Hvìlipìyà 2:10 - Mokpwe: Bakwery (New Testament)

¹⁰ Lohwɛ̀ à mà gbeyà ndi ene eyà nanù aŋga nanù o lìna la ama Yerzù, tɔ̀ ima ewèkèlì e hwɛni lì rzumeya Yerzù màwɔ̀ŋgɔ̀ŋgɔ̀, tɔ̀ hwèwèkelì ema hwe hwèlì ndi o ŋmanyu yà lohwà, tɔ̀ anu rze ya mɔ̀nyɛ̀ tɔ̀ o èkomè ya hwatò ema hwà mà ŋwɛɛ.

Hvìlipìyà 2:10 Mawu Ofanana

Matiyò 12:40

Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò.

Matiyò 27:29

Aŋga ndì hwa à wòwa ekɔ̀kɔ̀ yà gbee wò njenje rzìi hwa è òŋga nàa ekòòtò yà kìŋgɛ rzi hwa mò wɔ̀tìrzɛ̀ è yɔ̀ ò mòòhvò mò eni. Hwa mò tɛ̀tìrzɛ̀ mòtìmbò ò lìya là eni là mòme rzìi hwa rzùma màwɔ̀ŋgɔ̀ŋgɔ̀ ò rze lì mò kuwa. Hwa mà hwɛ lì òhwa nanù ema, “Èluhwe è hwɛ nà ò wà è kìŋgɛ yà wònyà Yudà!”

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Ròmànì 11:4

Nɛ Lohwɛ̀ à mà mò alàhwɛ̀ e? À mà mò alàhwɛ̀ nanù ema, “Nà mà uta hwekòlì lìrzamba hwe hwatò ò lì hwɛ hwatò hwa ami. Hwa hwèlì ndi hwatò ema wɔ̀ hwa rza kànɛ Bààlì lòòhwà là mòlàŋgà.”

Ɛ̀hvìrzìyà 1:10

Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 3:14

Lìtiŋga lìni ema nà rzùma màwɔ̀ŋgɔ̀ŋgɔ̀ mà ami ò rze ò worzo wò ama Tatɛ̀ ò lì è kanɛ̀lɛ̀lɛ̀.

Ɛ̀hvìrzìyà 4:9

Nà oma è tìlahwì nanù ema, “A ma ɛndɛ o èki ema e kàrzàmi rzayi-rzayi.” Mamɛ e hwèlì jànda ja ini jòohwi e? Ène e uŋmɛ̀lɛ̀ ndi nanù ema, mɔ̀ à mà loma lì jà o èki ema e rzɔ̀ŋgɔ̀, ema e hwèlì ndi ene rze.

Hibrù 1:6

È hvonda ema Lohwɛ̀ à mà arze ò lì oma è Ŋmanà wà eni wà worzo ò ene rze à mà ohwa nanù ema, “Inyɛ̀ i aŋgèlì jà ami ja arzɛ i mò kanɛ̀.”

Hwèwulùwèlì 20:13

Hwàto ema hwa mà ŋwèeyà ò tenì yà ŋmànja, hwa mà ɛndɛ ò mà Lohwɛ̀ aŋga nanù à hwa kàyìrzɛ̀. Ndeŋgànɛlɛ hwanɛyi hwatò ema hwa mà ŋwɛ̀ɛ̀ ema hwa hwèlì ò èkomè yà hwatò ema hwa mà ŋwɛ̀ɛ̀, wɔ̀ hvɛ hwa ò tɛ̀mɛ̀ ò worzo wò ama Lohwɛ̀ aŋga nanù mɔ̀ à ò hwa kàyìrzɛ̀ lì wowàna hwɛ̀ɛ̀mɛ̀ hwe awu.

Hwèwulùwèlì 4:10

È hvonda ema hwe mà hwɛ lì emba, eŋge mbàŋgɛ yà hwàmbaki nà hwànìi hwa mà kpa ò worzo wò ama è mɔ̀ ema à lìyayi ò konda yà lìkànèyà, ema à hwèlì ò lòŋgɛ ò gbìndèyà nà ò gbìndèyà. Wɔ̀ hwa mà hwɛ lì mò ŋgba èluhwe, rzìi hwa hvimba hwèkòòtò hwe awu ò rze, ò worzo wò è konda yà lìkànèyà rzìi hwa à emba nanù ema,

Hwèwulùwèlì 5:3

Ndi tɔ̀ o ŋmanyu yà lohwà, tɔ̀ o e rze ya mɔ̀nyɛ̀, tɔ̀ o èkomè ya hwatò ema hwà mà ŋwɛɛ, o rzi hwɛ tɔ̀ mòtò ema à mà tànɛ lì wuluhwa eŋge kààti ema e lìŋgɛ̀lɛ̀hwɛ tɔ̀ o lì e ɔŋgɔ o tenì.