Hvìlipìyà 1:7 - Mokpwe: Bakwery (New Testament)

⁷ Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Hvìlipìyà 1:7 Mawu Ofanana

Hwègbèèlì 20:23

Nà hwi ndi nanù ema ò tɔ ima mbòwa ndɛnɛ ema na ɛndɛ, Èlìŋgɛ̀ yà Wòtani e nò kòkòwɛ̀lɛ̀ nanù ema hwèwòwà na mètàkà me hwèlì me nò ambɛ̀lɛ̀.

Hwègbèèlì 21:33

È mòkànèlì wa hwàanà njuma rzìi a ɛndɛ lì ùŋmànɛ̀lɛ̀ Pàwolò rzi a mò ŋgbaŋgɛ, rzìi a akɛlɛ lìlò nanù ema hwa mò kàkane ŋgɔ̀kɔ̀hwì ihwakɛ. Rzìi à ijòwa nanù ema, “Njɛnɛ ònò e? Mamɛ mɔ̀ à gbèyi e?”

1 Kɔ̀rintìyà 13:7

È mòtò ema a uŋmɛ̀lɛ̀ hwatò e ndìŋgɛ, a rza kìnyɛ̀lɛ̀, a ohvi lì lòkɛ̀ ihvonda ja arzɛ. A hwɛnì lìhvìtà ihvonda ja arzɛ, a kakànà hvɛ hwèèmà hwe arzɛ mèèmà ihvonda ja arzɛ.

1 Kɔ̀rintìyà 9:23

Nà gbeyà hweyà hwe arzɛ nanù, ò lì nyàlìrzɛ̀ Ŋmɛ̀ndì mò Gbamù mò ama Lohwɛ̀, aŋga nanù imba hvɛ na lùwa mònàmɛ̀ ema mo hwèlì o monò Ŋmɛ̀ndì mò gbamù.

2 Kɔ̀rintìyà 3:2

Inyɔ hwiti e hwèlì ndi o mèèmà me arzu nàa kààtì ema e tìlahwì, rzìi hwatò hwa arzɛ hwa e laŋga o lì hwiya mamɛ ema e hwèlì o tenì.

2 Kɔ̀rintìyà 7:3

Nà rza ohwi hwenè hweyà nanù o lì e akɛlɛlɛ mbako ya wòhwe. Nà ma loma lì e tìleya nanù ema, irzɔ i e lìŋgàni rzayi-rzayi, tɔ̀ e hwɛ ndi o kpelì tɔ̀ o lòŋgɛ, i hwɛni ndi o lì hwɛ mòtò moko.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Ɛ̀hvìrzìyà 6:20

Yerzù Krirztò a no hvɔ̀rzɔ̀ o lì hwɛ e rzuwɛlɛ ya eni o lì ohwa mono Ŋmɛ̀ndì mò Gbamù. Litiŋga lìiŋgi ɔ̀ndeŋgàtɛ̀ na gbèyi ndi naŋgɛ nàa e mòtò wa hwèwòwà. O èŋgànɛ̀lɛ̀ inyɔ e no kànɛ̀lɛlɛ nanù ema Lohwɛ̀ a na ètìrzɛ̀ ŋmèma mo ami, o lì ohwa mono ŋmɛ̀ndì mò gbamù e rzi hwɛ lì oka tɔ̀ wɔ̀ŋgɔ̀.

Hvìlipìyà 1:12

Wònyàmòwe kòkò, na arza nanù ema e hwiye nanù ema hweyà ema hwe no gbèyɛ̀nɛ̀yi anu, hweŋge hweyà hwe oŋgowani rzayi-rzayi nanù ema ŋmɛ̀ndì mò gbamù mo nyàle lì ɛndɛ o worzo.

Hvìlipìyà 1:13

Ène eyà e gbèyi, hwàanèlì hwa njuma hwa arzɛ ema hwa ɔŋgeya ewoka ya ama e mòkànèlì, na hwahvɛhvɛ hwatò ema hwa hwèlì anu, hwa hwi nanù ema nà aŋgɛhwɛyi o hwèwòwà ehwànja na hwèlì ndi à mògbèèlì wa ama Krirztò.

Hvìlipìyà 1:14

Èhwànja na aŋgɛhwɛyi o hwèwòwà e ŋgànà ema e ma kɔ̀mɛlɛ rzàyi-rzàyi ja hwàlòkèlì o lì ètìrzɛ̀ mèèmà me awu, o eŋgànɛ̀lɛ̀ wɔ̀ hwà mà ètìrzɛ̀ mèèmà o lì ohwa Eyà ya Lohwà e rzi hwɛ lì oka tɔ̀ wɔ̀ŋgɔ̀.

Hvìlipìyà 1:5

Nà ŋgbà jèka tɔ̀ ima hvonda ò nyòla jòòŋgwànɛ̀ ema è nò ŋgba ò lì ohwa ŋmɛ̀ndì mò gbamù, lì wòteyà è hvonda ema è mà mò hwèye, rzi è mò lòkɛ̀, nàtɛ̀ɛ nà naŋgɛ.

Hvìlipìyà 2:22

Ndi inyɔ hwiti hvɛ e hwi na oma Tìmòtì à mà awuŋmɛ̀lɛ̀ nanù ema a tànɛyi lì lòkɛ̀hwɛ, ehwànja irzɔ na mɔ̀ i gbeeyɛnɛ èwòlò ya lì ohwa ŋmɛ̀ndì mò gbamù nàa ŋmanà na rzàŋgɛ.

Hvìlipìyà 4:14

Ndi tɔ̀ nanù, e ma gbeyà gbamù o lì no òmeya lìhwoŋgo ò e hvonda ema nà mà hwɛ o mòtàkà.

Hvìlipìyà 4:15

Ò jɔ̀kɛ̀ inyɔ hwatò hwa Hvìlìpì, inyɛ e hwiye gbamù nanù ema, e hvonda ema nà mà wòteyà o lì ohwa ŋmɛ̀ndì mò gbamù, e hvonda ema imba nà mà anjiye o Màrzèdonìyà, inyɔ mɛnɛ ndi e ma hwɛ ŋmèmba ema mo ma no oŋgòhwànà.

Hvìlipìyà 4:3

Mbunda ami kòkò, ema ì gbèyɛnɛ èwòlò, nà ò atɛ̀kɛ̀ nanù ema ò òŋgowane hwanu hwalanà hwahwàkɛ nanù ema hwa àwohvanɛ̀ mɔ̀kɔ nà ɔnɛyi ɛ̀yɔ̀lɛ̀. Hwanu hwalana hwahwàkɛ, Klɛ̀mɛ̀ntì nà hwahvɛhvɛ hwàgbèèlì hwa mà hwɛ ò toŋgoŋgo yà ami. Irzɔ nà wɔ̀ ì mà gbeyà èwòlò gbamù, aŋga nanù imba nà ò tànɛ lì ohwa ŋmɛ̀ndì mò gbamù. Mììnà mà awu mà arzɛ mà hwèlì ò tenì yà è kààtì yà lòŋgɛ.

Kòlòrzìyà 4:18

Imba Pàwolò ndi nà tilì ini ikɔ̀mi nà lìya là ami. È rzi hvoŋga nanù ema nà hwèlì ò hwèwòwà. Inyɛ̀ è ndèli yà ama Lohwɛ̀ è hwɛ nà inyɔ.

Kòlòrzìyà 4:3

È a jo kànɛlɛlɛ irzɔ hvɛ, aŋga nanù Lohwɛ̀ a jo lìhvoweya e njiya o lì ohwa ŋmɛ̀ndì lì hvomɛ̀nɛ̀ Krirztò, ema hwatò hwa rzi rzɔ̀ŋgìtɛ̀nɛ̀ o mòlòmɛ. Moŋgo ŋmɛ̀ndì ema imba na ohwa mɔ̀ ndi mo gbèyi ɔndèŋgàtɛ̀ imba na hwèlì o hwèwòwà.

1 Tɛ̀rzàlonìyà 5:5

Inyɔ hwa arzɛ è hwèlì ndi hwatò hwa ŋmàye, nà hwatò hwa ŋmèrze. Irzɔ i rza enje hwatò hwa wùù tɔ̀ hwatò hwa jìtìtì.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

Hvìlɛ̀mɔ̀nì 1:13

Nà mà lìŋgàna nanù ema à hwɛ ndi nà imba, aŋga nanù à nò òŋgòwànà ò lì hwɛ ò èki yà aŋgɔ nàŋgɛ ema imba nà hwèlì anu hwèwòwà ò lìnà là ŋmɛ̀ndì mò gbamù.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

2 Pètrò 1:13

Nà ɛnɛ nanù ema o naŋgɛ ema na hwèlì lòŋgɛ, o lɔ̀wu nanù ema na e ɔ̀ŋgɛ̀lɛ̀nɛ hwene hweyà ihvonda ja arzɛ aŋga nanù na e hwèmìrzɛ̀ màlùtèyà ma anyu.

1 Yòwanìrzɛ̀ 3:14

Irzɔ ì hwi nanù ema ì mà rzuwàna è ŋginyà yà è kpelì ò naŋgɛ ì hwɛni lòŋgɛ là gbìndèyà, ì hwi nanù ehwànja jà alìŋgànɛ̀yi mɔ̀kɔ nà ɔ̀nɛyi. Tɔ̀ ima mòtò ema à rza uŋmɛ̀lɛ̀ wònyànyàŋgo hwa Krirztò è ndìŋgɛ à èlelì ndi ò rze yà è ŋginyà yà kpelì.