Hvìlipìyà 1:8 - Mokpwe: Bakwery (New Testament)

⁸ Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

Hvìlipìyà 1:8 Mawu Ofanana

Lukàrzɛ̀ 1:78

Ènè eyà yò ò gbèyɛ̀nɛ̀ èhwanja, Lohwɛ̀ a mà jò uŋmɛ̀lɛ̀ ììlì nà ŋmèma mò eni mò gbamù. Inì ììlì ì hwèlì ndi nàa mòrzɔnji-rzɔnji mò igbèyi ema mò uhwɛlɛlɛ ò ŋmanyu yà Lohwà, ema mò jò jàneya lì òŋgìrzɛ̀.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Ròmànì 9:1

Nà òhwa ndi e jɔ̀kɛ̀ nàa e mòtò ema a lòkɛ̀ Krirztò, na rza kɔwu hweyà. Ŋmèma mò ami ema èlìŋgɛ̀ yà wòtani e kànèyà mò nò òhweyà nanù ema na rza kɔwu hweyà.

2 Kɔ̀rintìyà 13:9

Jo ò oka mɔ̀nyɛ̀ŋgì, je e ɛni tɛ na oma e gbeyà hweyà ema hwe gbeyà lì lòkɛ̀ la anyu lì andàmà, tɔ̀ e hwɛ ndi nanù ema irzɔ je ɛni nanù ema i rza imbami, èhwanja i rza ɛni tɔ̀ lìtiŋga o lì e kɔ̀kìrzɛ̀. I kanɛ̀ ndi nanù ema Lohwɛ̀ a e òŋgwànɛ̀ ɛ̀ɛ̀mɛ̀ ya anyu e hwɛ ndi e ya gbamù.

2 Kɔ̀rintìyà 6:12

Irzɔ je e lìŋgàni, ndèŋgànɛlɛ i rza rzɔ̀rzì o lì e uŋmɛ̀lɛ̀ nanù ema je e lìŋgàni. Ndi inyɔ e uŋmɛ̀lɛ̀ nanù ema e rza jo lìŋgàni.

2 Kɔ̀rintìyà 7:15

Èŋge eyà e gbèyi ema ŋmèma mo eni mo hwèlì na inyɔ lì aka tɔ̀ na e hvonda ya worzo, na oma a ɔ̀ŋgɛ̀lɛ̀ nɛ inyɔ hwa arzɛ e ma hwɛnɛ ŋmèma mo lì gbeyà hweyà hwe arzɛ ema mɔ̀ à mà e ohweyà o lì gbeyà. Ŋmèma mo eni mo hwèlì hvɛ na inyɔ nanù mɛnɛ, a ɔ̀ŋgɛ̀lɛ̀ tɛ nɛ inyɔ e ma mo karzɛ na èluhwe na o lì mo òŋgòwànà hvɛ na ŋmèma mɔ̀kɔ.

Gàletìyà 1:20

Hweyà ema na e tìleyà hwe hwèlì ndi è jɔ̀kɛ̀. Lohwɛ̀ a hwi nanù ema na rza kɔ̀ ndi hweyà.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

Hvìlipìyà 2:1

Nà oma e hwèlì mɔ̀kɔ na Krirztò e kɔ̀mɛlɛhwɛyi, ndèŋgànɛ̀lɛ̀ e ndìŋgɛ ya eni è e ŋgba etembe, inyɔ e alàtanɛ na Èlìŋgɛ̀ yà Wòtani. È awuŋmɛ̀lɛ̀nɛ mèèmà me gbamù na lì a okànɛ̀lɛ̀ mɔ̀kɔ na ɔnɛyi ììlì.

Hvìlipìyà 2:26

A hwɛni e nyɔ̀ŋgi o lì e ɛnɛ inyɔ hwa arzɛ, ndèŋgànɛ̀lɛ̀ à mà kpa ŋmèma na oma mɔ̀ à mà hweye nanù ema inyɔ e ma hweyà nanù ema mɔ̀ à mà ɔ̀kirzɛ.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Kòlòrzìyà 2:1

Nà lìŋgàni nanù ema e hwiye nɛ imba nà mà ahvahvɛ o lì e gbèeyà na o hwaŋga hwatò hwa e mbowà ndɛnɛ ya Làwòdèrzìyà. Ndeŋgànɛlɛ e hwiye hvɛ nɛ imba nà mà ahvahvɛ o lì gbèeyà hwanɛyi hwatò ema hwa rzi no ɛni na mìirzɔ ma awu.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

1 Tɛ̀rzàlonìyà 2:5

Inyɔ hwiti e hwi nanù ema na oma i ma hwɛ na inyɔ, i rzi e ohweyà ndi mbɔrzi ema e tɛɛ, ndèŋgànɛ̀lɛ̀ i rzi hwɛ njɔ̀ŋgu. Lohwɛ̀ mɔ̀ ŋmìti a jo tɛmelì mboŋgi.

1 Tɛ̀rzàlonìyà 2:8

Je e lìŋgàni rzàyi-rzàyi, rzeketɛ o lì e ohwa Ŋmɛ̀ndì mò Gbamù mo ama Lohwɛ̀ mɛnɛ, ndi o lì arza hvɛ hveyo ò lì e oŋgowàna ehwànja je e lìŋgàni rzayi-rzayi.

2 Tìmotì 1:4

Nà ɔ̀ŋgɛ̀lɛ̀yi tɛ nà oma ò mà hwɛ rzɔ̀lùù nà lì eyà, nà hwɛni nyɔ̀ŋgi rzayi-rzayi ò lì ò ɛnɛ, aŋga nanù nà oka mɔ̀nyɛ̀ŋgì rzayi-rzayi.

Hvìlɛ̀mɔ̀nì 1:12

Nà ò timbirzɛlɛlɛ è mɔ̀ nàŋgɛ, ndèŋgànɛlɛ mɔ̀ à hwèlì ndi mòtò ema imba nà lìŋgàni rzàyi-rzàyi.

Hvìlɛ̀mɔ̀nì 1:20

Ò èŋgànɛ̀lɛ̀ rzɔ, ŋmanyàŋgò wà ami kòkò, nà ò rzòrzòmeyà ndi nanù ema ò nò òŋgòwànè ò lìnà là ama Rzàŋgo. Ò nò lìŋgìrzɛ̀ ò lìnà là ama Krirztò.

1 Yòwanìrzɛ̀ 3:17

Tɔ̀ njɛnɛ ema a ohvi erzàŋgo rzi a ɛnɛ ŋmanyàŋgò wa eni a endèli rzìi a rzi mo hwɛneya ŋmèma mo ììlì o lì mo oŋgòhwànà, nɛ rzɔ mɔ̀ à tanɛyi lì ohwa nanù ema a lìŋgàni Lohwɛ̀ e?