Hvìlipìyà 2:11 - Mokpwe: Bakwery (New Testament)

¹¹ Hwàto hwa arzɛ hwa o ohwa nanù ema Yerzù Krirztò ndi à hwèlì e Rzàŋgo. Aŋga nanù Lohwɛ̀ ema a hwèlì e Tatɛ̀ a o luwa èluhwe.

Hvìlipìyà 2:11 Mawu Ofanana

Matiyò 10:32

Tɔ̀ njɛnɛ ema a nò tɛ̀mèlì mbòŋgi ò màrzò ma hwatò hwa hwènàmà, imba hvɛ na mò tɛ̀meyà mbòŋgi ò wòrzò wa ama Tatɛ̀ wa ami ema a hwèlì ò ŋmanyu yà lohwà.

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Yòwanìrzɛ̀ 12:42

Tɔ̀ nɛ hwatò rzayì-rzayì nà tɔ̀ lòŋgò là hwàmbakì hwa hwatò hwa mà lòkɛ̀ Yerzù. Ndi nà òma hwa mà òke Ihvàlìrzàyì wɔ̀ŋgɔ̀ hwa rzi à uŋmɛ̀lɛ̀ wɔ̀ hwiti, ehwànja hwa mà òka wɔ̀ŋgɔ̀ ema hwa ò hvàyàhwa ò tenì yà è ndawò yà màkanɛ̀.

Yòwanìrzɛ̀ 13:13

Inyɔ e nò hwɛlɛ Mòòkòlèlì, na Rzàŋgò, ndèŋgàna e hvòmɛ̀nɛ̀yi, èhwanja nanù ndi imba na hwèlì.

Yòwanìrzɛ̀ 13:14

Nàŋgɛ ema imba è Rzàŋgò na e Mòòkòlèlì nà mà e rzòrza mataŋgà mà anyu, inyɔ hvɛ e hwɛni lì arzòrzanɛ mataŋgà mà anyu mɔ̀kɔ na ɔ̀nɛyi.

Yòwanìrzɛ̀ 14:13

Ndèŋgànɛ̀lɛ̀ hvɛ, imba na ò gbeyà tɔ̀ mamɛ ema ò ijò ò lìna lì ami, aŋga nanù Tatɛ̀ a ò luwa èluhwe lì akeyà è Ŋmanà wà Munyanà wa eni.

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

Yòwanìrzɛ̀ 17:1

Nà òma Yerzù à mà kulɛ lì òhwa hwenè hweyà, à mà ɔ̀ŋgɔ ò ŋmanyu yà lohwà rzìi a òhwa nanù ema, “Tatà e hvònda e ma ja, uŋmɛ̀lɛ̀ hwatò èluhwe ya ama è Ŋmanà wà aŋgɔ̀, aŋga nanù è Ŋmanà wà aŋgɔ̀ mɔ̀ hvɛ a ò uŋmɛ̀lɛ̀ èluhwe.

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

Ròmànì 14:11

È tìlahwì ò e kààtì ya Lohwà nanù ema, “Lohwɛ̀ a òhwi nanù ema, ò tɛ̀ɛ̀tɛ̀ɛ na òma imba na hwèlì lòŋgɛ, tɔ̀ ima mòtò a hwɛni lì nò rzumeya mawɔ̀ŋgɔ̀ŋgɔ ma eni ò rze, ndèŋgàna tɔ̀ ima mòtò a hwɛni lì nò eka nanù ema imba ndi na hwèlì Lohwɛ̀.”

Ròmànì 14:9

Lìtìŋga ndèŋgàtɛ̀ Krirztò à mà ŋwa, rzi a hvùmùwà, rzi a hwɛ ò lòŋgɛ, aŋga nanù mɔ̀ à hwɛ e Rzàŋgò ya hwatò ema hwà mà ŋwɛɛ na hwatò ema hwa hwèlì lòŋgɛ.

Ròmànì 15:9

A ma jà aŋga nanù, hwatò ema hwa rza enje wònyà Yudà hwa ò ŋgba Lohwɛ̀ jeka lì hvòmɛ̀nɛ̀ ììlì ema Lohwɛ̀ à mà hwa uŋmɛ̀lɛ̀. Ɔ̀ndeŋgàtɛ̀ nanù ndi e tìlahwì ò e kààtì ya Lohwà nanù ema, “O eŋgànɛ̀lɛ̀ rzɔ, imba na ò eka ò ìtììtènì ja hwaŋga hwatò ema hwa rza enje wònyà Yudà, nà ò embeya mɛ̀rzɔkɔ ò lì eka lìinà là aŋgɔ̀.”

1 Kɔ̀rintìyà 12:3

O èŋgànɛ̀lɛ̀ rzɔ na arza ema e rzɔ̀ŋgìtɛ̀nɛ̀ nanù ema, tɔ̀ mòtò tɔ̀ mɔ̀kɔ ema a ondi na Èlìŋgɛ̀ ya ama Lohwɛ̀, a rza tanɛ lì ohwa nanù ema, “Yerzù a jemahwi” Rzi tɔ̀ mɔ̀kɔ a rza tanɛ a ohwa nanù ema “Yerzù a hwèlì ndi Rzàŋgo” ema rzeketɛ Èlìŋgɛ̀ yà Wòtani ndi è mò òŋgòwani.

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

1 Kɔ̀rintìyà 8:6

Ndi irzɔ i hwi nanù ema, ò hwèlì ndi Lohwà lɔ̀kɔ. Tatɛ̀ ema à wèki hwema hwe arzɛ, Mɔ̀ ndeŋgatɛ irzɔ i hwèlì lòŋgɛ. Ò hwèlì hvɛ ndi Rzàŋgo hvɔ̀kɔ, Yerzù Krirztò, lì akeyà nà Mɔ̀ ndi Lohwɛ̀ à wèki hwèmà hwe arzɛ, Mɔ̀ ndeŋgatɛ irzɔ i hwèlì lòŋgɛ.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

1 Yòwanìrzɛ̀ 4:15

Tɔ̀ njɛnɛ ema à ohwi nanù ema Yerzù ndi à hwèlì è Ŋmanà wà ama Lohwɛ̀, Lohwɛ̀ à hwèlì nà mɔ̀ ndèŋgàna mɔ̀ hvɛ à hwèlì nà Lohwɛ̀.

1 Yòwanìrzɛ̀ 4:2

Nànù ndi è àŋgàmɛ̀nɛ̀yi lì gbeyà ò lì hwiya ŋga Èlìŋgɛ̀ yà ama Lohwɛ̀ è hwèlì ò tenì yà awu; tɔ̀ ima mòtò ema à ohwa nanù ema Yerzù Krirztò à mà jà anu rze yà mɔ̀nyɛ̀ nàa mòtò wà hwènàmà nanù oma oŋgo mòtò à ohvi Èlìŋgɛ̀ yà ama Lohwɛ̀.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

Hwèwulùwèlì 3:5

Tɔ̀ njɛnɛ ema à lìya lì aka hweyà hwe wòhwe, mɔ̀ hvɛ à ò wɔ̀tɔ̀ mòŋgòmbè mò mbɔ̀mi, nà oma wɔ̀hvɛ hwa ò wɔ̀tɔ̀, ndèŋgànɛ̀lɛ̀ nà rza ò ulɛ̀ lìinà là eni ò è kààtì yà lòŋgɛ. Nà ò ohwa ò worzo wò ama è Tatɛ̀ yà ami nà ò worzo wò ama i aŋgèlì jà eni nanù ema hwa hwèlì ndi hwatò hwa ami.