Hvìlipìyà 1:28 - Mokpwe: Bakwery (New Testament)

²⁸ È rzi keka lì oka hwaŋga hwatò ema hwa e teŋgɛ̀nɛ̀ wɔ̀ŋgɔ̀. Inyɛ̀ ètìrzɛ̀ mèèmà me anyu o ihvonda ja arzɛ. Ène eyà e o uŋmɛ̀lɛ̀ nanù ema, wɔ̀ hwa rza o luwa lìrzùŋgàhwa ndi inyɔ e o lì luwa. Lohwɛ̀ ndi à rzekelì hwene hweyà hwe arzɛ.

Hvìlipìyà 1:28 Mawu Ofanana

Matiyò 10:28

È rzi òka tɔ̀ mòtò wa hwènàmà ema a tànɛyi lì òŋwa e nyàmà nyò wɔ̀ŋgɔ̀, ndi à rza tànɛyi lì òŋwa èlìŋgɛ̀. Ndi e òke Lohwɛ̀ wɔ̀ŋgɔ̀ ema a tànɛyi lì hvàŋga e nyò na èlìŋgɛ̀ ò tenì ya èhvɔ̀ndì ya mùnya.

Makòrzì 3:3

Yerzù à mà òhweyà òŋgò mòtò ema à ma ɔ̀kirzɛ̀ mɔ̀ɔ̀ mò njɛmbu nanù ema, “Jà ò tɛ̀mɛ̀ ò màrzò ma hwatò hwa arzɛ!”

Lukàrzɛ̀ 3:6

Àŋga ndi è mòtò wà àrzɛ à ɛnɛ nà òmà Lohwɛ̀ a òŋgìrzɛ hwatò hwa eni.”

Yòwanìrzɛ̀ 16:8

Ndì Mɔ̀ a jelì tɛ a e uŋmɛ̀lɛ̀ hwatò hwa ene rze ema lì rzɔŋgìtɛ̀nɛ̀ la awu lì hvòmɛ̀nɛ̀ lì gbeyà la wòhwe na lì gbeyà la hweyà hwe jɔ̀kɛ̀ hwe rza lɔ̀wu. Ndèŋgana wɔ̀ hwa rza ò rzɔŋgìtɛ̀nɛ̀ hwèkayirzelì hwe ama Lohwɛ̀.

Hwègbèèlì 28:28

Pàwolò rzìi a kulɛ na eŋge mbɔrzi nanù ema, “Inyɔ e hwɛni lì hwiya nanù ema ŋmɛ̀ndì mò lì rzùŋgàhwa ema Lohwɛ̀ à mà òmɛ, ò nàŋgɛ à mà mò òmeya hwatò ema hwa rza enje wònyà Yudà ndèŋganɛlɛ hwa ò mò òkànèyà.”

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

1 Tɛ̀rzàlonìyà 2:2

Inyɔ hwiti e hwi nɛ hwà mà jo hwɛnyɛ na lì jo tàkirzɛ wòhwe o e mbowà ya Hvìlìpì ndèŋgànà je e jèeya o e mbowà ya Tɛ̀rzàlonìya. Tɔ̀ nɛ o ma hwɛ hwatò hwà mà jo teŋgɛ̀nɛ̀ rzayi-rzayi, Lohwɛ̀ la arzu a jo etìrzɛ mèèmà me arzu o lì e ohweyà Ŋmɛ̀ndì mò Gbamù ema mo uwɛ̀lɛ̀lɛ̀yi na mɔ̀.

Hibrù 13:6

O èŋgànɛ̀lɛ̀ jo ohwa nà èkɔ̀ɔnjì nanù ema, “Lohwɛ̀ ndi à hwèlì e mòoŋgòwànèlì wa ami, nà rza oka wɔ̀ŋgɔ̀, mamɛ̀ mòtò wa hwènàmà a tanɛ̀yi lì no gbeyà e?”

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.