzòwànɛ̀ mɔ̀kɔ na ɔ̀nɛyi e rzi jà lì hwɛ Lohwɛ̀ a ohwa nanù ema e hwèlì ndi hwatò hwa wòhwe. È hwiye nanù ema e mòkàyìrzèlì a e hwɛlɛlɛ̀yi ndi o toŋgoŋgo.

1 Pètrò 3:11

Inyɛ̀ mɔ̀ à hwɛmɛ o lì gbeyà wòhwe a à gbeyà ndi hweyà hwe gbaamù. A àŋgàmɛ̀nɛ̀yi lì keka lì hwɛ o ɛ̀yɔ̀lɛ̀ na hwatò hwa arzɛ.

1 Pètrò 4:9

È akàrzɛ̀nɛ̀yi mɔ̀kɔ na ɔ̀nɛyi e rzìi hwɛ lì àyèŋgòwɛ̀.

Judɛ 1:16

Hwanù hwatò hwa lìyelì ndi ò lì arzàrzòwɛ ndeŋgànɛlɛ hwa hwɛlɛ hwahvɛhvɛ hwatò. Hwa oŋgama è nyɔ̀ŋgì yà awu yà wòhwe, hwa à èkìrzɛ̀, nà lì ohwàna jɛ̀ɛ̀mɛ̀ ema ì tɛ̀ɛ̀ aŋga nanù hwa luwànà hwatò hwèèmà.